«Сцюжа»

886

Описание

Новая аповесць народнага пісьменніка Беларусі Васіля Быкава “Сцюжа” пра перадвайну і вайну, пра лёс нацыі, пра вытокі той бездухоўнасці, у якой цяпер апынулася наша грамадства. Напісана вострасюжэтна, глыбока псіхалагічна, з даверам да чытача. Чытаючы “Сцюжу”, чысцееш душой і смутнееш сэрцам. Як у антычнай трагедыі, праходзіш катарзіс. Вабіць і мова твора – натуральная, шматпланавая.

1 страница из 139
читать на одной стр.

Настроики

Фон текста:

Текст
Текст
Текст
Текст

Аа
Roboto
Аа
Garamond
Аа
Fira Sans
Аа
Times

Сцюжа (fb2) - Сцюжа 519K скачать: (fb2) - (epub) - (mobi) - Василь Быков Васіль БыкаўСЦЮЖА

Аповесць

Падрыхтаванае на падставе: Васіль Быкаў, Сцюжа. Аповесць, — Мінск: Мастацкая літаратура, 1993. — 176 с..

Рэдактар: Барадулін Рыгор

ТУТ ПАХАВАНЫВЕРНЫЯ ПАТРЫЁТЫСАВЕЦКАЙ РАДЗІМЫ:

Маёр Жалудоў

Пратызан Пацюпа А. Г.

Чырвонаармеец Крывашэін К. С.

Партызан Галадуха С.

Партызан Старук С. Я.

Партызан Азевіч Я. І.

. . . . . . . . . . . . . . . . . . . . . .

ВЕЧНАЯ СЛАВА ГЕРОЯМ!

(з прыдарожнага абеліска)

Гарадзілаў памёр на світанні — ціха, неўпрыкмет сканаў у сцюдзёным, прадзьмутым ветрам буданчыку. Азевіч, які сам задрамаў на сконе начы, нават не заўважыў таго, хоць і адчуваў звечара, што пракурору ўжо не падняцца. Тры апошнія дні той не ўставаў на ногі, палаў у гарачцы, сіпата, дробненька дыхаў і — што асабліва ўразіла Азевіча — перастаў пазнаваць яго. Гэтую ноч звечара незразумела, дзікавата трызніў, вёрз немаведама што пра нейкага (ці нейкую) Кузю, тузаўся, скрыгаў зубамі, увесь час сцягваючы з сябе шынелак, якім яны накрываліся разам. Азевіч стаміўся за ноч рупіцца каля хворага, бясконца атуляць адзежынай яго гарачае цела. I толькі на золаку неяк знерухомеў у цішыні, заснуў, аж покуль не прахапіўся ад падазрона страхавітага спакою, што запанаваў у будане. Гарадзілаў ляжаў нерухома і ўжо быў сцюдзёны — гарачыня без рэшты сышла з яго цела, грудзі пад ватоўкай не паднімаліся. Азевіч прыклаў да іх вуха і не пачуў нічога. Мусіць, усё ўжо скончылася.