«Домострой»

ДОМОСТРОЙ

ГЛАВА 1 НАКАЗАНИЕ ОТЦА К СЫНУ

Благословляю аз многогрешный (им. рек) и поучаю и наказую и вразумляю единочадаго сына своего, (им. рек) и его жену, и их домочадцев быти во всяком христианском законе, и во всякой чистей совести и в правде; с верою творяще волю Божию, и храняще заповеди Его; себе утвержающе во всяком страхе Божии и в законом жительстве; и жену поучающе, тако ж и домочадцев своих наказующе не нуждою, ни ранами, ни работою тяжкою; имеюще яко дети, во всяком покое, – сыты и одеты, и в теплом храму и во всяком устрои. И вдаю вам христианскому жительству писание на память и вразумление вам и чадом вашим. Аще сего моего писания не внемлюще, и нашего наказания не слушаете, и по тому не учнете жити, и не тако творити, якоже есть писано, – сами за себя ответ дадите в день страшнаго суда; а аз вашим винам, и греху не причастен, кроме моея душа; аз о всяком благочинии благословлял, и плакал и молил, и писание предлагал; и аще восприимете сие мое худое учение и грубое наказание со всею чистотою душевною и прочитая, прося у Бога милости и помощи и разума поелико возможно, как вас Бог вразумит и начнете делом творити вся сия: будет на вас милость Божия и пречистыя Богородицы и всех святых и наше благословение от ныне и до веку; и дом ваш, и чада ваши, и стяжание ваше, и обилие, что вам подаровал Бог от нашего благословение и от своих трудов да будет благословенно во всяких благих во веки аминь.

ГЛАВА 2 КАКО ВЕРОВАТИ ХРИСТИАНАМ ВО СВЯТУЮ ТРОИЦУ, И ПРЕЧИСТУЮ БОГОРОДИЦУ, И КРЕСТУ ХРИСТОВУ И СВЯТЫМ НЕБЕСНЫМ БЕЗПЛОТНЫМ СИЛАМ[1] И ВЕЛИКОМУ ВО ПРОРОЦЕХ ИОАННУ ПРЕДТЕЧИ[2] И ВСЕМ СВЯТЫМ И ЧЕСТНЫМ[3] ИХ МОЩЕМ ПОКЛОНЯТИСЯ

Подобает убо всякому христианину по Бозе жити, в православной вере християнской. Первое убо: от всея душа и от всего помышления и всеми чювствы, теплою верою веровати во имя Отца и Сына и святаго Духа в неразделимую Троицу; и в воплощение Господа нашего Исуса Христа сына Божия веруй. Рождьшую его матерь – Богородицу нарицай; Кресту же Христову с верою покланяйся, яко на том, всем человеком[4] спасение содела Господь; иконе же Христове, и пречистой его матери, и Святым небесным безплотным силам, и всем святым честь верою воздавай; яко самем любовь[5] в молитве ее глаголи, и поклонение твори, и на помощь к Богу призывай их; мощи ж Святых с верою целуй и покланяйся им.

ГЛАВА 3 КАКО ТАЙНАМ БОЖЬИМ ПРИЧАЩАТИСЯ И ВЕРОВАТИ ЯКО БУДЕТ В0СКРЕСЕНИЕ МЕРТВЫМ, И СТРАШНАГО СУДА ЧАЯТИ, И КАКО КАСАТИСЯ СВЯТЫНИ ВСЯКИЯ

Тайнам Божьим веруй, телу и крови его верою[1] причащайся и со страхом, на очищение и на освящение души[2] и телу и во оставление грехов и во жизнь вечную. Веруй быти воскресению мертвых и жизни будущаго века. Помяни страшный суд и воздание по делом будет нам; аще когда преочистив себе духовне, в чистей совести коснутися и с молитвою и молением целовати животворящий крест, и Святыя, честныя и чюдотворныя образы, и многоцелебныя мощи: по молении прекрестяся поцеловати дух в себе удержав, а губаше не плескати[3]. А благоволит Бог[4]причаститися Божественных[5] тайн, ино лжицею, от иерея приемля во уста опасно: губами не сверкати, руце имея ко персем согбени крестообразно[6], а дора, и просфира, и всякая святая вкушати бережно с верою и со страхом, крохи на земь не уронити, а зубом[7] не кусати, яко же прочии хлебы; уломываючи кусовцем[8], класти в рот, а ясти зубами[9] и ртом не плескати[10], а просфиры с вологою не ясти токмо вода прихлебывати[11] или вина служебнаго в укроп прибавити; а иного ничего не примешивати, а преж всякия ествы вкушается[12] просфира в церкви или в дому; а с кутиею ни како ж просфиры[13] ни каноном, и ни с какою вологою не вкушати; ни на кутию просфиры не класти. Аще с кем о Христе целование сотворити, також – дух в себе удержав поцеловатися; а губами не плескати, поразсуди человеческия немощи, нечювственаго духа гнушаемся хмелнаго, чесночнаго, болнаго и всякаго смрада; толь[14] мерзко Господеви наш смрад и обоняние; сего ради со опасением сие творите.

ГЛАВА 4 КАКО ЛЮБИТИ ГОСПОДА ОТ ВСЕЯ ДУША; ТАКОЖ И БРАТА СВОЕГО И СТРАХ БОЖИЙ ИМЕТИ И ПАМЯТЬ СМЕРТНУЮ

По сем же возлюби Господа Бога своего от всея душа своя и от всея крепости своея; и подвигни вся дела твоя и обычаи и нравы угодная творити[1] Господеви. Паки же искреняго си возлюби: и всякаго человека по образу Божию созданнаго, рекше: всякого христианина. Страх Божий всегда имей в сердце своем и память смертную и любовь не лицемерную ко всем; всегда волю Божию твори и по заповедем его ходи. Рече бо Господь: в чем тя застану, в том тя и сужду; того ради достоит всякому[2] готову быти в добрых делех; в чистоте и в покаянии, и во всяком исповедании, всегда чающе часа смертнаго[3]. О том же. Возлюби[4] Господа от всея душа и страх его да будет в сердце твоем; праведен буди и истен[5] и смирен; очи долу понича, ум же к небеси простирая, умилен к Богу, и к человеком приветлив. Печалнаго утеши; терпелив в напастях, и недосадитель всякому человеку, – щедр и милостив; и нищим кормилец[6], и странноприемник; скорбен греха ради[7]; весел о Бозе; алчен буди от обядения и жажден ото пьянства; кроток не славохотен[8] не златолюбец, но друголюбец; не горд; боязнив пред царем, готов в повелении его; во ответех сладок; частомолитвенник; разумен трудник к Богу, и не осудник всякому человеку; поборник обидимым; нелицемерен; чадо Евангелия; сын воскресения; наследник будущия жизни о Христе Исусе Господе нашем[9], ныне и присно и во веки веком аминь.

ГЛАВА 5[1] КАКО ЦАРЯ ИЛИ КНАЗЯ ЧТИТИ И ПОВИНОВАТИСЯ ИМ ВО ВСЕМ И ВСЯКОМУ ВЛАСТЕЛЮ ПОКАРЯТИСЯ И ПРАВДОЮ СЛУЖИТИ[2] ВО ВСЕМ И К БОЛШИМ, И К СРЕДНИМ[3], И К СКОРБНЫМ И МАЛОМОЩНЫМ, И КО ВСЯКОМУ ЧЕЛОВЕКУ, КАКОВУ БЫТИ, И СЕБЕ О ВСЕМ ВНИМАТИ

Царя бойся и служи ему верою, и всегда о нем Бога моли, и ложно отнюдь не глаголи пред ним; но с покорением истину отвещай ему, яко самому Богу, во всем повинуйся ему. Аще земному царю правдою служиши, и боишися его, тако научишися и небеснаго Царя боятися: сей временен есть, а небесный[4] безначален и безконечен и судия не лицемерен: и воздаст комуждо по делом его. Також и князем покаряйся, и должную честь воздавай им, яко от него посланым, во отмщение злодеем, в похвалуже добродеем. Князю своему прияй[5] и властелем своим, ни по мысли нань зла. Глаголет Павел апостол: вся владычества от Бога учинена суть: да – аще кто противится властелем, то Божию повелению противится. А царю и князю и всякому велможе не тщися служити лжею и клеветою и лукавстом; погубит Господь вся глаголящая лжу. Аще[6] ропотники[7][8] и клеветники от народа прокляти суть. Старейшем себе честь воздавай, и поклонение твори; средних яко братию почитай; маломощных и скорбных любовью привечай[9], и юнейших яко чада люби, и всякому созданию Божию не лих буди. Славы земныя ни в чем не желай[10] вечных благ[11]проси у Бога; всякую скорбь и тесноту со благодарением терпи; обидим не мсти; хулим моли; зла за зло не воздавай; ни клевет за клевету; согрешающая не осуждай; воспомяни своя грехи и о тех крепко пекися; злых мужей совета отвращайся буди ревнитель правоживущим[12] и тех делания написуй в сердцы своем, и сам тако же твори.

ГЛАВА 6 КАКО ЧТИТИ ДЕТЕМ ОТЦА ДУХОВНАГО И ПОВИНОВАТИСЯ ИМ ВО ВСЕМ

Подобает делати[3] и се: како чтити детем отец своих духовных. Изыскати отца духовнаго добра, и боголибова, и благородна, и разсудительна, а не потокалника, ни пьяницу; ни сребролибива, ни гневнивлева; тако да убо подобает чтити и повиноватися ему во всем; и каятися пред ним со слезами; и исповедати грехи своя безстыдно и безсрамно; и заповеди его хранити и епитемию исправляти противу греха. А призывати его к себе в дом часто и к нему приходити и извещатися ему всегда, во всякой совести; и наказание его с любовью приймати, и послушати его во всем, и чтити его и бити челом пред ним ниско; он учитель наш и наставник и имети его со страхом и любовью; и к нему приходити, и приношение ему давати от своих плодов и трудов по силе; и советовати с ним часто о житии полезном, и востязатися грехов своих и како учити и любити мужу жену свою, и чад, и раб, а жене мужа своего слушати и спрашиватися по вся дни; и извещатися о гресех своих всегда пред отцем духовным и обнажити грехи своя вся, и покорятися пред ним во всем; тии бо бдят о душах наших и ответ дадут о нас в день страшнаго суда; а не поносити, ни осуждати, ни укоряти и о ком учнет печаловатися ино его слушати ино виноватого пожаловати по вине смотря с ним же разсудя[4].

ГЛАВА 7[1] КАКО СВЯТИТЕЛЬСКИ ЧИН ПОЧИТАТИ ТАКОЖ И СВЯЩЕНИЧЕСКИЙ И МНИШЕСКИЙ[2] И ПОЛЗОВАТИСЯ ОТ НИХ; О ВСЯКИХ СКОРБЕХ ДУШЕВНЫХ И ТЕЛЕСНЫХ ИЗВЕЩАТИСЯ

К святительскому чину всегда прибегай, и должную честь воздавай им; благословения и духовнаго поучения требуй от них; и припадай к ногам их и во всем повинуйся им по Бозе; також священническому чину и мнишескому велию веру, и любовь, и повиновение и всякое покорение пред ними имей; и духовную ползу от них внимай[3], а о недоразумных[4] и о душевных совестех и о всяких греховых винах, без всякого зазору спрашиватися у них; и аще некокая скорбь посетить тя душевная или телесная, или болезнь, или какой недуг, или пожар, и потоп, или татба, или разбой, или царьская[5] опала, или властелин гнев, или поклеп, или оговор, или продажа зла, и всякая неизбытная печаль[6], – о всех сих не отчайся; воспомяни своя предняя согрешения; еже зла содея к Богу и человеком, и пролей теплыя слезы милостивому Владьще и Пречистой Богородице и ко всем Святым; и прибегни к необоримому пристанищу, к сим духовным наказателем исповеждь своя согрешения, скорбь, со умилением, и со слезами и сокрушением сердечным: могут тя уврачевати во всяких скорбех и духовную[7] ползу даровати; а еже повелят ти сие твори от божественнаго исправления[8] тии бо суть слуги и молебники небеснаго Царя; имеют дерзновение у Господа просити добрых и полезных душам и телом нашим, и оставления грехов и жизни вечныя.

ГЛАВА 8[1] КАКО ВРАЧЕВАТИСЯ ХРИСТИАНОМ ОТ БОЛЕЗНЕЙ И ОТ ВСЯКИХ СКОРБЕЙ[2], ЦАРЕМ И КНЯЗЕМ И ВСЯКИМ ЧИНОВНИКОМ, И СВЯТИТЕЛЬСКОМУ ЧИНУ, И СВЯЩЕННИЧЕСКОМУ И МНИШЕСКОМУ, И ВСЕМ ХРИСТИЯНОМ

Аще Бог пошлет на кого болезнь или какую скорбь ино врачеватися Божьею милостью, да слезами и молитвою, и постом, и милостынею к нищим, да истинным покаянием; да благодарение и пощение и милосердие и нелицемерную любовь ко всякому; аще кого чем преобидел отдати сугубо и впредь не обидети; да отцев духовных и всяк священнический чин и мнишеский подвизати на моление к Богу; и молебны пети и вода святити честным и животворящим крестом[3] и со святых мощей и чюдотворных образов; и маслом святитися, да по чюдотворным по святым местом обещеватися, и, приходяще молитися со всякою чистою совестию; тем целба всяким различным недугом от Бога получити, да от всяких грехов удалятися, и впредь никакова зла не творити: и отцев духовных заповеди хранити и епитемии исправляти, тем очиститися от греха, и душевная и телесная болезнь исцеляти, и к Богу молитва сотворити[4]. Всякому христианину целити себя от всяких различных недугов душевных и телесных, и душетленных, и болезненных страстей; – жити по заповеди Господни, и по отеческому преданию и по христианскому закону; якож в начале писано книги сея от первая главы вся пятьнадесять глав и прочая главы книги сея також[5] прочести, и внимати, и творити достоит. Ино Богу угодит, и душу спасет, и греха избудет и здравие получит душевное и телесное, и вечных благ наследних будет. А кто безстрашен и безвинен[6] страха Божия не имеет, и воли Божии не творит, и закона християнскаго и отческаго предания не хранит, о церкви Божии, и о церковном пении и о келейном правиле, и о молитве и о всяком славословии Божии не радит, яст[7] и пиет без воздержания, и во обядение и пьянство, и не в подобно время, и законнаго жительства не хранит; недели воскресения Христова и среды и пятка и праздников не почитает и великаго поста и Богородична непостится; без воздержания блудит, и не в подобно время, и чрез естество, и чрез закон, или от жен своих блудят, или содомский грех содевают, и всякое скаредие творят, и всякия богомерзския дела: блуд, нечистоту, сквернословие, срамословие, песни бесовския, плясание, скакание, гудение, трубы, бубны, сопели, и медведи и птицы и собаки ловчия, творяще конское уристание, всякое бесовское угодие и всяко безчиние и безстрашие; к семуж чарование и волхвование, и наузи, и звездочетие, рафли, алманахи, чернокнижие, воронограи[8], шестокрыл, стрелки громныя[9], топорки, усовники, два камение[10], кости волшебныя; и иныя всякия козни волшебныя бесовския; или кто чародейством, и зелием, и корением, и травами на смерть, или на потворство окормляет, или бесовскими словами и мечтами и кудесом чарует на всякое зло и на прелюбодейство; или клянется именем Божьим во лжу, или клевещет на друга, також прочести и двадесять шестую[11] главу. В тех во всех делех, и во обычаех, и нравех востает в человецех гордость, ненависть, злопомнение, гнев, вражда, обида, лжа, татба, клятва, срамословие[12], чарование, и волхвование, смех, кощуны, обядение, пьянство безвременное рано и поздно и всякая злая дела, и всякий блуд и всякая нечистота. И благий человеколюбец Бог, не терпя в человецех таких злых нравов и обычаев, и всяких неподобных дел, яко же чадолюбивый отец скорбми и бедами спасает, и ко спасению приводит; показуя[13] наказует[14] за премногия грехи наша, смерти же не придает, не хощет смерти грешником, но ожидает покаяния, еже обратитися и живу быти ему. Аще не обратятся и не покаются от злых дел, наводит на нас, грех ради наших: овогда мором, овогда гладом, овогда пожар, овогда потоп, овогда пленение и посечение от поганых, и градов разорение и церквам Божьим и всякой святыни потребление, и всякому стяжению расхищение и от другов оклеветание, овогда от царьскаго гнева разграбление имению и самому казнь без милости и паличная[15]смерть, и от разбойников[16] убийство и грабеж, и от татей окрадение, и от судей продажа и мучение, ово бездождие, ово безвременный дождь[17], и нестройны лета, и неугодна зяма, и лютые мразы, и земли безплодие, и всякому скоту животному падеж, и зверем, и птицам, и рыбам и всякому обилию скудость; родителем, жене и чадом нужными и напрасными и скорыми смертьми лишение; от многоразличных и нужных и тяжких недуг страдание[18]. Многи[19] убо праведницы истинно Богу работают, по заповедем Господним живут межу нами грешными; но на сем свете равно со грешники казнима суть от Бога, да светлейших венцов от Бога сподобятся, нам же грешным на большее мучение, яко праведницы казними быша всякими скорбьми за наше беззаконие[20] и о всех сих настоящих бедах не уцеломудримся и не накажемся в покояние, и в чювство, и в страх Божий не внидем, видя таковаго праведнаго гнева Божия наказания за премногия грехы наша. И паки Господь, наказуя ны, и обращая к покаянию, яко же праведнаго и долготерпеливаго Иова искушая, посылая различныя скорби, и болезни, и тяжкия недуги от духов лукавых мучими, телу согнитие, костем ламота, оток и опухоль на все уды, проходом обоим заклад, и камень в удах[21], и кила и тайным удом согнитие и отоки[22] и глухота, и слепота, и немота; во утробе терзание и блевание злое; и на низ во оба прохода и кровь и гной, сухотная, и кашель и главоболие[23] и зубная болезнь, и грыжа, и усови, и камчюг и френьчюг, и разслабление и трясение[24], и желви, и железы, и шелуди, и горбы, и глава, и щеки, и руки и ноги закорчены, и очи искривлены[25] и всякие тяжкие различные недуги наказание гнева Божия. И сия вся презрехом и в покояние не внидохом; ничто же не уцеломудри нас и не устраши нас, и накажемся о сем, видя Божье наказание на себе и болезни тяжкие, за премногия грехи наша. Оставя Бога создавшаго ны, и милости, и прощения грехов от него не требуя, еже зле содеяхом, и приступихом к нечистым бесом от них же отрекохомся во святом крещении, и всех дел его и призываем к себе чародеев, и кудесников, и волхвов и всяких кудесников[26] и зелейников и с корением: от них же чаем душетленныя помощи, временныя и готоваем[27] себя диаволу во дно адова во веки мучитися. О безумнии человеци! Оле неразумия вашего! не разсуждаем своих грехов за что ны Бог наказует и казнит и не каемся о них, и не престаем от злоб и от всяких неподобных дел; не помышляем вечнаго, но желаем тленного и временного. Молю, и паки молю престаните от злоб и от всяких душетленных дел и очистим себя истинным покаянием, яко да милостив Господь помилует от грех и подаст телесам здравие и душам спасение и вечных благ не лишит. Аще кто и потрудится в сем веце со благодарением в различных болезнех и во всяких скорбех за очищение грехов своих, царства ради небеснаго, не токмо грехов свободу улучит, но и вечных благ наследник будет. Написано[28] бо есть во святом Апостоле: многими скорбми подобает нам внити в царство небесное и во святом Евангелии речено бысть: узкий и прискорбный путь, вводя в живот, а широкий вводя в пагубу и паки рече Господь: нужно есть царство небесное и нужницы восхищают е[29].

Воспомянем святых мужей страдания Бога ради и много различных недуг и болезней терпения со благодарением, не презывающе к себе ни чародеев, ни кудесников, и волхвов, ни зелейников и никаких бесовских чарований, но все упование возлогающе на Бога и со благодарением[30] терпяще, очищения ради грехов своих и вечных благ наслаждения, яко долготерпеливый Иов и нищый Лазарь, иже пред враты богатого на гноищы лежал, гноен и червми ядом; а ныне на лоне Авраамле почивая и якож Симеон столпник сам гноя тело свое, червьми кипя. И мнози праведнии, от века Богу угодивше, всякими болезньми и различными недуги страждуще, со благодарением терпяще спасения ради душа своея, и жизни ради вечныя; и теми скорбьми внидоша в царство небесное. Мнози богатии и убозии, християнского рода, во всяких чинех княжеска и болярска, и священническаго и мнишеского, много различными болезньми и недуги страждуще, и всякими одержими бываху скорбьми и обиды, Бога ради терпяще, и у Бога милости просяще, и милости[31] чающе и милосердный Господь многоразличныя милости на рабы своя излияет и исцеление дарует, и грехов свобождает, и от скорби спасает овых от животворящих крестов, и от чюдотворных икон святых и образов Христовых и Богородичных и Архангельских и всех Святых мощей, и от освящения воды, и от масленаго освящения и от молебнаго соборнаго пения, и на божественных литургиях и на всенощном предстоянии во святых Божьих церквах, и во святых честных монастырех, и в чюдотворных местех, и в дому, и на пути, и на водах и везде; призывающе верою Господа Бога и пречистую Богородицу и их угодников милость получающе, здравие телеси и душам спасание. Мнози искончашася в тех недузех и в тяжких болезнех и в различных скорбех, теми очистишася от грехов, и жизнь вечную получиша. Вонмем себе опасно и подражаем тех житию и терпению, и поревнуем святых отец житию, пророком и апостолом, святителем и мучеником, и преподобным уродивым Христа ради, и святым женам и православным царем, и князем и священническому, и мнишескому чину и всем христианом Богу угодившим[32] от века: како в житии сем скорбми пострадаша Христа ради, ова постом и молитвами и всяким долготерпением, гладом и жаждею, наготою и мразом, и солнечным сжением, поруганием и оплеванием и всякими укоризнами и биением и мучением различных мук от нечестивых царей Христа ради усекаеми, и огнем сожигаеми, и зверми снедаеми, и камением побиванием, и в водах потопляеми, и в вертепех и в пустынях, и в пропастях земных скончавшихся, во юзах, и в темницах заключаеми, и пленении и всякия терпеша скорби и труды различная муки их кто исповееть – яко же кто повестует святое писание; и сих ради различных страданий и всяких мук како возмездие прияша от Христа в сем веце и в будущем вечных благ наслаждение, – их же око не виде и ухо не слыша и на сердце человеку не взыде – яже уготова Бог любящим Его. Како прославляются ныне, якож церковь Божья вопиет. Мы же убо тех святых молим и на помощь призываем к Богу молитися о нас; и, от тех чюдотворных образов и честных мощей целбу получаем. Поревнуем тех святых житию и страданию со благодарением и долготерпением; такову жь благодать от Бога обрящем.

О волшбах и о обавницех 6-го собора правило 61.

Вдавшимся волшбам или глаголющем мудрецем и сотником или ким таковым: аки от тех навыкиути хотяще, аще открыти хотят: по первому от святых отец от них же заповеданию да повинуются правила канону 6 лет. Тацем же запрещением покорити подобает и влачащая медведи или какова животная; некако наругание простеяшим людем, и получение, рожество и родословие по[33] звездословию и таковых неких глаголы народопрелестное блядство приглашающая. Глаголемые же облакопрогонники, и чаровники, и хранительники, и волшебники; пребывающая же в тех, и неотбегающая пагубных тех еллинских начинаний вся везде от церкви отметати заповедаем[34] яко же священницы ныне[35] повелевають. Кое общение свету со тмою – яко же рече апостол, – или кое сложение церкви Божии со идолы[36] или какая часть верному с неверньм и кое совещание Христова со дияволом.

Иже последуют пагубным обоянием и к волхвом или ко обавником[37] ходят, или в дом свой тех призывают, хотяще уведети неизреченная; такоже и кормяще, и храняще медведи, или иная некая псы и птицы ловчии на ловление и на глумление и на прельщение простейших человек или в получаи[38] веруют и в родословие: рекше в роженицы, и во обояние, по звездословии иже глаголет облаки гонящеи: таковая творящим повеле собор 6 лет запрещение даяти; яко же за 4 лета да стоят[39] с верными и тако сподобятся божественных даров; аще неисправни[40] будут и по запрещении, еленских сих хитростей неостанутся от церкви везде всячески да отженутся. О волхвех же и обавницех[41] рекоша Богоноснии[42] отцы церковнии учителие; паче же инех Иоанн Златоуст[43], яко волшествующе и обавление творяще, аще и святая Троица имя нарицающе[44], аще и знамение честнаго креста Христова творя[45], бегати оть них подобает и отвращатися. Иже во Акире[46] и правило 24: волшествующе[47] и обычаю язычных последьствующе вводяще[48] в домы своя на испытания, потвор или на требление, законом запрещение примут 6 лет по заповеданным степенем; рядом 3 лета внутрь, пребывание вне церкви 2 лета; молитвы без просфиры и комкания[49]. Аще кто к волхвом или обавником[50], или зелейником, или другим таковым себе вдаст, и сия призывает в дом свой; да открыют и поведят ему о них же желание имать; или очаровану ему бывшу, обрести: хотя таковое смыти[51] яко злом злее[52] исцеляя, – 3 лета да припадает и за 2 лета да стоит с верными токмо молитва с ними приобщая[53]; и тако по сконьчании пяти лет причастится святых тайн.

Правило 61-е 6 собора иже в Турле полатнем: 6 лет таковым не повелевает отпущения приимати; рекше, – не причащатися 6-го собора в Константине граде в Турле[54] Полатнем правила II. Ни едино есть приобщение христианом к жидом, сего ради[55], аще обращется тех опресноки ядя, или врача их призывая на целбу себе, или мыяся с ними в бане, или инако како присвояся[56], аще есть причетник, да извержется или мирянин да отлучится. 19 Василия Великаго правило 72-е. Волшебником себя вдаст[57] или ким таковым детоубийцы[58] и то запретится. Вдавый[59] себе волхвом или обавником или чародеем на учение злохитрства их, яко волею убивый запрещение да приимет; веруя же в волхвы, или вводяи их в дом свой обретения ради некоего очищения, отправления, или откровении ради неких, неизреченных, – 6 лет запрещение да приимут[60], яко же 61 правило повелевает 6-го вселенскаго собора, иже в Константине граде в Турле Полатнем и 73-е правило в сем послании Великаго Василия.

ГЛАВА 9[1] КАКО ПОСЕЩАТИ В МОНАСТЫРЕХ, И В БОЛНИЦАХ, И В ТЕМНИЦАХ И ВСЯКОГО СКОРБНАГО

В монастыри и в болницы заключенных, посещай, и милостыню по силе всяких потребных подай, елико требуют; и видев[2] беду их и скорбь и всякую нужду и елико возможно помогай им; и всякого скорбна, и нища, и бедна, и нужна не презри; и введи в дом свой напои, накорми, согрей и одежи со всею любовию и чистою совестию: теми[3] молитвами Бога сотвориши[4] милостива и свободу грехом[5]получиши; а родителем своим преставльшимся память твори: к церквам Божьим приношение и на панихиду и на литургию[6] в дому по них кормлю твори и нищим милостыню давай[7] и сам от Бога помилован[8] будеши.

ГЛАВА 10[1] КАКО К ЦЕРКВАМ БОЖИИМ И В МОНАСТЫРИ С ПРИНОШЕНИЕМ ПРИХОДИТИ

К церквам Божиим всегда с верою приходи[2], и без гнева, и без завести, и без всякия злобы, и во всякой смиреной мудрости и кротости и в чистоте телесной[3] с приношением со свещею, и с просфирою, с фимиямом[4] и с ладоном, и с кануном, и с кутиею, и с милостынею за здравие и за упокой, и к праздником, и по монастырем тако же с милостынею и с приношением приходи[5], и егда принесши дар твой олтарю, воспомяни евангельское слово: егда нечто имать брат твой на тя, остави ту дар твой пред олтарем, и шед, преже-смирися с братом своим, и тогда принеси дар твой к Богу от праведнаго имения своего; а от неправды неприятна милостыня. К сим речено бысть: луче не грабити, неже милостыню даяти от неправды; удобнее отдати обидимому приятние милостыни неправедныя; к Богу приятна милостыня от праведнаго имения[6] и от добрых дел.

ГЛАВА 11[1] КАКО ДОМ СВОЙ УКРАСИТИ СВЯТЫМИ ОБРАЗЫ И ХРАМ[2] ЧИСТ ИМЕТИ

В дому своем, всякому христианину, во всякой храмине святыя и честныя образы, написанныя на иконах, по существу ставити на стенах, устроив благолепно место со всяким украшением и со светилники, в них же свещи пред святыми образы вжигаются[3] на всяком славословии Божии; и по пении погашаются и завесою закрываются, всякия ради нечистоты а от пыли благочиния ради и бережения; а всегда чистым крыльцем[4] обметати и мяхкою губою вытирати их, и храм тот всегда чист имети[5], паче иных храмин. А святых образов касатися достойным, в чистой совести; и на словословии Божии и на святом пении, и на молитве свещи вжигати и кадити благовонным ладаном и фимияном; а образы святыя поставляются иже в начале[6], свято почитаеми суть, имяны прежеречеными; в молитвах и во бдении, и в поклонех и во всяком славословии Божии, всегда почитати их; со слезами и рыданием и с сокрушенным сердцем исповедаемся о своих согрешениях, – и просяще отпущения грехов.

ГЛАВА 12[1] КАКО МУЖУ С ЖЕНОЮ И ДОМОЧАДЦЫ В ДОМУ СВОЕМ МОЛИТИСЯ БОГУ

По все дни, в вечере, мужу с женою, и с детми, и с домочадцы и кто умеет грамоте отпети вечерня, и повечерница, и полунощница с молчанием[2] и с кротостию с стоянием[3], и с молитвою, и с поклоны; – пети внятно и единогласно. А после правила, отнюдь, ни пити, ни ясти, ни молвы творити всегда, а всему тому наук; а ложася спати, всякому христианину по три поклона в землю пред Богом положити; а в полунощи всегда тайно востав помолитися о своем согрешении, елико вместимо; а во утре, воставая, також творити и комуждо противу силы и по желанию, а не праздным[4] женам кланятися[5] до пояса. Всякому ж христианину молитися о своем согрешении и о отпущении грехов и о царе, и о царице и о их чадах, о здравии[6] и о благоверных князех, и болярех, и о христолюбивом воинстве, о помощи на враги о плененных свободе, о святительском и священническом и мнишеском[7] чину и о отцех духовных и о болящих и в темницах заключенных и за вся християны. Жене також молитися о своем согрешении, и о муже, и о чадех, и о домочадцех и о сродницех и о отцех духовных[8]; и по молении сем утре, вставая, отпети заутреняя и часы[9], и молебен, с молитвою и с молчанием и с кротостию и с кроткостоянием и единогласно пети, и со вниманием слушати, и с святым кажение. А где некому пети, ино молитися доволно, в вечере и утре; а мужем отнюдь не погрешати церковнаго пения вечерни и заутрени и обедни[10]; а женам и домочадцем как вместимо, по разсужению в неделю и в праздники и во святыя дни.

ГЛАВА 13[1] КАКО В ЦЕРКВИ МУЖУ И ЖЕНЕ МОЛИТИСЯ, И ЧИСТОТА ХРАНИТИ И ВСЯКОГО ЗЛА НЕ ТВОРИТИ

В церкви стояти на всяком пении со страхом, и с молчанием молитися; а дома всегда повечерница и полунощница пети. Кто правит[2] правила своего ради спасения, ино то на его воли, то боле мзда от Бога. А женам к церкви Божии ходити как вместимо на произволении, по совету с мужем; а в церкви ни с кем не беседовати, и с молчание[3] стояти, и со вниманием слушати божественаго пения и чтения, ни куды не озираяся[4], ни на стену не приклонятися, ни к столпу; ни с посохом не стояти; ни с ноги на ногу не переступати; руце имети согбени к персем, крестообразно; твердо и непоколебимо; телеснии очи дому имети, а сердечнии горе; молитися Богу со страхом и трепетом со воздыханием и со слезами, и до отпения из церкви не изходити; а приходити к началу. А недели и праздники Господския[5], и среды и пятки, и святый великий пост и богородичен в чистоте пребывати; а от обядения и пиянства и от пустошных бесед и смехотворения неподобнаго, всегда беречися, а татбы, и блуда, и и лжи и клеветы, и зависти и всякого неправедного собрания и ростов, и корчмы, и мыта[6] и всякого лукавства не любити и не гневатися ни на кого[7] и не помнити зла; и разбоя и грабления и всякого насилия и не праведнаго суда отнюдь не творити. А[8] ранняго пития и ядения и поздняго после вечерняго пения отнюдь не творити ж; ясти бы и пити во славу Божию, и в подобно время. А малым детем и работным по разсуждению[9] кормити их. Или невесте яко неправеднецы царствия Божия не наследят, якож Павел рече: аще некий брат именуется блудник или лихоимец, или идолослужитель, или ругатель, или пьяница или хищник с таковым ни ясти ни пити, и паки рече: нельстити себе ни блудники[10]ни идолослужители, ни прелюбодеи[11], ни малакия, ни мужеложниоы, ни лихоимцы, ни татие, ни пьяницы, ни досадители, ни хищницы царствия Божия не наследят; но достоит всякому християнину от всякого зла блюстится[12]. А всякому христианину всегда четки в руках держати и молитва Исусова во устех непрестанно имети, и в церкви и в дому, и в торгу ходя, и стоя, и седя, и на всяком месте; по пророку Давиду: на всяком месте: благослови душе моя Господа, глаголати ж еще молитва: Господи Исусе Христе сыне Божии помилуй мя грешнаго еще глаголяти 600 молитв; а седмое сто пречистой еже есть: Владычице моя пресвятая Богородице помилуй мя грешнаго, и паки обращатися на первое и еще глаголати всегда. Аще кто сию молитву, требуя ея, глаголет, яко из ноздрию дыхание по первом лете вселится в него Христов сын Божий; по втором лете внидет в него Дух Святый, по третьем лете приидет к нему Отец; и вшед в него, и обитель в нем себе сотворит Святая Троица; и пожрет молитва сердце, а сердце пожрет молитву и начнет клицати безпрестанно сию молитву, день и нощь; и будет свободен[13] от всех сетей вражьих, о Христе Исусе Господе нашем, ныне и присло и во веки веком[14] аминь. И причистая Богородица со всеми небесными силами, и со всеми святыми, будет помощница от всех козней дьявольских, в сем веце и в будущем, верою молящемуся, и в заповедех Божиих пребывающу.

КАКО ПОДОБАЕТ ХРИСТИЯНОМ КРЕСТИТИСЯ И ПОКЛОНЯТИСЯ ИКОНАМ[1]

Како[2] подобает святителем и священническому и иноческому чину, и царем и князем и всем християном поклонятися образу Спасову и животворящему кресту и пречистой Богородице и святым небесным силам и всем святым и священным[3]сосудом и святым честным мощем[4]. Правая рука устроити персты первый краиней да два нижних концы сомкнуты, ино Святая Троица вообразится, средней перст с другим прямо поставити мало надклонен, а другии повыше, а не разпростерты, ти приобразуют Божество и человечество, тако прекрестити лице свое; первое возложити рука на чело, потом на перси, таж на правое плеще, таже на левое[5] и по существу воображен крест Христов; потом главою поклонитися до пояса; а великий поклон в землю главою, а молитву и моление во устех, а в сердцы умиление и во всех удех сокрушение о гресех, и от очию слезы, а от душа воздыхание: усты Бога слави, а умом и сердцем и дыханием молитися о полезных, рукою перекрестися, а телом поклонися в землю или до пояса, всегда тако твори. А святительскому чину и священническому також рукою прекрестити всякого христианина, требующа от них благословение о кресте Христове, и о воображении и о поклонении во отечнице пишет известно, там почет уразумееши силу креста Христова.[6]

Поучение святого Феодорида, како благословити рукою и перекрестися. Три персты равны имети концы соединены вкупе, по образу Троическу Бог Отец, Бог Сын, Святый Дух не три суть Бози, но един Бог в Троицы имены разделяется Божество едино. Отец не рожден, а Сын рожден, а не создан, а Дух Святый ни рожден ни создан, но исходящ, трие во едином Божестве, едина сила, едина Божества честь, едино поклонение от всея твари, от ангел и человек, тако тем перстом указ, а два перста наклонена, а не распростерта и тем указ тако то образуют, два естества Христова Божество и человечество; Бог по Божеству, а человек по вочеловечению, а по обоем совершен; вышний перст образует Божество, а нижний человечество, понеже сшед от вышних спасе нижняя, чтож согбение толкует перстом преклонь небеса сниде, нашего ради спасения, да тако достоит крестится и благословити: тако святыми отцы узаконено.

О том же Афонасия и Петра Дамаскина.

Яко начертанием честного и животворящего креста отгонимы бывают нечистии беси, и различныя недуги без цены убо и без труда, и похвалу его убо кто может изрещи. Святии отцы предаша нам на сопротив глаголания неверным и еретиком, яко два перста убо а едина рука являет Христа Бога нашего во двою естеству и едином составе позноваема, десница ж неизреченную его силу и одесную отце седение возвещает и свыше наченше и от небеснаго его круга к нам сошествие являет, и паки от десныя страны на левую отгоняти врага являет, яко непобедимою своею силою победи дьявола Господь шуя и мрачна и не крепка.

ГЛАВА 14[1] КАКО СВЯЩЕННИКОВ[2] В ДОМ ПРИЗЫВАТИ И МОЛИТИСЯ БОГУ

А в которыя любо праздники, по обещанию своему или немощи ради, или маслом кого свящати, да призывают священнический чин в дом свой, елико по силе и моление[3] совершают, о всяким прошении; и молятся за царя и великаго князя[4]имярек и за его царицу и великую княгиню имярек и за их благородныя чада[5] и за бояре и за[6] христолюбивое воинство, иже[7] победу на враги, и о плененных свободе, и о святителех, и о всем священническом и иноческом чину, и о всяком приношении[8] и за вся християны, и о домовнем муже и жене, и чадех, и о домочадцех, и о всех полезных им. Аще когда требуют и воду святят животворящим крестом и с чюдотворных образов и с честных мощи, и за болящаго масло свящают, во здравие и во исцеление; а когда масло свящати над болящим в дому, да призовут седмь священников иль множае, а дьяконов колко лучится[9], а масло свящают и все действуют по уставу, и кажение по всему храму от дьакона или от попа; и святою водою кропление, и честным крестом осенение от болшаго попа. И вкупе в дому сем благодаряще Бога[10]. Тако же и по родителех преставльшихся память творити во святых Божиих церквах и в монастырех панихиды соборныя пети; и божественная литургия служити, и в трапезе братия кормити за упокой, и за здравие; и в дом свой призывати[11] и кормити и поити и милостыня творити, а вода святити Генваря 6-й день и Августа 1-й день и всегда единым животворящим крестом, погружает[12] его 3-жды в чаши, святитель или священник, глаголяще тропарь: «Спаси Господи люди своя» 3-жды, а на Богоявлении тропарь: «Во Иордани крещающутися, Господи» 3-жды, а на блюде лежат святые кресты и иконы и чюдотворныя святыя мощи, и из чаши выимая крест над блюдом держати; и со креста вода идет на ту святыню; и по погружении креста, и по освящении воды, помазуют губою, омакая в ту святую воду честныя кресты и святыя иконы и чюдотворныя мощи, елико суть во святом храме или в дому, глаголюще тропари коемуждо святому, помазующе святую икону; и с тех икон губу выжимати в туж святую воду; и паки иныя святыни помазати такожде, и тою святою водою кропить алтарь и весь святый храм, крестообразно, и в дому такоже во всех храминах кропити и весь народ[13]; и достойнии со верою помазуются, и пьют ея, на исцеление и очищение душам и телам, во оставление грехов и в жизнь вечную.

ГЛАВА 15[1] КАКО КОРМИТИ ПРИХОДЯЩИХ В ДОМУ СВОЕМ СО БЛАГОДАРЕНИЕМ

Егда трапезу представляеши вначале священницы Отца и Сына и Святаго Духа прославляют, потом Деву Богородицу[2] и пречистой хлеб вынимают и по совершении[3] трапезы, пречистый хлеб воздвизают; и отпев достойно, вкушают, и чашу пречистыя пьют. И потом о здравии и за упокой да глаголют[4]. И егда ядяху со благодарением, и с молчанием, или с духовною беседою, тогда ангели невидимо предстоят и написуют дела добрая, и ества и питие в сладость бывает; и аще начнут представленную еству и питие хулити[5] тогда мотыла обращаются сии вкушают; и, аще начнут смрадны и скаредны речи и блудны и срамословие и смехотворение и всяко глумление или гусли, и всяко гудение, и плясание и плескание[6] и всякия игры бесовския, тогда якож дым отгонит пчелы, також отидут ангели Божия от тоя трапезы[7] и смрадныя беси предстанут те и возрадуются и волю свою улучат и вся угодная своя с ними сотворят[8], да також и еще начнут безчинствовати[9] зернью, и шахматы, и всякими игры бесовскими тешитися; дар Божии и еству, и питие и всякия овощы в поругание помещут, и проливают и друг друга шибают, и обливают[10]всячески и поругаются[11]; и написуют дела их беси[12] и приносят к сотоне, и вкупе радуются погибели христианской; и та вся дела предстанут в день страшнаго суда. О горе деющим таковая. Егда жидовы в пустыне седоша ясти и пити и объявшися[13] и упившися[14], и восташа играти и блуд творити и тогда пожре их земля 25000. О, устрашитеся сего, людие и творите волю Божию якож в законе писано; а от сего зла и безчиния соблюди Господи всякого христианина; ясти бы и пити во славу Божию, а не обядатися, ни упиватися, и пустошных не творити! И аще пред кого поставляеши еству и питие, и всякое брашно или пред тебя поставляют не мози похулити; и глаголати: се гнило, или кисло, или пресно, и солоно, и горко, и затхлося, и сыро, и переварено, или какую хулу ни буди возлагати; но подобает дар Божий, всякое брашно и питие похваляти и со благодарением вкушати; ино Бог обоняет вонею благоухания, и в сладость претворит; и аще которая ества и питие непотребно, ино о том наказывати домочадцев, кто делал, чтоб впредь таково не было[15]. От евангелия. Егда зван будеши ким на брак, не сяди на преднем месте, егда кто частнее тебя будет званный[16] и пришед, иже тебя звавый и оного, и речет ти, ты даждь ему место; и тогда начнеши со студом последнее место держати; но егда зван будеши шед сяди на последнем месте, да егда приидет звавый тя речет ти: друже, посяди выше того, да будет ти слава и пред званными[17] с тобою, яко всяк возносяися смирится, а смиряися вознесется[18].И аще к сему приложи земьский обычай, егда зван будеши на брак и не мози упитися до многа пьянства, ни до позда сидети, за неж во мнозе пьянстве, и в долзесидении бывает брань, и свар, и бои, притчею и кровопролитие, и ты быв тутож, аще не дерешися, и не бранишися будеши в той брани и в драке не последней, но и первой, за неже долго седиши и брани дожидаешися. И государю в том на тебя помолва ж будет: спати к себе неидешь, а домочадцем покоя в том нет и расправки с иными зваными; аще ли упиешися до пьяна, а к себе спати не сошедше, или не седеши тут уснеши где пил, и будеши небрегом ни ким же, занеж на пиру людие мнози, а не ты един; и в том во всем пьянстве и небрежении, платие на себе изгрязниши, колпак или шапку истерзаеши[19], аще ли будет денег в мошонке или в калите[20] то вымут, и нож[21] соимут, ино в том государю у кого пил в тебе кручина, а тебе наипаче, а се истерялся, а от людей срамота, и молвят самому пьяну. Видиши ли каков срам и укор, и тщета имению во мнозе пьянстве; аще ли соидеши или седеши, а во мнози пьянстве и ты на пути уснеши, а до дому не доедиши и ты постражеши и горше перваго, соимут с тебя и все платие, и что имаше с собою, то все обыщут не оставят ни срачицы. Аще ли не изтрезвишися, и конечно[22] упиешися реку: с телом и душу отщетиши, мнози бо пьянии от вина умирают и на пути озябают. Не реку: не пити не буди то; но реку: не упиватися во пьянство злое. Аз дара Божия не похуляю, но похуляю тех, иже пьют без воздержания. Апостолу Павлу к Тимофею пишущу: Пей[23] мало вина немощи ради и частых недуг. К нам же пиша глаголет: пей[24] мало[25], веселия ради, а не пьянства ради[26]. Той же Апостол пишет: братие, не упивайтеся вином, в нем же несть спасения, в нем же есть блуд; пьяницы царства Божия не наследят, но уготована им мука вечная с прелюбодеи, и со идолослужители; мнози человеци и земнаго имения пьянством лишаются[27]. Аще кто начнет держатися пития незаконнаго, хвалим будет неразумними, последи же и от тех поруган будет, яко во зло истощи имение свое[28], за неж упивание, а не во славу Божию[29], погибель души и телу, а имению тощета. Пьяницы со земным сим имением лишаются и небеснаго, зана не Бога ради, а пьянства ради погибе; токмо бесом единым радование и с ними в жребии, аще не покаются. Видиши ли, человече, каков срам и укор от Бога и от святых его! И причитает Апостол пьяницу и всяко грех творяща сеже суть неугодна Богу, в жребий с бесы аще истинным покаянием не очистятся. Будиж всем христианом, иже по Бозе в правословнои вере живущим, в жребии с Господом нашим Исусом Христом, и со святыми его, славящим Святую Троицу, Отца и Сына и Святаго Духа во веки аминь. Тако на предлежащее поидем, о нем же нам слово, аще подати кому ясти или пити государю дому, или от предстоящих его, или в стол, или послати куды, разсуждая по достоинству, и по чину и по совету; вся сия от болшаго бывает; а от прочих сия не бывает. Аще за любовь и за некое послушание искусно да сделаются, и о всем да спрошаются от настоящаго. А от стола или от трапезы ества или питие таино износити, или выслати, не по повелению настоящаго и без благословения – святокрадство[30] есть и самочиние; таковых всячески безчествуют. Егда на трапези поставят ти многоразличныя яди и питие, егда кто честнее тебя будет званных, не начни преже вкушати ни что ж; аще ли ты начальствен будеши, поставленную ядь, разсужая, начинаи. У некиих боголюбцев изобильно бывает вкушение различная ества и питие, излишнее цело снимают, ино впредь[31] на потребу или в подачю или в разсылку. Кто не чювствен, и не искусен, и не вежлив[32], и не разсуждая, всякую еству[33], в пресыщение начинает и небрегомо творить будет, и сам поруган и обещестен от Бога и от человек. А еству и питие на стол понести, осмотря, чтобы судно было чисто, в чем несет, и дно подтерто, и ества и питие чисто ж, без пороху и без пригарины, и без плесни, и ставити, осмотря, и поставив еству и питие, тут не кашляти, ни плевати, ни сморкати, отшед на сторону вычистити нос или откашлятися ино не скаредно и вежливо, а сморкнути или плюнути, от людей заворотясь, да и потерти ногою. Коли лучится накормити приезжих людей[34] и всяких гости званых или Богом избраных, богата и убога, и священнический чин и мнишеский, ино государю и государыне разсудным достоит быти, и должную честь воздавати по чину и по достоинству всякому человеку, с любовью и со благодарением и с ласковым приветом[35][36], а иным послати, и всякого наити, и всякого обрадовати; которыя в сенях или на дворе седят, тех всех напоити и накормити, и в столе памятовати: ясти и пити всем тем посылати; или у кого сын или верный слуга, и он бы везде дозирал, и всякого бы почтил, и добрым словом приветал[37], а никого бы не избранил, ни обезчестил, ни осоромотил, ни осмеял, ни осудил, а ни государю, ни государыне, ни их детем[38] напрасно не нанес; а гости и гостьи помеж себя побранятся, ино их унимати добродетелью: а кто неустроен, ино бережно его спровадити ко двору своему, отнюдь от брани беречи всякого. С любовию и с благодарением, напоив и накормив честно отпустити, ино Богу в дар, а добрым людем в честь. А нищим також в милость и в благодарение; а себе от Бога мзда, а от людей добрая слава. А в монастырех кормя, или по родителех память: також творити, кормити, и поити и милостыня давати, елика сила, за здравие и за упокой. Аще кто накормит, и напоит и одарит, а после обещестит, и излает или осудит и пересмеет, или за очи переговорит, или местом обезчестит, или не накормив, да излает и ударит, да сошлет с двора, или слуги кого обезчестят: и того[39] стол или пир бесом на утеху, а Богу на гнев, а людем на позор, и на гнев и на вражду, а обесчещеным[40] на срам и на оскорбление. А безумному тому государю или государыне и слугам от Бога грех, а от людей укоризна и вражда, а от убогих клятва, а не благословение. Аще кого и не покормити, ино тихонко отмолвити, и не излаяв, и не ударя, и не обесчестив[41], отпустити и вежливо отказати; а поидет кто со двора ропщучи государевым недозором или государининым, ино вежливой слуга[42] гостю разговарити: неподиви, господине, на многих людях государем нашим, не поспели тебя уподчивати, и они тебе впредь челом бьют, а ты на них ныне не помолви. И после пиру тому слуге своему государю сказати про того гостя как[43], а будет надобной гость, ино в те поры государю сказати и они как похотят. А у государыни жены добры и всякия гостьи, каковы случатся у нея, и ей сим же образом творити, как в сей главе писано, и детем ея и слугам[45].

ГЛАВА 16[1] КАК КОРМИТИ И ОДЕВАТИ СЛУГ

Такоже приказ держати: как варити на семью челяди, или нищете[2] скоромную и постную еству: капусту или нотину[3] или крошиво иссечи мелко, и вымыти хорошо, и уварити, и упарити гораздо. В скоромные дни мясо, или ветчины или сальца ветчиннаго положити; или забелки подати, и засны всыпати и приварити; а в пост сочком залити или иной какой навары приварити, да прибавя и упарити хорошо или заспы[4] подсыпати, да с солью или с кислыми щами[5] приварити; и кашку всякую, потому ж; и уварити и упарити хорошенко, с маслом, или с салом[6], или с соком, или мясо ветряное или полтевое и солонина; или рыба ветряная и прутовая или просол мыти, и выскрести, и вычистити и уварити хорошо, и всякую семеиную еству выстряпати. И хлебы семеиные також вымесити, и уквасити, и вывалити хорошенко, и выпечи, и пирожки семеиные потомуж; и всякую еству семеиную устряпати хорошо и чисто, – как своя душа любит. А всякия ествы семеиныя государыня[7] по вся дни сама покушает, и только не хороше сварено или испечено, и о том бранити тому[8]кто стряпал, или сама государыня о том не радит[9], ино муж ей о том бранит. Как своя душа любит: так и служек и нищих кормити; ино будет в честь, а себе во спасение. Да государю или государыне всегда дозирати[10] и спрашивити слуг, о всякой нуже, о естве, и о питии, и о одежи, и о всякой потребе, и скудости и о недостатке, и о обиде, и о болезни, и о всех тех нужах, ино о них, Бога ради, промышляти и попечение имети, елико вместимо как Бог поможет, от всея душа яко ж о своих и о присных своих. Аще кто не радит о сем и не болезнует о сих, даст ответ Богу и мзды не получит[11]. А кто сея с любовию, от всея душа бережет и хранит, – велию милость от Бога получит[12], и грехам свободу и жизнь вечную наследит[13]; занеж рабы и рабыни Богом созданы суть, и нам от Бога поручены суть на послугу, да подобает о них пещися. А держати людей у себя по силе, как мощно бы их пищею и одеянием удоволити[14]; а толко людей и себя держати не по силе и не по добытку, и не удоволить их ествою и питием и одеждою, или который слуга нерукоделен, собою не умеет промыслити; ино тем слугам[15] мужику, и жонке и девке, у неволи плакав[16], красти, и лгати, и блясти; а мужиком разбивати и красти, и в корчме пити и всякое зло чинити. И тому безумному государю и государыне, от Бога грех, а от люди посмех; и не соседство[17] со всяким; а от соседей[18] продажа и тощета[19] дому; и сам обнищает[20] за скудость ума. Ино достоит всякому человеку люди держати по промыслу и по обиходу, как мощно; кормити, поити и одевати и во всяком покою удоволити, и в страхе Божии и в добре наказании их имети; и аще таковых людей у себя имееши, сам от Бога благодать обрящеши, и тех душа спасеши, а не по силе людей держати, и в работу их непродавати; но доброволно их отпущати, а како возможно и наделити[21], а старые слуги, которые не могут делати, и тех також кормити, и одевати, за старую послугу их, ино от Бога мзда и души польза.

ГЛАВА 17[1] КАКО ДЕТЕЙ СВОИХ ВОСПИТАТИ ВО ВСЯКОМ НАКАЗАНИИ И СТРАХЕ БОЖИИ

А пошлет Бог у кого дети, сынове и дощери: имети попечение отцу и матери о чадех своих: снабдевати[2] и воспитати в добре наказании, и учити их страху Божию и вежеству и всякому благочинию; и, по время[3] и по детем смотря, и по возрасту учити их рукоделию; отцу сынове а матери дщери; кто чему[4] достоин, каков кому просуг[5] Бог даст; а любити их и беречи и страхом спасати, уча и наказуя, и разсуждая и раны возлагати: наказуй дети во юности покоют тя на старость твою; и хранити и блюсти о чистоте телесной, и от всякого греха[6], якоже зеницу ока, и якож своя душа; аще дети согрешают отцовым и материным небрежением, и о тех гресех ответ дати[7] им самем за дети своя в день страшнаго суда; аще дети небрегоми будут и не наказаны от отца и матери, аще согрешают или что зло сотворят и отцу, и матери, и с детми от Бога грех, а от людей укор и посмех, а имению нищета, а себе скорбь[8], а от соседи[9] продажа и срамота[10]. Аще у богобоязненных родителей, и у разумных, и у разсудных, чада воспитани в страсе Божии, и в добре наказании, и в благоразсудном учении, всякому разуму, и вежеству, и промыслу и рукоделию; и те чада, с родители своими бывают от Бога помиловани, а от священнаго чина благословени и от добрых людей хвалимы, и егда[11] будут в совершение возраста, и добрые люди, с радостию и со благодарением сынове у них женят, а дщери вдают, прибирая по своей версте и по суду Божию; аще от таковых которое чадо Бог возмет, в покаянии и с причастием, то от родителя безкровная[12] жертва Богу принесится, и в вечныя кровы вселяются; и имеют дерзновение у Господа[13], прося милости и оставления грехов о родителях своих.

ГЛАВА 18[1] КАКО ДЩЕРИ ВОСПИТАТИ И С НАДЕЛКОМ ИХ ЗАМУЖ ДАТИ

А у кого дочи родится, ино разсудный отец которым[2] промыслом себя питает, во граде ли куплю деет, или по морю[3], или деревню пашет, и он с торгу, ей выть[4]наименит, а в деревне по тому же или животину ростит ей с приплодом; и от ея выти, что Бог пошлет, купит полотна и ущины[5], ширинки, и убрусы, и рубашки, по всяк год и кладет во причесной[6] сундук, или в коробья: платие, и сажение и маниста[7], и суды оловяные, и медяные, и деревянные; и, прибавливая по немножку всегда, на всяк год, по прежписанному, а не вдруг; ино себе в досаду, а всего, даст Бог будет полно[8]. Ино дочи ростет, и страху Божию, и вежеству всякому, и рукоделию учится, а приданое с нею вдруг пребывает; а как замуж сговорят, и отец, и мати будут безпечалны[9], занеж дал Бог всего у них полно, и в веселии и в радости брак у них будет. Аще ли[10] отец и мати не запасны[11], и своей дочери по прежеписанному не изготовили, и выти ей не в чем не уделивали, и учнут ея замуж давати, и в те поры все покупати; ино скорая женитба ведомая работа, и отец и мати будут в печали о такове браце, занеже все вдруг, и дорого купити. А по судбам Божиим, кая[12] дочи преставится: ино ея наделком поминати и по ея душе сорокоустие[13] или милостыню из того давати; а толко иные дочери есть, такоже и о тех промышляти.

ГЛАВА 19[1] КАКО ДЕТИ УЧИТИ И СТРАХОМ СПАСАТИ

Казни сына своего от юности его и покоит тя на старость твою, и даст ти красоту души твоей. И не ослабей бия младенца; аще бо жезлом[2] биеши его, то не умрет, но здравее будет; ты бо бия его по телу, душу его избавляеши от смерти; аще ли дшерь имаши: положи нань грозу свою и блюдеши ея от телесных, да не посрамит лица твоего, да в послушании ходит, да не свою волю приемше[3], и, в неразумии, прокудит девство свое, и сотворит тя знаемым твоим в посмех, и посрамит тя при множестве народа. Аще бо отдаси дщерь свою без порока, то аки велико дело совершляеши, и посреде собора похвалишися и при кончине своей не постонеши нань[4]; а иже любя сына своего, учащай ему раны, да последи о нем возвеселишися. Наказуй его во младости[5], да радуешися о нем в мужестве его, и по среде знаемых[6] похвалишися, и зависть приимут врази твои. Воспитай дети[7] своя с прещением, и обрящеши от них покой и благословение. Не меися игры творя ему: о мале бо ся осклабиши[8], а о велице поболиши скорбя, и последи яко оскомину сотвориши души своей. Не дай же ему власти в юности, но сокруши ребро, донели же растет. Аще еси ожесточав не повинит ти ся; и будет ти оть него досаждение и болезнь души, и тащета домови, и погибель имению и укоризна от сосед, и посмех пред врази и пред властели платеж и досада зла[9]. Аще дети своя воспитаете во страхе Божии, и в поучении, и во всяком наказании, и до совершена возраста сохраниши их во всяком целомудрии, и в чистоте телесной, и законннаго бракосочетания со благословением устроиши, и будут наследницы имению твоему и дому, и всему стяжанию твоему, иже имаши, и упокоят тя на старость твою, и по смерти вечную память сотворят родителеми своим и сами во благословении будут[10] и от Бога великую мзду получат, в сем веце и в будушем, пребывающе в заповедех Господних[11].

ВЕЛИКАГО ВАСИЛИЯ КЕСАРИЙСКАГО ПОУЧЕНИЕ ЮНОШАМ

Душевную бо чистоту имети и безстрастие телесное; ступание кротко; глас умилен; слово благочинно; пищу и питие не мятежно; при старейших молчание; при мудрейших послушание; к преимящим[1] повиновение; к равным себе и меншим любовь имети нелицемерну; от злых и плотских[2] отлучаться; мало вещати, множае разумевати; не предерзывати славом; не избыточествовати беседою; не дерзку быти на смех; стыдением украшатися; к женам нечистым не беседовати; долу зрение имети, горе же душу; бегати сопротивословия немучительски[3] гонити сан; ничтоже вменяти, яже от всех чти; аще кто от вас и инех ползовати, яже от Бога мзду да ожидает, и вечных благ наслаждение.

ГЛАВА 20[1] КАК ДЕТЯМ ОТЦА И МАТЕРЬ БЕРЕЧИ И ПОВИНОВАТИСЯ[2] ИМ ВО ВСЕМ

Чада послушайте заповеди Господня: любити отца своего и матерь свою, и послушайте их, и повинуйтеся им, по Бозе во всем; и старость их чтите и немощь их, и скорбь всякую от всея душа, понесите на своей выи: и благо вам будет, и долголетни будите на земли; сим очистите грехи своя, и от Бога помиловани будете, и от человек прославитеся, и дом ваш будет вовеки, и наследят сыны сынов твоих[3], и достигните старости маститы, во всяком благоденстве дни своя[4] препровождающе[5]. Аще кто злословит, или оскорбляет родителя свои, или клянет и лает, сей пред Богом грешен есть, а от народа и от родитель проклят. Аще кто бьет отца или матерь от церкви Божии и от всякия святыни да отлучатся, и лютою смертию и градскою казнию да умрет; писано бо есть: отча клятва сына потребит, а матерня и искоренит. Сын или дщерь непослушивы отцу и матери, в пагубу себе[6] будут и не поживут дней своих; еже прогневает отца и досажает матери, мнится не согрешая к Богу, и есть поганых горее и обещник[7] нечестивым, о нихже пророк Исайя рече: да возмется нечестивый, да не видит славы Господня[8]; нечестивых именова иже безчествуют родителей своих. И паки рече: насмехающагося отцу, и укоряющаго старость матерню, да склюят и вранове, да снедят и орли; честь же творя отцу и матери и повинуешися им, по Бозе, во всем возвеселится имут о чадех своих и в день печали их избавит их Господь Бог, и молитву их услышит и, его же просят, подаст им вся благая; покояи матерь свою, волю Божию творит, угождая отцу, во благих поживет; вы же чада делом и словом угождайте родителем своим во всяком блазе совете; да благословение будет от них; отче благословение дом утвердит, а матерня молитва от напасти избавит. Аще оскудеют разумом в старости отец и мати, не безчествуете их, ни ударяйте[9], да от своих чад почтени будете. Не забывайте труда матерня и отцова яже о вас болезноваша и печални быша; покойте старость их и о них болезнуйте якоже они о вас. Не глаголи много им[10] сотворихом[11] добра одеянием и пищею и всякими потребами, но неси свободь[12] сим: не можете бо ею родити, и тако ею болети, яко они о тебе. Тем же со страхом, раболепно служите им, да и сами мзду от Бога приимете, и жизнь вечную наследите, яко совершители заповеди его.

ГЛАВА 21[1] ПОХВАЛА МУЖЕМ[2]

Аще дарует Бог кому жену добру дрожайши есть камения многоценнаго; таковая от добры корысти не лишится, делает мужу своему все благо житие. Обретши волну и лен, творить[3] благопотребная[4] руками своима; бысть яко корабль куплю деющ, из далеча сбирает все[5] богатство; и возстает из нощи дает брашно душу и дело рабыням; от плода руку своею насадит стяжание много; препоясавши крепко чресла своя, утвердит мышца своя на дело; и чад своих научает, такоже и рабынь[6]; и не угасает светилник ея во всю нощь; руце своя прастирает на полезная; локти же своя простирает на веретено; милость же простирает убогу; плод же подает нищим; непечется о дому своем муж ея; многоразличная одеяния и преукрашенна сотворить мужу своему, и себе же, и чадам, и домочадцем своим[7]; и сядет и знаемым велми честен будет[8]; и благоразумно беседует[9] и разумеет яко добро делати; никто ж бо без труда венчан будет. Жены ради добры блажен есть муж и число днии его сугубо[10]; жена добра часть блага в части боящихся Бога[11] да будет; жена бо своего мужа честне творяща, первее: Божиею заповедь совершив и сохранив, благословена будешь, а второе: от человек хвалима есть; жена добра, и страдолюбива[12] и молчалива венец есть мужу своему; обретыи[13] бо муж жену свою добру, износит из дому своего благая. Блажен есть таковыя жены муж: и лета своя исполняет в долзе мире. О доброй жене хвала мужу и честь[14]; добрая жена по смерти мужа своего спасет.

КАКО ВСЯКОМУ ЧЕЛОВЕКУ РУКОДЕНИЕ НАЧАТИ[1] И ВСЯКОЕ ДЕЛО ДЕЛАТИ БЛАГОСЛОВЯСЬ[2]

В домовнем[3] обиходе и везде всякому, человеку, государю или государыне, сыну или дщери, и слугам мужску полу и женску и всякому мастеровому человеку стару и младу, и ученикам всякое дело начати или рукоделие[4], и мастерство, устроив себя и очистив от всякия скверны, и руки умыв чисто, и преже дела святым поклонитиси трижды в землю, а по нужи ино до пояса, а кто умеет ино «Достоино есть» проговорити[5], да благословися у настоящаго, и молитву Исусову сотворив, да перекрестяся молвити[6]: «Господи бласлови отче»: таж начати всякое дело, ино тут[7] Божия милость поспешествует[8] и ангели Божии невидимо помогают и беси отбегнут; и то дело Богу в честь а души на пользу; а ясти и пити со благодарением, ино сладко, а что впрок сделано ино мило; а делати[9] с молитвою с доброю беседою и с молчанием. Аще ли делаючи что[10] и начнется слово праздное и хулное, или с роптанием, и с смехом, и кощуны скверные, и блудныя речи, и песни бесовския, и игры и от такова дела и беседы скверныя милость божия отступит; и ангелы господни отидут скорбни, и возрадуются беси[11], видяще[12] волю свою содевающуся в человецех безумных[13], и абие приступяв лукавии тии беси и начнут наипаче влагати в мысли всякую злобу, вражду и ненависть, и подвизают помысл на гнев, и на блуд, и на всякия кощуны, и сквернословие и на всякое зло; ино та уже дела, и ества, и питие не споро и всякое мастерство и рукоделие не о Бозе совершается, Богу на гнев, и людем небласловенно, и непотребно, и не прочно и не мило; а ества и питие неукусно и не сладко, толко врагу и его слугам угодно[14] и радостно. Кто в естве и в питие и во всяким рукоделии не чисто стряпает, а в мастерстве, что украдет, или подмешает[15], или подменит что, или прельжет и божится на криве: толко сделано, толко стало, а он лжет, – и те все дела неугодны Богу, беси написуют в свой свиток, и в том во всем человеку истязану быти в день страшнаго суда[16]; а государю не верно, а людем не потребно и впредь никто тому не верит; а что ведал не прямо, или прилгал, и выбожил, или приторговал лукавством, то неблагословенныя плоды и непрочны; а милостыня не приятна богу; а от праведных трудов и от благих плодов и себе прочно, а Богу в дар принести достойно; и таковый человек Богу угодил и людям честен, и всяк ему во всем верит; в сем веце добрымы делы Богу угодит, а в будущем веце во веки царствует.

ГЛАВА 23[1] НАКАЗАНИЕ[2] МУЖУ И ЖЕНЕ И ДЕТЕМ[3] КАКО ЛЕПО БЫТИ

А[4] самому государю жену, и дети, и домочадцев учить не красти, не блясти, не лгати[5], не оклеветати, не завидети, не обидети[6], чюжаго не похищати[7], не претися всуе неосужати, не бражничати, не просмеивати, не помнити зла, не гневатися ни на кого. Ко большим быти послушну и покорну, а к средним любовну, к меншим и к убогим приветну и милостиву; со всяким управа без волокиты; наипаче[8] наймита наймом не изабиди[9], а всякую обиду[10] со благодарение терпи[11], Бога ради, и понос и укоризну. Аще по делом поносят и укоряют, сие с любовию приимати, и[12] таковаго безумия отвращатися, а против не мстити[13]. А домочадцев своих учити страху Божию, и всякои добродетели, и самому також творити, и вкупе обрящете от Бога милость. Ащели небрежением и нерадением твоим сам, или жена твоя твоим[14] не наказанием согрешит и зло пред Богом сотворит, или[15] домочадцы твоя, мужи, и жены, и дети твоя каков грех сотворят твоим[16] не наказанием: брань и татьбу, или блуд и всякое зло сотворят, – вси купно по делом своим приимете, зло сотворшии муку вечную, а добро сотворшии[17]и иже с тобою вкупе примете с ними вечную жизнь, а себе больший венец приимеши, понеже не о себе едином попечение имея к Богу, но и сущих с тобой введе в жизнь вечную.

ГЛАВА 24[1] КАКОВЫ ЛЮДИ ДЕРЖАТИ И КАКО О НИХ ПРОМЫШЛЯТИ, ВО ВСЯКОМ УЧЕНИИ В БОЖЕСТВЕННЫХ ЗАПОВЕДЕХ И ДОМОВНЕМ СТРОЕНИИ

Людей у себя держати дворовых добрых, чтобы были рукодельны и кто чего достоин и какому рукоделию[2]. Не вор бы был, ни бражник, ни зернщик, ни тать, ни разбойник, ни блудник[3], ни всякому зло творящ. Всякой бы человек у добраго государя первое научен страху Божию; потом[4] всякой добродетели[5], и вежству, и смирению, и доброму промыслу, и домовному строению; ни крал бы, ни лгал[6], а всякой добродетели прилежен был со смирением и с наказанием государя своего, по апостола Павла заповеди, еже пишет к Тимофею: «елицы суть под игом работы[7]своя господы всякой чести[8] достийны, да творят; да имя Божие и учение не хулится; имущих веры господы да нерадят, яко братия суть, но паче работают, яко верни суть и возлюблени, иже заступающе и благодать восприемлюще. Сия господине, сам ты учи и моли раб своих таковым быти им, с запрещением и с грозою многою». И паки той же апостол к Титу пишет[9]; повелевает рабом пред своими господы[10], повиноватися и во всем благоугодным быти: не прикословити[11], ни крадуще[12], но веру всяку являюще благу да учения Спасителя нашего Бога украшают о всем, и[13]сыт бы был твоим[14] жалованием и оден[15] или своим рукоделием. А чем ты его пожалуешь[16] платием или конским жалованием[17], и всякою животиною[18], или пашнею[19], или торговлею какою на его часть или сам что примыслит[20] своими труды, тем бы доволен был и блюл бы впредь. А лучшее платие[21], верхнее и нижнее, и рубашки, и сапоги, блюл бы по праздником и при добрых людях и в ведро, а всегда было б у него честно[22], и не изгрязнено[23], и не измочено[24] и от всякия нечистоты соблюдено. Который у тебя человек[25] о том не бережен и твоим жалованием[26] о том нелепо ходит и беречи не умеет, и ты б своему прикащику велел[27] у таких не чювственных людей[28] платие с них снимати лучшее, и в своей казне беречи, и на время им давати и потом сняв, також у себя беречи[29]; а всем дворовым людем наказывати почасту, чтобы делали в ветчаном платии или новое на страду ему дало; а как в праздники или при добрых людех у тебя случается, или тебе самому в людех быти, было бы на людех на твоих платие доброе и берегли бы от грязи, и от дождя, и от всякия нечистоты и, по времени сняв с себя платиеце высушити, и вымяти[30], и укласти хорошенько где живет[31]; ино себе любо[32], и от людей тебе честно[33], и слугам твоим прочно, таковое бережение к платию и всегда в нове ходит. А люди бы были у тебя во чти, и в грозе, и во всяком дозоре. И промежду бы собою не кралися, а чюждаго отнюдь не похотели ни которыми делы, а твоего[34] бы берегли все за один; а тебе[35] бы не лгали, и не клеветали ни на кого, ни в чем; а ты[36] бы им в том[37] не потакал и обыскивал с очей на очи; злому[38] не отпущай[39] но с милостию казнь дай, да и прочие страх приумут на злое не держати, а добраго жалуй, и всяк добру ревнует и твоим жалованием хощет выслужити правдою и прямою свою службою; и твоим наказанием и наукам век свой изжевет в добре и без[40] твоей опалы, и душу спасет, и государю услужит, и Богу угодит; да и наипаче тебе самому[41] наказывати людей своих, которым вместно ходити к церкви Божия всегда, или по праздником; или во дворе слушати пения[42]; и, особь на едине молитися, и чистота телесная хранити, от всякаго неподобнаго дела от блуда, и пьянства, и лукавства[43], и от безвременнаго пития и ядения и от обядения, и пьянства воздержатися и отцев бы духовных с женами своими имели, и на покаяние приходили[44]. А холостыя отроки и девки в совершеннем возрасте женить; по апостолу[45]: честен брак и ложе не скверно, а прелюбодеем судит Бог; а которыя холосты и блуд творят твоим небрежением, или таи от тебя: и тебе того також пытати со многим испытанием, а отнюдь бы неименовалося у тебя таковое дело; аще не радиши, а слуг держиши, а попечение о душах их не имееши, токмо еже дело им делати рано и поздно на твою потребу, на пищу, и одеяние, и на всякую твою службу: и тебе самому о душах их отвещати в день Владычня суда, по апостолу еже пишет[46] в послании своем: «не брашна ради и пития разоряй дело Божие[47]»; еже презирати плотския попещи же ся о душе, вещи безсмертныя; по апостолу же: имуще пищу и одеяние сими довольни будите[48]. А женатыя бы слуги со своими женами законно жили, по духовнаго отца наказанию, мужи от жен своих не блудили, а жены от мужей, и по твоему наказанию и отца духовнаго учению, також и они учили жен своих[49] страху Божию, и вежеству, и смирению; а государыни бы слушали, и повиновались во всем; и своими труды выслуживали и рукоделием, а не крали бы, и не лгали, и не бражничали, и не блядили[50], и баб бы неслушали, кои на зло потворяют молодых жен, сии речь[51]сваживают с чюжими мужи, и наипаче их учат красти и блясти и всему злу. И многих[52] слышах от баб потворных, иже[53] бегают покрадчи государя и государыню, со многим именем: женки и девки с чужими мужики, и егда возмут у нея с чем сбежала, и ея убиют или в воду посадят, ино себя погубит, а имение[54] твое изгинет. Аще ти не верно мнится о таковых бабах, то и како в дом твой прийти мужику незнаему; но сею прелетию и иною разною казнию бывает. Женка или девка по воду, или платье мыти и с мужиком учнет говорити; аще и знаем будет им, но ни[55], понеже срамятся с ним и созретися; данеж с чюжим мужиком, а не с своим мужем говорити; а бабе, всегда ей время с ними о какове деле говорити[56] и учинится она торговкою, и пришед, пытает у них: надобно ли вам то, или иное, или государыне вашея? И оне у нея вспросят: есть ли то. Она же молвит – есть. И оне[57]ей молвят: дай[58] и мы покажем государыне; а она же отмолвится[59], дала есмь той и той[60] жене доброй тово и тово, и скажет человека добраго[61] по имяни, а в сем[62]солжет: и аз, кунки, иду, да у нее возму и к вам принесу; и они ей призапретят: принеси к нам до обеда же, или как вечерню поют; баба ж молвит: у кунки, знаю я, как к вам прийти, то[63] и вы государя блюдетеся. И отойдет от них, и не идет к ним день или два; по дни же, или другом дни ко двору к ним нейдет, стрежет их, как пойдут на реку по воду или платье мыти; баба же пойдет, будто[64] мимо; они же ея восскличют, и молвят ей: о чем ты к нам не бывала еси, и не принесла еси, что хотела принести? Баба ж к ним удивится вельми и молвит: о кунки вчера и третий день была ести у тое и тое добрые жены, и мужу имя скажет, а у них был пир, и она кормилица меня не отпустила и ночевола есми у нея с ея служками[65], а тамо вами не поспела ходити, – меня жалуют многия жены добрыя. Они же к ней молвят: прянеси же к нам и с запрещением великим рекут ей… Да-не-плету много! Сими делы бабы опознаваются с женками и с девками служащими. И начнет с ними та баба невозбранно стояти и говорити, на реке и на встрече. Аще и государь осмотрит и молвит, – они же с женою, а не с мущиною стоят; и потом начнет к ним и ко двору приходить; они ж опознают ее и с государынею своею[66]… и от таковых баб младым людем велия спона бывает: прельщение на блуд, и на татьбу, и детем губления, и изгибель всему имению и всему дому смятение. Паче же глаголю[67]: горе мне, вси есмы прелщаемы от общаго врага диавола, нашим оружием побеждени бываем. Дерзну рещи: блаженная Ѳеодора Александрийская не от жены ли прельщена, ложе мужа своего не сохрани; но едва покаянием и терпением многим умоли всемилостиваго Бога, и велику сподобися от Бога сосуду избранну быти; а[68] и нам, еще же умолчим, понеже не вместно бывает слышащим, а имеяи уши слышати, да слышат и разумевает в прикрытых словесех. Но преди поидем о тех же слугах[69]. И с дурными бы речми к государыне не приходити; и волхвов, с корением и с зелием, и кто тем промышляет, с теми бы отнюдь не зналися, и государем бы своим про тех[70]не сказывали: те суть бесовския слуги; а служили бы государем своим верою, и правдою и добрыми делы[71]. А государь, и государыня, людей своих[72] жаловали б и поили, и кормили, и покоили, и одевали; и в тепле бы жили, и во всяком покое и во благоденстве всегда[73]. И государь и государыня, аще пребудут в сем наказании, как писано, и оне душа своя спасут и дом свой устроят, и слуг своих також и в душевном и в телесном, без всякие скорби; також государю и государыне достоит попечение имети о[74] нищих, и странных, и убогих, вдовиц и сирот[75] достаит их покоити[76], паче ж в их недостачестве[77] во всяком в душевном и в телесном, от своих праведных трудов; в душевном разумевай, а в телесном разсмотряй; також и к церквам Божиим, и к церковняком, и в монастыри, и в темницы приноси и посылая елико твоя сила[78]. Аще не имееши что подати, и ты слово рцы утешно, аще ли и сего не достанет ти, и ты не озлоби и не опечали[79], поминая свою нищету и помысли евангельское[80]слово: емуж много дано, множайшая просят от него, сии речь преизлишьшее; а ему же мало, малеишая и просят от него, еже есть, чашу малу воды или слово утешно, – то есть малейшая, то и последни; також и[81] в дом свой призываи[82], – и та Богу милостыня приятна и душе полезна. А отнюдь бы не вмещалося в дом твой ни от насилия, ни от грабления, ни от татьбы, ни от всякого мшелоимства[83], ни от ябедничества, ни от криваго суда, ни от корчебнаго прикупа. Аще от сего зла соблюдешись[84] то и дом твой благословен будет от ныне и до века[85]. А государь и государыня и с чады, и с людми своими[86], мужы и жены, старии и младии, по вся годы, в великия посты ко отцем духовным на покаяние приходили, а достойнии бы и причащалися Святых божественных даров; аще и не единыжды[87] годом, то боле мзду приимут от Бога; а отцы бы духовныя государя, и государыню и их слуг на се поучали, а государь бы о своей души и о слугах своих о сем великое попечение имел, а милостыню слуге за свою душу дати нечего, и за них государю дати, и о всех их потребных оприче злаго дела. Во весь год[88] в среды, и в пятки, и в недели, и в праздники господския, и в великии[89] пост и в Госпожин[90] чистоту телесную хранити, и во всяких бы добродетелех, и от пьянства в воздержании пребывати; и к церквам Божиим приходили бы с приношением: за здравие и за упокой; и всякия святыни касалися, по достоинству и по совету отца духовнаго. А прочее писано о том же во главе.

ГЛАВА 25[2] АЩЕ МУЖ САМ НЕ ТВОРИТ И НЕ УЧИТ[3] НА ДОБРО И ЗА ТО СУТ[4] ОТ БОГА ПРИИМЕТ; АЩЕ САМ ТВОРИТ ДОБРО И ЖЕНУ И ДОМОЧАДЦЕВ УЧИТ, МИЛОСТЬ ОТ БОГА ПРИИМЕТ

Аще муж сам того не творит что в сей книге[5] писано, и жены не учит, ни чад, ни домочадцев своих, ни слуг, и дом свой не по Бозе строит, и о своей душе и людей своих не радит[6], по сему писанию не учит, и он сам ся погубит[7] в сий век и в будущий, и дом свой[8] и прочих с собою. Аще ли добрый муж о своем спасении радит, и жену и чад своих наказует, також и слуг[9] своих наказует и учит всякому страху Божию[10], и законному христианскому жительству, яко же[11] писано, и он вкупе со всеми по благоденьстве по Бозе жизнь свою проводит и милость Божию получит.

ГЛАВА 26[1] О НЕПРАВЕДНЕМ ЖИТИИ

Аще кто не по Бозе живет, и не по христианскому[2] закону житие и страху Божия не имеет, и отческаго предания не хранит, и о церкви Божии не радит[3], и Божественнаго писания не требует, и отца духовнаго не слушает, и добрых людей совету и наказанию по Бозе не внимает, творит[4] всякую неправду, и насилие, и обиду, сильно отымет[5], и взяв не отдаст[6], волокитою уморит, а молода человека во всем изобидит, и на соседство кто не добр, или в селе на своих крестьянех[7], или на приказе, или на власти, дани тяжкия и всякия оброки[8] незаконныя накладывать, или чюжую ниву попашет[9], или лес посечет, или землю преорет, или луг покосит[10], и ловлю рыб[11] их ловит[12], и борти, и перевесы[13] и всякую ловлю, и всякое угодие неправдою и насилием творит[14]; или ограбит, и покрадет, и разбиет на дороге, и на стану грабит, и биет и соромит, и пустошит луги, и пашню толочит и всякую обиду творит[15], или кого чем поклеплет, или подкинет, оклевещет и ополишнит[16], и напрасно продаст в работу неповинных; лукавством и насилием охолопит, или не прямо судит, или не прямо[17] обыскивает, или на криве послушествует, и кающимся немилостив, или лошади и всякую животину и всякое стяжание: села, и винограды, варницы, мелницы, лавки, анбары и всякое угодие силно отнимет; или дешево в неволю[18] купит, и ябедничеством вытянет[19], или корчебным[20] прикупом[21], и всяким лукавым ухищрением, или росты и наспы[22] и всяким неправедным собранием богатеет, и всякая неподобная дела творит: блуд, нечистоту, сквернословие и срамословие, и клятвопреступление, ярость и гнев, и злопамятство[23], или с женою не законно живет, или от жены блудит, и содомский грех содевает, или корчмит, всегда яст[24] и пьет без воздержания, во обядение и пьянство; праздников и поста не хранит, всегда в нечистоте пребывает; или чародействует, и волхвует, и отраву чинит; или ловы творит с собаками, и со птицами, и с медведи; и всякое дьяволе[25] угодие творит, и скоморохи и их дело, плясание и сопели, песни бесовския всегда любя[26], и зернью, и шахматы, и тавлеи сам[27] государь, и его, дети и[28] християне тако творят, а государь о том не возбраняет[29], и обидимому управы не даст прямо, вси вкупе будут во аде а зде прокляты; и во всех тех плодех не благословенных от Бога не милован[30], а от народа проклят; а обидимии к Богу вопиют; а свои души погибель, а дому тщета; и все проклятое и не благословенное ясти[31] и пити и носити; все стяжание и плоды не Божии но бесовстии; и низходят во ад, живы душа их и тако творящих; и от них от всякаго обилия и плодов от таковых Богу неприятна милостыня, ни при животе, ни при смерти. Аще ли хощети вечныя муки избыти, отдай неправедное тем же коих изобидел[32] и кайся впредь тако не творити всех[33] сих зол, еже во главе сей писано. Скор Господь на милость свою, истинно кающихся приемлет и великим грехом свободу дарует.

ГЛАВА 27[1] О ПРАВЕДНОМ ЖИТИИ

Аще кто по Бозе живет и по заповеди Господни, и по отеческому преданию, и по христианскому закону; аще ли властели судят праведно и нелицемерно, всем ровно, богату и убогу, ближнему и дальнему, знаемому и незнаемому, також доволни будут уроки своими праведными и людем своим велети також творити. Аще ли в селе[2], во граде, на соседстве кто добр и у своих християн; или на власти, или на приказе; праведныя оброки в подобно время емлет ни силою, ни граблением, ни мучением; а коли чего[3] не родилося и заплатити нечем и он наровит[4], а у соседа и у своего христианина чего не достало на семена, и лошади или коровы нет, или государьския дани нечем заплатить; ино его подмочи и ссудити, а у самаго мало, ино в людях самому государю заняти, а своему христианину дати; и о них болезновати от всея душа, а от всякаго обидящаго беречи их в правде. А самому государю и людем его[5] в дому, и в селе, и на службе, и на жаловании, и во всяких посылках, отнюдь никого ни в чем не обидети: ни в пашне, ни в земле, и в в домашнем ни в каком запасе, ни в животине. И всякаго неправеднаго стяжания не желати, – благословенными плоды и праведным стяжанием жити подобает всякому человеку[6]. И видя Бог ваша дела, и такову милость, и не лицемерную любовь ко всем, и правду[7] и подаст Бог богатую милость свою и гобину[8] плодом и всякаго изобилия умножит. И милостыня твоя[9]от праведных трудов и от благословенных плодов Богу приятна; и молитву их Бог услышит, и от грехов свободит, и жизнь вечную подаст[10]. А торговые люди, и мастеровые, и земледержцы також: и рукодельничают, и пашут не крадчи, ни разбоем, ни граблением, ни поклепом; ни вылгав, ни выбожив, ни которым злохитрством, ни резоимством; но прямою своею силою, и благословенными плоды[11], и праведными труды торгуют и рукодельничают, или пашут хлеб, и всякое обилие, и всякое дело творят[12] по христианскому закону и заповедям Господним. В сем веце Богу угодит и жизнь вечную наследит.

ГЛАВА 28[1] КАКО ЖИТИ ЧЕЛОВЕКУ[2] СВОЙ ЖИВОТ

А во своем и во всяком обиходе, и в лавошном, и во всяком товаре, и в казне, и в полатех, и в дворовом во всяком обиходе и в запасе, и в деревенском, и в рукоделии, и в приходе и в расходе, и в землех, а в долгу, всегда себя смечати[3]. Всякому человеку богату и убогу, велику и малу, и сметя по промыслу, и по добытку и по своему имению; а приказному человеку по государьскому жалованию, и по доходу, и по поместью, и по вотчине и таков себе двор строити[4], и всякое стяжание, и запас потому и люди держати[5], и одевати, и поити, и кормити, и государю служити, потому ясти, и пити, и носити и с людьми с добрыми сходитися[6] и потому жити и обиход держати по промыслу и по добытку, смотря по приходу и расход.

ГЛАВА 29[1] АЩЕ КТО СЕБЯ НЕ РАЗСУДЯ ЖИВЕТ

А кто не разсудя[2] и не сметя своего живота[3], и промыслу, и добытку или государьскаго жалования, и своего уроку и учнет, глядя на людей, жити не по силе, займуя или не праведным имением, – и та честь будет с великим безчестием, и укоризною и поношением; и во злое время никто ему не поможет, от своего безумия стражет; от Бога грех, а от людей посмех. Ино надобе всякому человеку тщеславия и похвалы бегати, и неправеднаго стяжания[4]; и жити по силе и по промыслу и подобытку своему сметя, прямою силою. Ино житие благоприятно и угодно Богу[5], а от людей похвално, и себе и детем своим прочно.

ГЛАВА 30[1] КАКО ПОУЧАТИ МУЖУ СВОЯ ЖЕНА[2] БОГУ УГОДИТИ И МУЖУ СВОЕМУ НАРОВИТИ[3], КАК ДОМ СВОЙ[4] СТРОИТИ И ВСЯКАЯ ДОМАШНЯЯ ПОРЯДНЯ И РУКОДЕЛИЕ ЗНАТИ, И СЛУГ УЧИТИ, И САМОМУ ДЕЛАТИ

Подобает убо мужем поучати жен своих с любовию и благоразсудным наказанием. Жены мужей своих вопрошают о всяком благочинии, како душа спасти, и Богу и мужу угодити, и дом свой добре строити, и во всем мужу[5] покорятися и, что он накажет, то с любовию и со страхом внимати и творити по сему писанию. Первое имети страх Божий и чистота телесная, якож и преже[6] указано бысть. Востав от ложа своего и очистив[7] себя, и молебная совершив, слугам[8] дело указати дневное, и всякому рукоделию и что работа дневная: ясти варити, и которой хлеб печи сытной или решетной; и сама бы знала как мука сеяти, как квашня поставити, и притворити, и замесити, и хлебы валяти и испечи, квасны и убухны[9] и выпеклися; калачи и пироги також и колко муки возмут, и колко испекут, и колко родится из четверти и из осмины, или решета, и сколко высевков[10] мера и счет знати во всем. А еству мясную, и рыбную, и всякую, пироги, и блины, и кашки, и кисель и всякой приспех печи и варити все бы сама государыня умела; ино и слуг научати умеет и все сама знает. Коли хлебы печи[11], тогда и платие мыти[12], ино с одною стряпня и дровам неубыточно; и дозирати како рубахи красныя мыют и лучее платье; и колко мыла и золы пойдет и на колко рубашек, и хорошо бы вымыть и выпарено[13], и изсушено и изкатано, и скатерти, и убрусы, и ширинки и утиральники все також: и всему тому самой счет знати, и отдати и взяти все сполна бело и чисто. А ветчаное поплатити вежливо; ино[14] пригодится нищему дати. А коли хлеб пекут, ино того теста велети отняти и пирог сделати[15], или[16] пшеничныя пекут[17] и из межьситки велети пирогов же начинити[18], в скоромныя дни со скоромною начинкою, какова лучится, а в посныя дни с кашею, или с горохом, или с соком, или с репою, или грибки, и с рыжички, и с капустою или что Бог лучит; ино семье потешение. А всякую бы еству мясную и рыбную и всякой приспех скоромной и постной, сама бы знала и умела сделати, и слуг[19] научити; те государыни добры[20] и домовицы[21]. Тако ж бы знала пивной, и медовой, и бражной, и квасной, и уксусной, и кислым щам и всякой обиход как делают и повареной и хлебной, и в чем что родится и колко с чего будет. Кали знает все добрая жена мужним[22] наказанием и грозою, и своим добрым разумом и наукою, ино будет споро и всего полно[23]. А которая женщина или девка рукодельна тем дело указати: рубашка делати, и убрус брати и шити, или постав ткати, или золотное и шелковое пялешное дело и которая чему учена, того всего досматривати и дозирати; а всякой мастерицы самой государыни прядело, и шелк[24], и золото и серебро отвесити, и тафты отмерити, и сметити, и наказати сколко чего надобе и сколко чего даст, и прикроити и примерити самой, и все рукоделие знати. А малых девок учити, которая чему пригожа; а мужним женкам, которыя черное дело делают: избу топят, хлебы пекут, и платье мыют[25] тем дают лен на себя, и на мужа, и на дети прясти; а одинокая женка[26] и девка на государя лен прядут, а из греби и пачеси на себя, или как пригоже. Все бы ведала сама государыня, которой какое дело дасть, и колко чего возмет; и сколко выделано и кто днем, мало ли много ли сделает[27], то бы сама все знала и в счете было б все. А сама бы государыня, отнюдь ни какож, ни которыми делы опричь немощи, или по мужни воли без дела не была; ино и слугам, на нее смотря, повадно делати. Муж ли придет или гостья обычная придет, а она б всегда сидела над рукаделием сама: то ей честь и слава, и мужу похвала. А николиж бы слуги государыни не будили, а ложилася бы всегда от рукоделия, молебная совершив, також бы слуг учила[28].

ГЛАВА 31[1] ДОБРЫЯ ЖЕНЫ РУКОДЕЛЬНЫЯ ПЛАТЬЕ[2] И ВСЕ БЕРЕЖНО[3] И ЧТО КРОИТИ И ОБРЕЗКИ И ОСТАТКИ БЕРЕЖНО БЕРЕЧИ

Добрая жена домовитая и благоразумным своим промыслом, и добрым подвигом и мужним наказанием от своих трудов, что уделяет[4] полотен, и ущын, и холстов; да на что, что пригоже, то покрасит на летники и на кафтаны, и на сарафаны, и на терлики, и на шубы паволоки, и то у нея на домашней обиход перекроено и перешито; а будет слишком за обиходом наделано полотен, и ущин, и холстов, и скатертей, и убрусов, и ширинок или иного чего, ино того и продаст, и что ино надобе того купит, а у мужа на то не просит. А рубашки красныя мужския, и женския порты, то все самой кроити или дати при себе кроити, и всякие остатки и обрезки, комчаты и тафтяные и дорогое, и дешевое, и золотое, и шелковое, и белое, и красное, и пух, и торочки, и спорки, и новое и ветчаное все бы было прибрано, – мелкое в мешечках, а останки сверчены и связаны; а все разобрано по числу и упрятано, и как чего поделати ветчанаго или и новаго не стало[5], а то все есть в запасе и в торгу того не спрашиваешь[6], дал Бог у добраго промыслу и у совершеннаго разума, все дома лучилося[7]; а в торгу устанеш прибираючи, а и прибереш, ино в трое купиш, а иногда и не прибереш.

ГЛАВА 32[1] ВСЯКАЯ ПОРЯДНЯ ДОМАШНЯ ДЕРЖАТИ ИЛИ ЧЕГО ЛУЧИТСЯ В ЛЮДЕХ ПОПРОСИТИ ИЛИ СВОЕ В ЛЮДИ ДАТИ

А ко всякому[2] рукоделию у мужа и у жены всякая порядня и снасть была б в подворьи: и плотнишная[3], и портнаго мастера и, сапожнаго и железнаго и у жены також ко всякому рукоделию и домовному[4] обиходу всякая бы порядня была; и держано бы то все бережно, где что пригоже. Ино, что не сделано себе, ни кто ничего не слыхал, в чюжей двор не идеш[5], свое без слова. А поваренная порядня, и хлебная, и пивоваренная все бы было у себя сполна: и медяное, и оловянное, и железное, и деревянное и каковая лучит[6]. А лучится у кого какая ссуда взяти или свое[7] в люди[8] скрута женьская; или свое дати платие мужское, или судно[9] какое медяное, и оловянное; и деревянное[10] и какой ни буди запас; ино пересмотрети, иного и ветчанаго, где избито[11] и порвалося[12], или которая над чем не буди притча, и что не цело, и все то исчести и сметити[13], и кто емлет, и кто дает, обема бы то было ведомо, а что весовое взвесити и всякому сосуду[14]) цена поставлена; по грехом какова притча станется, ино на обе стороны хлопотов и остуды нет, и тому платеж у кого взято. А всякая ссуда имати и давати в честь, и беречи паче своего и отвести[15]на срок: чтод сами государи того не просили, и по то не посылали, ино впредь дадут, и дружба в прок. А толко чего[16] не беречи и на срок не отнести, или испортив отдати, ино остуда в прок[17], и убыток, и продажа в том живет, и впредь никто ни в чем не верит.

ГЛАВА 33[1] КАК ПО ВСЯ ДНИ ГОСУДАРЫНИ ДОЗИРАТИ У СЛУГ ВСЕГО И ДОМАШНИЯ ПОРЯДНИ И РУКОДЕЛЬЯ; САМОЙ ЕЙ О ВСЯКОМ БЕРЕЖЕНИИ И СТРОЕНИИ

По вся дни государыня у слуг дозирает, которые пекут и варят и всякие приспехи делают[2]. И которая служка хорошо что сделает[3] или еству сварит[4], и хлебы испечет, и колачи и пороги, или какой нибудь приспех или какое рукоделие сделает[5] по приказу и добро: и за то служка примолвить[6] и пожаловать, ясти[7]подати и по прежеписанному[8]; дворовым людем от государя бережение и жалование, по службе смотря. Кто худо не по приказу сделает, или неслушает, или ленится, или испортит что и нечисто стряпает и украдет: ино по прежеписанному наказанию учи[9]; – како от государя слугам живет, впереди о том наказание писано: как кого пожаловати, и наказывати и поучати[10]. А в горнице, и в комнотех, и в сенях, и на крыльце[11] всегда бы было чисто, и рано и поздо. А стол и суды всякие, всегда бы мыты чисто; а сама бы государыня всегда была устроена во всяком обоходе, таковы бы у нея и слуги[12] были вежливы, по прежеписанному. А с слугами бы государыня пустошных и пересмешных, ни безлепишных, ни соромских[13] речей отнюдь не говорила. Ни торговки, ни бездельныя женки, ни бабы, ни волхвы ни какож во двор ни входами[14]; понеже от тех много зла чинится, а слухам потвор. Аще ли начнут в кой двор[15] сицевы приходити, а государыня от сицевых слуг своих не возбряняет, а и сама их начнет приветати[16], – первое учинят слуг крадливых, потом блядливых; аще ли и сама государыня не уцеломудрится и не отженет их[17], горе и самой ей от них будет по прежеписанному… ныне же оставим сицевых[18], но преди пойдем[19]. А платие ходилное по грядкам, а прочее в сундукех и в коробях. Рубашки и убрусы и ширинки и все бы было хороше и чисто, и бело[20], и оберчено и укладено, и неперемято[21]; а сажение[22] и мониста и лучее платид всегда бы было в сундукех и в коробям, за замком и за печатию. Ключи бы держали в малом ларце, а всегда бы ведала[23] сама.

ГЛАВА 34[1] КАК СЛУГ НАКАЗЫВАТИ[2] В ЛЮДИ ПОСЫЛАТИ[3] С ТЕМ И НЕ ПЕРЕГОВАРИВАТИ

А слуг своих заповедывай[4], о людех не переговаривати; и где в людех были, и что видели не добро, – того дома не сказывали бы, а что дома деется, того в людех не сказывали о чем послан, то и памятуй; а о ином о чем учнут спрашивати, того не отвечай, и не ведай и не знай и, отделавшися борзее[5], да то государю скажи о чем посылан, а их[6] вестей ни каких не сказывай[7]; ино промеж государи ни какие ссоры, ни остуды не будет; и неподобныя речи или блудныя[8], и всякое дурное дело и слово слышал и видел, то бы отнюдь не именовалося. К самому государю или государыне чья служка придет, також ничего у нея не пытати: о чем прислан в том его и отделати, да борзее и отпустити; а чюжая служка что почнет сказывати, и того у нея не слушати, да еще избранити: о чем ты прислан, то и памятуй, а иного у тебя не спрашиваем[9]. То доброму мужу и жене похвала, только у них слуги вежливы[10]. А пошлеш куды сына, или слугу и что накажеш сговорити, или что сделати, и что купити, и ты вороти, да выпроси его, что ты ему наказывал и что ему говорил сделати или купити, – и толко по твоему наказу все изговорит тебе, ино добро и пошли. А пошлеш с слугою к кому еству или питие, или что ни буди или какую ссуду, да воротя, выпроси его куды несеш? толко так скажет, как наказано, то добро. А посылай еству целу и питие вполне; ино солгать неуметь. А товар посылай сметив и смерив; а всего лутче запечатав: ино безгрешно. Да и о том слугам вопрошатися[11], что с ним посылают и без государя отдати ли, толко его у себя нет или домой отнести. А о тех делех[12] о всех не догается государь или государыня сына или слугу воротити, да допросити, куды с чем послан и что наказали, – и умной сын или слуга вежливой сам воротится и, вежливо колпак[13] сняв[14], у государя вопросит о всем и переговорит, что ему наказано, толко потому, ино добро. Куды пошлют слугу в добрые люди, у ворот легонко поколотить; а по двору идеш и кто тя вопросит: каким делом идеш? ино того не сказывати, а отвечати: не к тебе послан, а кому послан с тем и говорити; а то сказати от кого идеш, и оне государю скажут. А у сеней или у избы, или у кельи ноги грязныя отри, нос высморкати, да искусно молитва Иисусова сотворити вся сполна; а толко аминя не отдадут, ино в другие и в третие[15]сотворити по больше перваго, и ответа не дадут[16]; ино легонько поколотися[17]. Как впустят[18] и вшед святым[19] поклонитися дважды, а третей поклон настоятелю и от гусударя челобитие и посылка правити; а[20] в ту пору носа не[21] сморкать, ни харкати, ни плевати; аще ли нужа, и отшед на сторону, устроитися вежливо, а стояти[22] на сторону не смотрети, да что наказано, то и исправити, да борзее[23] к себе пойти, да тот ответ государю сказати, о чем посылал. А лучится у кого в подворьи быти, или в келии, при государе, или без гусударя ни на какие вещи[24] не смотрети[25], ни с места на место не преложити без повеления; и с собою ничего не вынести без благословения и не спросяся; а ествы и пития також не кушати, чего не повелено, то святокрадство[26] есть и лакамство, и кто на то дерзнет без благословения[27], и тому ни в чем не верят, и за очи ни куды не пошлют, по Евангелию: «в мале бе верен, надо многим поставлен будеши». А что куды с тобою послано покрыто, или повязано[28] и запечатано, и того не движи и не смотри, а ествы и пития, что послано, того не вкушати[29]; каково послано, таково и отнести, толко тут осмотрить как дают: цело ли, и в полне ли посылают, чтобы тамо неверка не было, куды то нести[30]. А умной сын или[31] слуга, женка или девка, куды посылали, хотя вражду, и брань, и гнев, и дурно, что видя и слышав, шед во своем дому, того всего не говорити и не сказывати, что велено и приказано, то и править. А у кого совершенный разум: и он где слышав[32] вражду – любовь скажет; а где кленут и лают, – и он похвалу и благодарение поведает. И от таковых умных, и вежливых, и благоразумных слуг, промеж добрых людей любовь сводится[33], и таких умных слуг берегут и жалуют, как детей своих, и советуют с ними о всем[34].

ПОВЕСТЬ ОТ СТАРЧЕСТВА О ТОМ ЖЕ

Воспомяни мудраго ученика у онаго старца в пустыни живуща, отшельнику некоему пришедшу в келью, на время, покоитися[35]. И зависть вражия обьят старца; и посылаше ученика своего озлобити живущаго в келии, и выслати из нея. Благоразумный ученик прихожаше ко страннику, мир и благословение нося от старца, вместо зла. И по времени от бесовскаго надмения, сам старец идяше, хотя странника бив, изженути из келия. Добрый ученик тече на предь старца, являше страннику отнего мир и благословение и посещение старче. Востав же, странник скоро тече на стретение великаго старца, кланешеся ему до земли. Умилив же ся старец и зазре себя; и бысть между ими любовь и прославиша ученика.

Которой ненаказаной и нечювственной раб и рабыня, куды его пошлют, и толко где его непочтят, и иснити не дадут, и он на подворье вся нелепая сказывает про мужа и про жену; а где люди лукавые, и глупаго слугу подпоят, и из ума выводят, и спрашивают про государя и про государыню; и безумные все говорят, что и не вместимо сказати, и лишное прилыгают. А толко государь или государыня его оскарбят; и он в людех на них вся непотребная износит. И от таковых безумных слуг всякая вражда содевается, и посмех, и укоризна, и срамота. И того ради разсудным мужам и женам учити детей своих и слуг, и раб, и рабынь всякому страху Божию и вежеству, яко ж преж писано бысть. А потому ж знати: глупой слуга, толко пришед из люди все переговаривает, тот и в людех про домашнее переговаривает. А толко государь и государыня у слуг своих любят переговор, и клевету или суждение[36], и пересмех, и всякую ложь, – тот государь и государыня сами себе, и дому свому, и детем, и слугам врази[37]; ревнуют всему лукавому, и ненависти[38] и всяко и лжи, и вражды; и в таких страстех за скудость ума погибают; и всякая добродетель и любовь в таких ссорах враждою совершается и конечною ненавистию; и душевне и телесне в сем веце и в будущем от Бога зле постраждут. А умныи[39] государь и государыня, которые разсудны, сами того не любят и не творят оговоров, и посмехов, и укоризн, лжи и клеветы, и всяких лукавых речей о людех не переговаривают и у людей не слушают[40]; а про них кто осуждает и укоряет, в очи и за очи, или кто скажет, что на них таковы речи неподобные говорят – и премудрым своим разумом сия разсудити[41]: аще по делом поношение, – от того возвращатися, и за то бити челом, яко по делом обличают или укоряют, и досажают сия терпети и со благодарением восприимати по Апостолу: «блажени укоряеми[42] – терпим, и хулими не мстим, за сия вражды и любовь к ним имеем». По апостолу же Павлу, еже уча глаголет: «аще алчет враг[43], твой ухлеби его, аще жаждет, напой его; – се бо творя, углие огнено собираеши на голову его. И детей и слуг своих також научай: аще видиши братне согрешение, и не известиши, и не облечиши его о сем на едине, по сем в посмех и во укоризну положиши то, и будеши яко язычник и мытарь, и греху его причастен будеши. Аще уведаеши[44] братне какое согрешение[45] и всякое ненадобное дело известно, и о сем на едине в тай возвести ему с любовию; аще послушает тебя, и перестанет от таковаго неподобнаго дела, – то спасл еси душу брата своего, и от Бога за се мзду восприимеши. Аще не приимет твоего словеси, и еще в ненависть положит: и ты свободен того греха, а он сам о себе ответ даст пред Богом. И видя Бог добрая дела ваша и мудрое смирение, и благоразсудное наказание, и Бога ради терпение, и подаст богатую милость, и грехом свободу, и жизнь вечную. Писано о том в двадесят четвертой[46] главе.

ГЛАВА 35[1] ПО ВСЯ ДНИ ЖЕНЕ С МУЖЕМ СПРАШИВАТИСЯ О ВСЕМ, И СОВЕТОВАТИ[2] КАК В ЛЮДИ ХОДИТИ И К СЕБЕ ПРИЗЫВАТИ И С ГОСТЯМИ ЧТО БЕСЕДОВАТИ

По вся дни мужа[3] спрашивалася и советовала о всяком обиде, и воспоминала, что надобе[4]. А в гости ходити, и к себе звати, и ссылатися с кем муж велит; а гости[5]коли лучатся[6], или самой где быти за столом сести и лутчее платие переменити; а отнюдь беречися жене от пиянаго пития: муж пьян дурно, а жена пьяна и в миру не пригоже. А с гостями беседовати о рукоделии, о домашнем строении, как порядня домашняя весть и кокое рукоделейце сделати. Чего не знаешь, и того у добрых жен спрашиватися вежливо и ласково; и кая что укажет и на том низко челом бити. Или у себя[7] в подворьи, у которыя гостьи, услышит добрую пословицу: и как добрыя жены живут, и как порядня ведут[8], и дом свой строят, и как детей и слуг[9] учат, и како мужей своих слушают, и с ними спрашиваются, и им повинуются[10] во всем, – и то все себе внимати; а чего добраго не узнаеш, ино спрашивается вежливо; а дурных, и пересмешных, и блудных речей не слушати, и не веровати[11] о том; или в гостех увидети добрую порядню, или в естве и питии, и всяких[12] приспехах[13], или какое рукоделье необычно; и[14] домашняя порядня хороша; и которая жена смышленная, и умная в речех, и в беседах, и во всячом обиходе; или где слуги умные, и вежливы[15], и рукодельны и всякому доброму смышлены: и всего того добраго примечати, и внимати; или чего не знает, и не умеет о том спрашиватися вежливо и ласково и кто что добренко скажет[16], и на том бити челом; и, пришед на подворье, то все мужу пересказати на покое[17]. С такими то с добрыми женами пригоже сходитися: не ествы и пития деля[18], но добрыя беседы и науку для; да внимати то в прок себе; а не пересмехати ни в чем[19], и не переговаривати ни о ком; и спросят о чем про кого, и учнут ума пытати: ино отвечати – не ведаю я того, ничего не слыхала и не знаю, и сама не о надобном не спрашиваю; ни о княгинях ни о боярынях, ни о судах[20] не пересужаю[21].

ГЛАВА 36[1] ЖЕНАМ НАКАЗ И ПЬЯНСТВЕ И ПЬЯНОМ ПИТИИ И СЛУГАМ ТАКОЖЕ; И О ПОТАИ НЕ ДЕРЖАТИ НИЧЕГО НИГДЕ[2]; И У СЛУГ ЛЖИ И КЛЕВЕТЫ НЕ СЛУШАТИ; И БЕЗ УПРАВЫ ИХ НЕ ДЕРЖАТИ; И КАК НАКАЗЫВАТИ ГРО3ОЮ ЖЕНУ, ТАКОЖ И КАК В ГОСТЕХ БЫТИ И ДОМА У СЕБЯ УСТРАИВАТИ ВО ВСЕМ

А у жены бы отнюдь, ни какоже, ни которыми делы, пьяное питие не было: ни мед, ни вино, ни пиво, ни гостинец. Питие бы было в погребе, на леднике. Пила б безхмельную брагу и квас, дома и в людех. Аще ли приидут отколе жены о здоровии вопросити[3], тем пития пьянаго не давати ж; а свои женки и девки до пьяна не поити ж ни дома, ни в людех. А жене в таи мужа своего не ясти и не пити; и похоронок на еству и на питие, потаи мужа своего не держати; а у подруг и у племяни, потаи мужа своего, пития, и ества, и зделки[4], и поминочков[5] не просить и самой не давати, и у себя чюжаго[6], без мужня ведома, не держати и о всем советовати с мужем, а ни с холопом, ни с рабою. И отнюдь беречися всякаго зла; а слуг[7] своих ложными словесы мужу своему не оговаривати, и посердки[8] не держати; кто что сбродит и то мужу сказати прямо без прибавки[9]. А мужу и жене ни какож не слушати безлепиц, не доносити; а чего сама не может управити, которое безделное[10] дело и то мужу сказати в правду, а в чем которая женка или девка согрешит, и не послушает слова, и наказания не имеет[11], и какову пакость учинит – и о том о всем с мужем переговорити: и каково кому наказание учинити. А гостьи коли лучатся, и их подчивати питием, как пригоже; а самой пьянаго пития[12] не пити. А еству и питие, и всякой обиход, приносит один человек сверестной, и кому приказано, а ин мужеск пол тут, рано и поздно отнюдь, ни какож ни которыми делы, не был бы, кроме того кому приказано[13] что принести, или о чем воспрашатися[14], или о чем приказати; и всего на нем пытати: и безчиния и невежества; а иному ни кому тут дела нет. А завтракати мужу и жене отнюдь не пригоже, кроме немощи, ясти и пити в подобное время.

ГЛАВА 37[1] КАКО ПЛАТИЕ ВСЯКОЕ ЖЕНЕ НОСИТИ И УСТРАИВАТИ

А платие, и рубашки, и убрусы на себе носити бережно по вся дни, не изваляти, ни изсуслати[2], и не излити, и[3] на мокре не сести, ни положити, и все снимаючи с себя класти бережно[4], и слуг учити також[5]. А самому государю и государыни, и детем, и слугам[6], каково лучится сделати дело, ино оболочится в платие повсядневное, и[7] в сапоги також; а в праздники в ведро, и при людях, или к церкви итти, и в гости, – ино лутчее платие надети из утра, да бережно ходити; от грязи, и от дождя, и от снега беречь[8], и питием, и ествою, и салом[9] не изсуслати; на руде и на мокре не сести. От праздника, и от церкви, или из гостей пришед, лутчее платие с себя снем, пересмотрети, и высушити, к вымяти[10], и вычистити, и хорошу укласти где живет[11]. И[12] повседневное всякое платие, верхнее, и нижнее[13], и сапоги всегда было б изомыто, а ветчаное иззаплачено[14], и изшито, ино людем пригоже посмотрети, и себе мило, и прибылно, и сиротине дати – ино спасенние. А платие всякое[15] и всякой наряд, складчи и свертев хороше, положити[16] в сундук или в коробью и за замком бы всегда было, ино всякой притчи не страх.

ГЛАВА 38[1] КАК СОСУДЫ ВСЯКИЕ И ВО ВСЕМ[2] УСТРОЕНО ДЕРЖАТИ, И КАК[3] ИЗБНАЯ ПОРЯДНЯ ДЕРЖАТИ[4], ГОСУДАРЮ СЛУГ УЧАТИ И МУЖУ НАД ЖЕНОЮ ТОГО НАДЗИРАТИ И УЧИТИ И СТРАХОМ СПАСАТИ

Стол, и блюда, и ставцы[5], и всякие сосуды, ковши и братины, воды взогрев[6] из-утра избу затопив, перемыти[7], и вытерти и высушити; а после обеда[8] и в вечере також и ведра, и ночвы, и квашенки, и корыта[9], и сита, и решета, и горшки, и кувшины[10], и корчаги – потому вымыти, и выскрести, и вытерти, и высушати, и положити в чистом месте, где пригоже быти. Всегда б всякие сосуды, и порядня всякая чиста была, и в чистоте[11]. А[12] по хоромам и подвору сосуды не волочились бы, а ставцы, и блюда, и лошки, и ковши, и братины по лавке и по избе не валялися[13], где устроены быти, в чистом месте лежало бы опрокинуто ниц, а в каком сосуде, что есть есвы и пития, то бы покрыто было, чистоты ради; а всякие сосуды с ествою, и с питием, и с водою, или квашня[14] всегда было покрыто, а в избе и повязано от сверчка, и таракана и от всякия нечистоты[15], а лутчие сосуды, ставцы, и блюда, и лошки, и ковши, и братины, или у кого есть и серебренные, и оловянные, и всякие сосуды лутчие держати за замком, в крепком месте; как праздник или гости, и[16] при добрых людех выимати к столу, а после пира пересмотрив, перемыти, исчести и опять устроити за замком; а вседневные суды держати всегда по прежеписанному. А[17] в избе стены, и лавки[18], и окна, и и двери, скамьи потомуж вымыти и вытерти, а пол и на крыльце, и в сенях, выскрести и вымести, всегдаб было б чисто; и лесница и нижнее крыльцо потому же чисто б было[19]; да перед нижним крыльцом соломы[20] положити, или прутеничек устроив положити, грязныя ноги отирати, ино лестница не грязнится[21]; а у сеней[22] войлочек положити потому же, грязи для[23], а в грязное погодие у крыльца солома грязная переменяти[24], а класти иная, а будет прутеник, ино вытрясывати и ополаскивати, також и ополаскивати; також и у сеней войлок велети прополоскати и, высушив[25], опять положити тут же[26]. И то у добрых людей и у порядливой жены, всегда дом чист и устроен[27], а на дворе и перед вороты[28] на улице, всегда слуги сметие приметают, а грязь[29] и в зиме снег пригребати; а щепа, и дерево и всякой рупос прибирати; и всегда бы было устроено чисто; а в конюшне, и в хлеве и во всяких службах устроено[30] все, по чину упрятано[31], и причищено, и приметено; всегда в доброй дом и во устроенной, как в рай внити. Всего бы того и всякия порядни жена смотрела и учила слуг[32] добром и лихом; неимет слово, ино ударити. И увидит муж, что непорядливо у жены и у слуг, или не потому о всем, как в сей памяти писано, ино бы умел свою жену наказывати и учити всяким разсуждением; аще внимает и все потому творит, ино любити и жаловати[33]. Аще жена по тому учения[34] и наказанию не живет и тако не творит, что в сей книге писано, и сама того не знает, и слуг не учит – ино достоит мужу жена своя наказывати и ползовати страхом на едине, наказав, да пожаловати и примолвити, и любовию наказати и разсуждати. А мужу на жену не гневатися, також и жене на мужа не гневатися, всегда жити в любви и в чистосердии. И слуг[35] також, по вине смотря и по делу, учити, и наказывати и раны возлагати[36]; а государыни за слуг печаловатися по разсуждению, ино слугам надежно. А толко жены, или сына, или дочери слово и наказание не имет, и не слушает, и не внимает, и не боится, и не творитит, как муж, или отец и мати, учат, ино плетию постегати, по вине смотря, на едине, а[37] не перед людьми и, поучив примолвити и пожаловати, и ни какож не гневатися друг на друга[38]. А про всякую вину по уху и по лицу[39] не бити, ни кулаком под сердце, ни пинком, ни посохом не колоти, ни каким железным, и деревом[40] не бити. Кто с сердца, или с кручины так бьет, многие притчи от того бывают слепота и глухота, и руку и ногу вывихнет[41], и главоболие, и зубная болезнь; а у беременных жен и детям в утробах бывает повреждение; а плетию с наказанием бити[42] и разумно, и болно, и страшно, и здорово. А толко великая вина[43], и за ослушание и небрежение, ино снять[44] и рубашка и плетию вежливенко бити, за руки держа, по вине смотря, да побив и примолвити, а гнев ни какож бы не был[45]; а каково будет поношение, или речи неподобны[46], или своя примета[47] и истино, аще покается без всякаго лукавства, ино милостивно наказати и пожаловати, по делу смотря. А толко невиновато дело, ино оговорщиков не попущати, и впредь вражда б не была; а толко по вине и по обыску прямому; а не кается и не плачется о грехе своем и о вине: то уже наказание жестоко подобает[48] дати, чтобы виноватой был в вине, а правой в правде, а всякому греху покаяние[49].

ГЛАВА 39[1] КАК ЗАПАС[2] КУПИТИ ПОТРЕБНАЯ У КОГО СЕЛ НЕТ; И ВСЯКОЙ ДОМАШНЕЙ ОБИХОД И В ЛЕТЕ, И В ЗИМЕ ДЕРЖАТИ И ДОМА ЖИВОТИНА ВСЯКАЯ ВОДИТИ, И ЕСТВА, И ПИТЕЕ ДЕРЖАТИ ВСЕГДА

Годовой обиход домовитому человеку, мужу и жене, у кого поместья, и вотчин, и сел, и пашен нет; ино купити годовой запас хлеб и всякое жито, в зиме на возех; а полтевое мясо, також и рыбу всякую[3], и длинную осетрину, на провес[4], всякую и бочешную в год, и семжину[5] и икру, и сиговую, и черную; и мед пресной; и которая рыба в лето ставити, и капуста, те сосуды[6] в лед засекати глубоко, и питие запасное потомуж, покрыв и лубком[7] засыпати; как то надобится в лете, тогда свежо и готово. А летом[8] мясо покупати на обиход домовитому человеку, – купити баранца и дома облупити, и овчинки скопити человеку на шубку, а бараней потрох прибыль в столе, потешение у порядливой жены или добраго повора промыслом: из грудины ушное нарядити; почки начинити; лопатки изжарити; ножки, яички начинити; печень изсечи с луком, перепонкою обвертев, изжарити на сковороде; легкое с молоком, с мучкою с яички приболтав, нальет[9]; баранью голову, мождечок с потрошком уху нарядит; а рубец кашкою начинити; почешные части сварити, или, начинив, изжарити и так[10] делати из одного барана многа прохладу. А студень на леду держати хороше же, что останется. А в лете мясо покупати под расход в пятницу, в понедельник, в среду и в иной день на всю неделю купити вдруг, недодаст у гривны алтына, и осоля[11] да на леду положити дни два или три, или неделю не испортится. А с Семеня дни купити яловицу, или колко надобе[12] не вдруг изгодою, как подешевле, и ты догды болши купиш, мясо солишь в год и на провес; а потрохом семья сыта во всю осень, а на коже, на сале половину денег возмеш[13], а захош про себя сало и ты перетопиш, ино на год с вологою. Потрох, голову, уши, губы, скорыньи[14] и мозг, кишки, рубцы, осердие, окорение, ноги, печень женки переделают, да кашею салною, обвариваною[15] начинити: каша овсяная, и гречневая, или ячная, или иная какову хочешь. А не приядят потрохов осенью, ино и в рожественный мясоед пригодится; а рубцы, и губы, и уши, и ноги коровьи, на студень во весь год пригодятся, коли не делай квашинину, всегда прохлада. А свиньи доморощенныя в осень бити, потому ж; полти в год осолити, а голова[16], и ноги, и желудки[17], и кишки, и потрох, и спина, в осень и в зиме пригодится. У промышленнаго мужа, и у промышленныя жены, и у добрыя порядни во всем спорыня, а всегда прохлада себе и семье и гостям, а неубыточно; по что в торг, и ты в клеть. А гуси, и утки, и куры, кто дома водит, и толко у воды, ино вскормит в лете ничим же, а на год с запасом здоровым[18]. Кто про себя коровы держит дойныя: в лете корм на поле, а дома всякаго корму много у добрыя порядни, в лете и в зиме гуща пивная, и киселная, и квасная, и кислыщная[19], и отруби овсяные, и высевки ржаные, и пшеничные, и ячные, и заспу делают[20] и толокно. И в осень капусту солят, и репу, и мортковь запасают; и у всего того хренье[21] листие, и корение, и обрезков, и крох в скатерти и в столе, и в веке хлебном, и по полицам, и по чюланам, и по лавкам[22], крохи, и остатки, и обедки, – и домовитая, и добрая государыня и кому приказано[23], все то обирает, и по судом ставит, и тем животину: лошади страдныя, и коровы, и гуси, и утки, и сьвиньи[24], и куры, и собаки, кормит; себе неубыток, а приплоду всего прохладу много. В столе прибыль себе и гостю. Толко дома родится: куры, и яица, и забела, и сыры, и всякое масло, – ино по вся дни праздник и прохлада, а не в торгу куплено. Всякие пироги[25], блины, трубицы, кисель, молоко[26], коли чего похотел[27], а все дома готово. А сама жена то умеет сделати и слуг научит рядить; от таковых домочадцев мужи богатеют. А толко у таковаго[28] человека[29] и у добрыя жены, Бог пошлет приплод болши: у коров, и у свиней, и у уток, и у гусей, а у коров молока, и сметаны, и масла, и сыров, а у куров яиц, – сами всегда ядят воложно; да и людей кормят и милостыню дают от праведных трудов и от благословенных плодов; а излишное и упродаст[30], на кую[31]потребу пригодится; – благословенная денежка, ино милостыню Богу дати приятна. А у молодчева[32] человека или у вдовы запасу того нет, толко чем животина кормить, что в сей главе писано, – коровка дойная есть[33]; ино кормити сеном, или солому яровую изрезати, да мукою посыпати овсяною, или иная какая лучится мяхкина[34]; да кипятком обложити[35] в желобу, или вели чем[36] полити, да перед собою кормити, да издоити[37]. А доиленка и вские судки молочные, теплою водою мыти, и вытерти, и высушити, и в чистом месте, опрокинув держати; чтоб ни кошка, ни собака, ни мыш, ни малые робята не лизали и не пакостили; а корова издоив[38], молочко в ситичко процедити, да всякие молока, укрыв, в чистоте держати[39]; а самой руки умыв чисто, и платие[40] ветчаное чистое надети, и воды теплой припасти[41] и постиралце на плече бы было, и у коровы вымя и соски вымыти, и потиралцем чистым вытерти, и в чистом месте издоити; и во всяком бережении, и стул чист же держати, и коров на мяхке держати, и корм класти, какой лучится. А лошадки и кобылы по вся дни и таким же кормом христианену в избе перед собою кормити[42], ино плодовито и служимо, и то им за овса место. И телята, и ягнята молодые, и козы, и свиньи, и гуси, и утки и куры перед собою кормити, и какой корм которой животине[43].

ГЛАВА 40[1] А ТОЛКО МУЖ ПРИПАСЕТ В ГОДУ ВСЯКАГО ЗАПАСУ И ПОСТНАГО[2] И ПОТОМУ УСТРОИТИ

А толко у мужа в году припасется[3] ржи, и пшеницы, и ячмени, и овса, и гречи, и толокна, солоду, и гороху, и конопли, и всякия запасы, – и в пост во всякия ествы, поременяя по вся дни делают сами жена и слуги; и семья сыта и прохдадна, и гостя употчивают без убытка; которые будуть ествы постныя похочет, то и сделают. Масло конопляное дома[4]: и заспа всякая, и мука, и пироги, и блины, и соцни[5], и трубцы делают и всякие каши, и лапши гороховое, и цеженой[6] горох, и зобанец, и кулдумцы[7], и варенои, и соковые ествы: пироги с блинцы, и с рыжики, и с груздми, и с маком, и с кашею, и с репою, и с капустою, и с орешки в соку, и коровайцы с чем Бог послал. А у добраго человека и у порядливой жены толко запасено[8] в пору. Коли рыбу свежую купячи, иную солить, иную вялить, иную подпаривать[9], иную сушить мелкую, иную в муку толчет, в пост во щи присыпают, коли пригоже; или бочку и две купить рыбки просолные имех (?) сущу, ино в постные дни про гость и про себя. Коли свежей рыбе не быти, и в пост ведикий преже[10]: ретка, хрен, капуста, расол и иные земные[11] плоды, что Бог послал. А в иные, по гостям смотря, икра, и вялая[12] рыба, и прутовая, и подпариваная, и ухи пластовые, и шипаные, подпариваные, и всякие потрохи[13] и в пирозех, и в каше, и ягль, – и всякой снет[14], и всякие пироги, и каши, и кисель, и блины и всяких еств[15] у доброй порядни и постных много, а все Бог послал дома, в торгу ничего не купиш[16], а и не будет в запасе чего, ино купити в пору, ино у рубля алтын пяти, шти не додаст, а не в пору, гостя для и себя, что понадобится купити и ты иногда того и в торгу не добудеш, а и добудеш не в пору и ты купиш в три цены, а не милой кус[17]. А у добраго человека, и у порядливой жены, и у добрыя и у смышленных и у разумных[18] людей и у годоваго запасу, и у рухляди, и у еств, и у пития, и у хлебнаго, и у воложнаго, и у мяснаго[19], у рыбнаго, и у ветчиннаго, и у салонины, и у вялаго, у ветряняго, и у просолу, и сухари, мука, и толокно и иной запас: мак, пшено, горох, масло, конопли, соль, дрова, солод, хмель, мед, мыло, и сало[20], и всякой запас, чему мочно впредь быти[21] и не изгноено. А всякого бы году во всяком обиходе, и в запасе сходилося, в иной год и чего не родилося или дорого, ино тем запасом, как припасено даром проживет, а нужнаго, и болнаго, и недостаточнаго ссудит, подможет, кому как пригоже. Как чего изобилно припасено в дешевую пору[22], ино в дороговлю и продасть; ино сам ел, и пил, и носил даром, а денги опять дома. Добраго человека и добрыя жены, ни как[23] ни в чем меженина не имет. А старые запасы держати на многие лета, кои не портятся.

ГЛАВА 41[1] КАК ОГОРОД И САДЫ ВОДИТИ

У котораго человека огородец есть, и кто пашет огород сам ли государь дозирает[2], или кому приказано. Первое огорода[3] с весны перекрепит, чтоб в огород ни собаки, ни свиньи и всякой животине, ни курам взоити бы ни откуды не льзе[4], ни с чужаго двора, ни с своего; ино яблоням и всякому плоду пакости нет, а с соседы остуды. Только от тебя твердо, твоей животине к ним не уметь[5], а их к тебе; двор бы был по томуж везде крепок, горожен или тынен; а ворота б всегда приперты, к ночи и замкнуты; а собаки бы сторожливы[6], а огород бы всегда был замкнут; да кому приказано, тот бы всегда его берег день и нощь, всего в нем дозирал. И как гряды в весне копати, и навоз класти[7], и засыпывати с садилом[8] и на дыни паровыя гряды готовити, и всякия семена водити[9] у себя и посадив или посеяв всякие семена и обилие в пору поливати, и покрывати, и от морозу всегда беречи; и яблони подчищати и суша вырезывати[10], и почки разсаживати, и пеньки и почки прививати, гряды всякое обилие полоти, и капуста от червя и от блохи беречь, обирати и отрясывати. А подле тына, около всего огороду, где крапива ростет, тут борщу насеяти[11]; и с весны его варити[12] щи и разведеной борщ делати, и того в торгу не купиш и нужному, Бога ради, даш, ино спасение, а толко у молодаго человека, ино и упродаш на иную вологу. А как насадит капусты и свеклы посеят[13], – капуста[14] листие варити, как учнет витися в клубы[15], толко часто, ино изретка секучи варити; а лист, обламываючи животина кормити. А в ту пору и до осени борщь режучи сушити и в плетницы плести[16]; ино всегда пригодится в даль в год; а капуста и свеколно[17] во все лето варити; а в осень капуста солити, а свеколной росол ставити; а огурцы солити же; а в лете прохлажается: яст дыни, и стручие, и морковь, и огурцы и всякий овощ; а чего Бог пошлет поболше[18], ино упродаст. А сад разводити про себя; ино привитка[19] от древа до древа три сажени и больши, ино яслони[20] велики, и обилию и всяким овощем рости не помешают. Как будет густо от ветвия под древием не ростет ничто[21]. А подушек яблочных, и что поспело: огурцы, дыни и всякой овощь в пору бы обирати, и что про себя сести, или поблюсти, или в год поставити, и что солити, и квас поставити яблока, и груши, или в патоке ягодной и вишневой морс; и в дешевую пору грибы сушити, и грузди, и рыжики[22] и всякой овощь, которой солити и в год ставити, или чего упродати, то бы все было удержено. А семяна бя всякия у себя водити: ино[23] прибыль в торгу того не купиш, а будет с лишком, и ты и упродаш[24]. А пошлет Бог каких овощев в своем огороде, ино в начале убрати, что поспело от всяких плодов, первее к церкви Божии принести, ино священники освятят, да сами вкушают и строителя винограда да благословят, и ко отцу дховному в дом посылати же. Аще доволно, ино и церковникам послати же и убогим и нищим також дати от своих праведных трудов и от благословенных плодов. И в виноград свой священнический чин призывають же вкушати и благословляти, а в селех пошлет Богь також творят: от плодов своих приносят к церквам Божиим и ко священником, где приходят молитися. Подобает от всякаго обилия сиротам и убогим даяти[25] и по монастырем убогим дают же и тако творяще, да благословен будет дом его Богом и виноград, и село его, и нива, и пажить, и скоти и всякое животное. Усугубит Господь и семена плодовита, и исполнит Господь в дому его великия благодати, и свободу грехом дарует, в сем веце милость Божию получит, а в будущем жизнь вечную наследит.

ГЛАВА 42[2] В СЕНИЦАХ СЕНО И В КОНЮШНЯХ ЛОШАДИ, И НА ДВОРЕ ЛЕСОВОЙ И ДРОВЯНОЙ ЗАПАС УСТРОИТИ И ВСЯКАЯ ЖИВОТИНА

В сенницах было бы сено устроено, и не изрыто, и не разволочено по сеннице[3], и по крыльцу, и по двору не разстаскано; всегда бы было убрано и подметено, и в ногах[4], и в грязи не затоптано и не накапало бы, и не навияло бы, и не гнило[5]. А солома по томуж былаб в кровле; и прикладено, и убрано, и очищено, а не разволочена[6] б была. А в конюшне дозирати по вся дни, сена класти в ясли, как бы лошадям сести, а вон[7] бы не рыли; а соломка под лошади слати[8]; а на воду бы лошади водити бережно, робята бы на них не гоняли, и вываляти, и вычесати, и на дваре из жолоба овсом кормити; а в лете подкупывати[9] и холодити. А коровам, и гусям, и уткам, и курам, и свиньям, и собаким корм давати, как бы сели; и в хлев солома слати и подгребати; и скот накормя поити и вода ставити. А животине и собакам[10] на то свой суд держати, а чистых судов не поганить. А во всех службах ходити в вечери, и ночью, и утре с фонарем, а в фонаре была бы свеча с огнем, а в конюшне[11], и у соломы отнюдь[12] из фонаря свеща не вынимати, всякия для притчи. А бревна бы[13], и доски, и драницы, и усечки[14] дощаныя, и бревенныя и всякия устроити в стороне, где пригоже, а не на дороге; а бревна, и доски, и драницы были бы на подкладках; а только под кровлею то лутче, чтоб в сухе и не навеяло бы и не намокло. Дрова и щепы, только сухи, ино и топятся хорошо, и сужке приступится[15] хорошо и не угрязнится, ни уваляется.

ГЛАВА 43[1] САМОМУ ГОСУДАРЮ ИЛИ КОМУ ПРИКАЖЕТ ЗАПАС ВСЯКОЙ И ТОВАР КУПИТИ[2]

Самому государю, или кому приказано всегда в торгу смотрети всякаго запасу к домашнему обиходу или хлебнаго всякаго жита, и всякаго обилия[3]: и мяснаго, и рыбнаго, свежаго, и просолу, и масла, и хмелю, и лесовой запас и всякого привознаго товару, который из инных[4] земель идет. Коли чему навоз[5] и чего много и дешево у приезжих людей, и у християн, в те поры и закупай на весь год; ино у рубля четверть сбудется[6], а у десяти рублев потому же, а у закупщика дороже купити; а не в пору купити, ино и двои денги дати, а нелюбое купиш, коли чего нет, а надобе. А которой товар и запас не портится в даль, коли дешево, ино с лишком купити: ино и свой обиход исполнит довольно, а лишное в пору продаст, коли дорого; ино свой обиход прибылью проживет[7]. Так водится у добрых людей и у домовитаго государя[8], своим дозором и добрым наказом[9]. А купит у кого что нибуди, много ли мало ли, у проезжаго ли гостя, или у християнина, или у домашняго торговаго[10] человека[11]полюбовно, а денги платити вдруг[12]. А над тем по человеку, смотря и по купле, и почесть[13] ему учиниш: хлебом и солью и питьем; в том убытка небудет[14], и впредь дружба и знать[15], всегда товару добраго мимо тебя не продаст, и лишняго не возмет и худаго не даст. И за добрую покупку[16] и торговлю, самому государю того гостя или торговаго человека[17] пригоже потчивати[18] и добрым словом приветати, и ласковым приветом; и в таковой доброй дружбе во всем прибыток живет великой. А посмотря по человеку и по торговле, кто чего достоин, подариш его чим, то у тебя сугубо будет. А кто тем путем живет, первое от Бога греха нет, а от людей остуды; а от гостей похвала во всех землях; а в дому все благословенное, и не с клятвою и ясти, и пити, и носити споро, и милостыня из того давати благоприятно Богу, а душе на пользу.

ГЛАВА 44[1] КАК ДВОРОВАЯ ТЯГЛЬ[2] ПЛАТИТИ, ИЛИ С ЛАВКИ ПОЗЕМЬ, ИЛИ С ДЕРЕВНИ ПОДАТЬ И ДОЛЖНИКАМ ДОЛГИ ПЛАТИТИ

Всякому человеку с своего подворья, или с лавки поземь, и с деревни, и со всякаго угодия дани и пошлины[3], и всякие оброки платити, а ни каких государских податей на себе не задерживати, не копити вдруг[4], а платити ранее до сроку; и ты без работы живешь и от сроку, и о поруги денег не дашь, и поминков не носиш и сам не таскаешься. Кто на срок[5] оброков и всяких тяглей не платит, а откупается и тому будет с нужею и две дани[6] вдруг платити, а что носил поминков и сам таскался, то лишное пропало даром. Ино, так не разсудные люди живут; в работе и на правеже; и в долгу до конца обнищает. А кто живет в расправе[7] и всяких податей за собою не задерживает[8]: и тот человек всегда без работы живет и свободен, и при животе в добре, и по смерти ему поминок, дети его останутся с наделком, двор со всем запасом, или лавка с товаром, или деревня со всяким животом, толко ни в кабалах[9], ни в записях[10]. А лучится кому у кого денег заняти[11] или хлеба[12] безкобално, или в кабалу, или на заклад в росты, или без росту, ино б на срок платити, ино впредь добро взяти и люди верят. А кто на срок не платит и росту на предь не уплачивает, ино с убытком и с остудою[13] платити же и впредь никто не верит.

ГЛАВА 45[1] УКАЗ[2] КАК ДЕРЖАТИ[3] ВСЯКОЙ ЗАПАС ПРЕНЕЙ[4] В КАДЕХ, И В БОЧКАХ, И МЕРНИКАХ, И ВО ТЧАНЕХ, И В ВЕДЕРЦАХ: МЯСО И РЫБА, КАПУСТА, ОГУРЦЫ, СЛИВЫ, И ЛИМОНЫ, ИКРА, РЫЖИКИ И ГРУЗДИ

Все бы стояло непочатое[5] и початое в росоле, да пригнетено дощечкою, да и камнем тяжелым. А огурцы, и сливы, и лимоны в росоле же бы были[6] пригнетены решеткою под камешком же легонко; а плеснь всегда счищати[7] и росолом дополнивати, разсолив; а толко который просол не в росоле стоит, ино верхней ряд гниет, а не в брежении, ино и все испортится. А то все[8] в лед всекати; а мясо по времени вывешивати; а в рыбе толко дух появится, ино перемыв вывешивати ж, которая рыба всякая и мясо, солено на провес, и вывешено по[9] весне; и как выветрело, и ясти поспело, ино от остропа[10] сбирати, да переносити пригоже, а иное в стопу класти; и рыба прутовая в рогоже вертети; а пласти по полицам класти; а подпариванная в крошки класти, чтоб ветр проходил; которая как пригоже так держати. А о всем о том: как беречи в начале писано, а в житницах, и, в закромех, и в сушилех всякаго обилия пересматривати, притчею которое: накапало, или навеяло, или сыро, и затхлося, или плесневело, и слеглося, ино[11] разсыпав на сонце пересушити или в печах; а что попортилося ино наперед ести, и в заимы давати, и в милостыню нужным; а только много ино и упрадати, а которое свеже и сухо и в бережении стоит, ино то в даль пустить[12]. А питие всякое: мед, и пиво, и морсы, и вишни в патоки, яблоки[13], и квасы, и брусничная вода, потомуж: кои бочки в леду засечены те держати в полне[14]. Которое питие тронулося, окисло, и поплесневело ино то, по малым сутком ростачивати[15], и то борзее извести; а свежее в даль блюсти, и в полне держати. А яблока, и груши и вишенные[16] ягоды, то бы было в росоле, а плесни счищати и подсытив доливати; и что как пригоже; а на леднике, полное питие и еству[17] в леду[18] держати, ино не портится. А платие всякое, и товар, которые в полатах, и в клетех, и в онбарах, и в лавках, и в сундуках, и в бочках, и в коробях, верхнее и нижнее, и новое, и ветчаное, и дорогое[19] и ущины, и полотна, того всего в лете пересматривати и лежачее платие перетрясывати, и развешивати, и пересушивати в ведряные дни на дворе, а в суморочные в избе; которое попортилося, того починити и ветчанаго поплатити; и опять по старому хорошенко укласти; и держати в суше и в покрыте и за замком. А сено только накапало и навеяло, или сыро, сгнилося[20], или затхлося, ино его в ведряной и в солнечной день на ветр выносити из сенницы и пересушити[21] и перетрясти, да и опять в сенницу скласти; а в стогу толко затхлося или слеглося, ино потомуж сделати[22], а толко попортилося, ино то продати или лошадми травити[23]; да то изводити кое попортилося; а много, ино и спродати; а кое добро и то в даль в зиму блюсти, и в сушу покласти, а сенницы бы были укрыты[24]. А государю, или государыни или кому приказано[25], из утра встав, всего прежде по всему двору у всех хором замков пересмотрити, а где есть печати, только по здорову, ино добро; а где худо замкнуто, или замок испорчен, или незамкнуто, или печати испорчены, или худо запечатано, и в ту хоромину влести и пересмотрити всего. Толко тати были, ино знати или свои крали, или небережением худо замкнуто. И о том по вине смотря и бранити, и наказывати, и обыскивати: где кто ночевал и что деялося; потому и управа чинится. А в вечере потому ж переходити[26]: где бы огня не было и не уронено[27]; да на погребе и на леднике в вечере и утре смотрити бочек гвоздие крепко ли прибито; и не подтекают ли уторами, и ладами; и дном не каплют ли; и везде ли чисто и в росоле, и не плесневело ли[28], и не загноилося ли, и покрыто бы, и перечищено и перебрано. Толко все поздорову и в таком бережении, ино добро; а что не потому, ино, по вине смотря, наказывати по прежеписанному[29]. А двор и хоромы всякие, что обветшанело или попортилося, ино постраивати, и починивати, и крепити или какая порядня земская избылася, також поделывати[30] и было бы в кровле и в суше. Ино тому подворью и всякому обиходу домовитому[31] старости и обветшания нет, – всегда живет в нове. А в избах печи всегда посматривати внутри печи, и на печи, и посторонам и щели замазывати глиною; а под ветшаным[32] кирпичем поплатити, где выломалося. А на печи бы всегда бы было чисто сметено: ино никогда[33] от огня притчи не страх, и плачена[34] хорошо и чего на ней лучится посушити, ино хорошо ж; а у всякия бы печи, над челом был искорник[35] глинян или железен; и хотя низок потолок, ино огня не страх. А всегдаб были всякие хоромы чисто метены и сухи, и не нагрязнены, и не засорены; а на дворе и перед вороты[36] по прежписанному былоб. А метлы и лопаты и всякая порядня по двору не валялась; все бы было прибрано и припрятано. А на дворе и в огороде колодезь бы был; а нет колодезя, ино б вода всегда была; а в лете б вода по хоромам стояла, пожарные ради притчи. Коли избу или мылню топят, ино вода на перед принесена б[37] была, пожарные ради притчи. А вода с реки припасати до утра порану; и дрова потомуж; а почерпати воды из реки или из кладезя, благословляся и судка[38] полоскати в чем вести или нести; а где поставити была б[39] покрыта всегда[40]. А о всем о том наказывати детей и слуг и за доброе устроение и бережение любити и жаловати всячески, а за худое им не гораздо сделано наказание и побои, по вине смотря, доброму бы была честь, а худому гроза.

II[1]

ГЛАВА 31 КАК ВСЯКОЕ ПЛАТЬЕ КРОИТИ И ОСТАНКИ И ОБРЕЗКИ БЕРЕЧИ

В домовитом обиходе коли лучится какое платье кроити себе, или жене, или детям, или людям; комчато, или тафтяно, или изуфрено, или кушачно[2] или зенденинное[3], или сукняное, или армячное, или сермяжное, или кожи[4], или сагадок[5], или на седло, или ометюк[6], или сумы, или сапоги, или шуба, или кафтан, или терлик, или однорядка, или картель[7], или летник, или каптур, или шапка, или нагавцы[8], или какое платно не буди, и сам государь или государиня смотрит и смечает; остатки обрезки живут; и те остатки и обрезки ко всему пригожаются в домовитом деле: и поплатити ветчанаго тогож портища, или к новому прибавити, или какое ни буди починити, а остаток или обрезок как выручити; а в торгу устанешь прибираючи в то лицо, во три дорога купиш[9], а иногды и неприбереш. А коли лучится какое платно кроити молоду человеку, сыну или дочери, или молодой невестке: летник или кортель, или шуба с паволокою, или опашень изуфрян[10], или комчат, или обяр[11], или атлас, или бархат, или терлик, или кафтан и что ни буди доброе, и, кроячи да загибати вершка на два и по три на доле, и по краем, – и по швам, и по рукавом; и как выростит годы в два или в три, или в четыре и распоров то платно, и загнутое оправити, опять платно хорошо станет лет на пять и на шесть. Кое платье не всегда носить, то так кроити.

ГЛАВА 41[1] СЕБЕ НА ОБИХОД КУПАТИ ВСЯКОЙ ТОВАР ЗАМОРСКОЙ, И ИЗ ДАЛЬНЫХ ЗЕМЕЛЬ

А бобр у гостя купити целой, купить и два или три, или сколько хочеш; да и сделати даш дома, на все пригодится, а у рубля полтина избудется[2]. А тафты косяк, или сукна постав, или разных поставцов; или шелку цветнаго литра или болши, золота и серебра потому же, или белки[3] или всякаго запасу, коли чему навоз, по своему обиходу смотря, и по промыслу, и по рукоделию и по своей семьи, и по мастерицам, и по рукодельникам, и по своему прожитку, так и покупати и запасати, коли чего много и дешево, ино и споро и прибылно. Да только лучится мастерок свой, портной, и сапожной и плотник: ино во всяком запасе и в остатках и в обрезках прибыль будет: или к новому портищу остатки пригодятся, или ветчанаго починити, а ты того не прикупаешь. А лес, и дрова, и бочки, и мерники, и скалы, и дубник, и лубы, и липняк, и доски, и желобы, коли тому навоз в зиме на возе[4], а в весне[5], на плотех и в лодьях на год запасеш, у всего недодаш; а у рубля четверть[6] сбудется; а у просола коли занадобится, не любое купиш, а денег слишком даш. А всякой товар и запас, коли ему навоз всякому товару; а дешево, хоти не надобе, а в ту пору купи и свою нужду исполниш, а чего запасено слишком, на том деньги будут[7] с прибылью.

ГЛАВА 46 КАК ЧЕЛОВЕКУ ЗАПАСНОЕ ПИТИЕ ДЕРЖАТИ ПРО СЕБЯ И ПРО ГОСТЬ И УСТРОИТИ ТО ПРИ ЛЮДЕХ

А коли одинокой человек, а небогатой, а запасистой[1] держит про гость пивцо в запасе, переварки на марте сварив ячной и подсытив. А обычное пивцо есть же, а медку разсытив к празднику: и в даль поблюдет в леду засечено, медок и мартовское пивцо. Аще когда праздник, или имянины, или свадба, или родины, или крестины, или по родителях память, или лучится гость из нивесть[2] любо приезжий[3], или избранной человек, или игумен честной и, одново часу из одной бочки в пять оловянников меду нацыдят, или погодят смотря, в бочки в малыя, да запаснаго мушкатцу в мешечке, а гвоздики в другом мешечке держут; а в третьем мешечке всяких благовонных зелей: в печи поджарив[4], в оловянники покласти, или в бочки и в горячее вино; а вишневаго морсу и малиноваго в два оловянника; патоки готовой, ино в одном часе[5] шесть[6] медов про гость, да два вина, да вишневаго морсу и в переварку в оловеничок подает, ино два пива. И кто запасом живет, и у порядливой жены ества запасная же, ино всегда гостя не сором, хотя пир, нужного чего прикупит, а то дал Бог всего дома полно[7].

ГЛАВА 47[1] ТОМУ ЖЕ ПИВОВАРЕНОЙ НАКАЗ: И КАК ПИВО ВАРИТИ И КАК МЕД СЫТИТИ, И ВИНО КУРИТИ

А в пивоварнюю поварню[2], на пиво, и на брагу, и на кислые шти, солоду, и муки, и хмелю отдати; то б было все в писме, и смерено, и в счете. А коли пиво затирают, – ячное, или овсяное, или ржаное, или хмель парят, и у квашня[3], и у сливная[4]дозирати самому, все было бережно и чисто, и не разкрадено, и неизпрокужено, и за посмех не выпито[5]. А коли пиво варят, – ино отпарив пиво, и силен толко солод, ино бочку и болши другова пива нарядят[6], а после всякаго пива водою на гущу поливают; воды взогрев ведер с тридцать и с сорок на ячную гушу, и с пятдесят и шестдесят взогрев взлити, или болши по вари[7] смотря; и тот исток приквасишь, – добре хорошо семье пити; а исперва, последу приквасив, на кислые шти пригодится. А уксус ставити из добраго сусла, и в бережении, и в тепле держати, и в чистоте приходити к нему. А хмелины пивные копити на винную брагу, и беречи лете на леду с суслом, чтобы не испортити, а дрожи такожде копити на винную брагу, и в перепуск, и бережно держати; а на тот запас ветчаные суды пригожаются, толко б были в запасе, даи перекреплены. А мед сытити самому[8], а как кишит хоромина та запечатати, самому толко назирати, и ни кто б тут не ходил; а сливати самому же; а на сливанье не были. А вино курити, самому неотступно же быти, или кто верен[9] и приказати; и у перепуска потому же[10]; да смечать по сколку из котла ораки, первой и другой, и последу уточат; а у перепуску потому же смечать: колко из котла укурит, – перваго, и средняго, и последу. И на погреб, и на ледник, и в сушило и в житницы, – без себя никого не пускати; и везде самому отдавати, и отмерити, и отвесити; и сколко кому чего даст, то все записати.

ГЛАВА 48[1] У ПОВАРОВ, И У ХЛЕБНИКОВ И ВЕЗДЕ ВСЯКОЙ ПОРЯДНИ КЛЮЧНИКУ ДОЗИРАТИ

А у поваров бы, и у хлебников, и у всяких приспешников, была б вся порядня: и котлы, и сковороды; и горшки медные, и железные, и таганы, и решотки[2], и чюмичи[3] и корцы, все б чисто, и цело[4], и звары: всеб было в счете и в писме, а медяное, и оловянное и в весу; а по вся дни у ключника то б было все пересмотрено; чтоб было все по числу и перекреплено, и вымыто, и в суши, и на месте лежало замкнуто; а бочка и всякия суды перемыты, и переклеплены и лежало б в суши и замкнуто.

ГЛАВА 49[1] МУЖУ С ЖЕНОЮ СОВЕТОВАТИ, КАК КЛЮЧНИКУ ПРИКАЗАТИ О СТОЛОВОМ ОБИХОДЕ, И О ПОВАРНЕ, И О ХЛЕБНЕ

По вся дни, и по вся вечеры, исправя си долг душевный во утрии вставати по звону; и, после пения, мужу с женою советовати о устроении домовнем: на ком что положено, и кому которое дело приказано ведати, и тому наказати: что кому устроити ести и пити, про гости, или про себя. Или ключник по государеву наказу прикажет, что купити на обиход; и купив, что принесут, то сметити и правды[2]смотрити[3]; а повару отдаст что варити, и хлебнику, и на приспехи на всякие потому же отдаст. А всегда б то было в памяти, что государю сказати. А в поварню ества мясная, и рыбная и печи, и варити отдавати в число; – колко чего государь велит, и колко блюд; да и печено и варено у повара взяти в число же. А на стол всякая ества стави по государеву наказу, по гостем смотря; а хлебечнои приспех, потому же дати в число и взяти в число же. И всякой ествы, что у стола останется, и цело, и неедено[4], и ух, приспеху всякаго и целую еству перебрати; а початое о себе и мясное, и рыбное, и покласти в блуды[5] чистые, и твердые, и покрыти, и в леду засечи; а початая ества, и всякие остатки, давати на обиход, как пригоже; а целое блюсти про государя и про государыню и про гости. А питие в стол давати по приказу, по гостям смотря и без гостей. А государыне брага[6] и квас. А суды б всякие столовые, и поваренные, всегда после стола в горячей воде перемыти, и переполоскати, и перетерти, и высушить; все, собрав, и счести, и устроити за замком; где что живет, и у кого на руках. А столовые суды оловянники, и братины[7], и ковши, и судки столовые всегда беречи; уксусницы, и перешницы, росолники, салоницы, ложки, блюда, ставцы, и скатерти, и фаты всегда б было чисто и готово на стол[8]; и стол бы был чист, и скамьи, и лавки и у избы[9]; и образы на стене уставлены; а изба мятена и устроена[10]. А уксус и огуречный расол, и лимонной, и сливной все бы цежено в ситце; и огурцы, и лимоны, и сливы такожде бы очищено и перебрано, и на столе б было чисто и искусно. А рыба прутовая, и всякая вялая, и всякая студень постная или мясная, и икра, и капуста, очищено и по блюдам раскладено[11], изготовлено. А питие б всякое чисто, в ситцо б цежено; а ключник, и повары, и хлебники, и всякие стряпчие[12], сами б к столу, при людех, устроились чистенко; а руки б были мыто чисто во всякой стряпни. А всякие суды, и всякая порядня у ключника, и у всех стряпчих, все б было измыто[13], и чисто, и бережно; и у государыни и у ея слуг потому же[14].

ГЛАВА 50[1] КЛЮЧНИКУ ПРИКАЗ КАК ПИР ПРИЛУЧИТСЯ

А коли пир болшой, ино всюду[2] самому дозирати, и в поварне[3], и в хлебне; а за столом, ества отдавати приставити добра человека; а у поставца, у пития, и у судов, бережной же человек надобно[4]. А в стол питие подавати по государеву наказу, кому что велено, а на сторону никому не давати без веления[5]. И как пир минет: и весь запас серебрянной, и оловянной[6], такожде и хлебной: и ества перебрати, и питие дозрети[7], початое дополнивати. А в пир на дворе бережной[8] человек надобе, – всего б смотрил и берег, и домашние всякие порядни: не украли б чего, и гостя б пьянаго беречи, чтоб не истерял чего[9], и брань бы не была[10]. А как стол отойдет[11], ино суды сметити всякие, и перемыти велети; и всякая ества перебрати, мясная, или рыбная[12], и студень, и ухи; и устроити по прежеписанному. А котораго[13] дни пир[14], того вечера, или по рано, самому государю пересмотрити: все ли по здорову; и сметати, и перепытати у ключника подлинно: колко чего седено, и испито, и кому что отдано, и кому что послано; и всякой бы расход, во всяком обиходе, был в ведоме; и судыб всякие[15] в счете; и умел бы государю сказать про все прямо[16]: что разошлось[17]. И толко, дал Бог, все по здорову, и неистеряно, и не испорчено ничто; ино гусударю ключника[18] и иных служек потому же, и поваров, и хлебников, которые вежливы и бережно стряпали, а не пили: ино всех[19] и накормити, и напоити[20].

ГЛАВА 51 НАКАЗ ОТ ГОСУДАРЯ КЛЮЧНИКУ: КАК ЕСТВА ПОСТНАЯ И МЯСНАЯ ВАРИТИ, И КОРМИТИ СЕМЬЯ В МЯСОЕД И В ПОСТ

А и то б было от государя в наказе ключнику: в мясоед какая ества отдавати в поварню, про государя, и про домашней обиход, и про гость; а в постные дни потому же. А о питьи потому же, наказ надобет от государя ключнику: какое питие носити про государя, и государыне[1], и про семью, и про гость. И то все чинити, и делати, и отдавати по государеву наказу; а о всяком обиходе[2], как государь накажет, так и творити. И государю с женою о том, о всяком обиходе, в домашнем, советовати, и ключнику наказывати, как челядь кормити по вся дни[3]; в мясные дни: хлеб решотной, и шти да каша с ветчиною житкая, а иногда густая, с салом, переменяя что[4] мяса[5], как лучится дадут к обеду. А в неделю, и в праздники: иногды пироги, а иногда кисель, а иногда блины, или иная[6] ества; а у[7] ужены шти, да молоко, или каша. А в постные дни: шти да каша житкая, – иногда с соком, иногда сущ, иногда репия[8]; а у ужины[9]: иногда шти, капуста, толокно; иногда расол, иногда ботвинья. По неделям, по праздникам: к обеду[10] пироги какие, или гуща, или яглы, или селедовая кашка[11], и что Бог лучит; а у ужены[12]: капуста, росол, ботвинья, толокно. А у жен, у челядиных, и у девок, и у робят потому же; а страдным[13], людем ества таже, да прибавь остатков столовых государевых и гостиных; а лутчие люди, которые торгуют[14], тех государь в столе у себя сажает. А коли гости едят, и они стряпают; а после стола едят ествы, с прибавкою из столовых остатков. А у государыни мастерицам и швеям потому же: сама за столом их кормит и подает им от себя. А челяди[15] исток пивной; а в неделю, и в праздники, и браги дадут, а торговым всегда брага; а питием[16] государь[17] жалует, или[18] прикажет; а в прохлад и самим пивца дадут[19].

ГЛАВА 52 В ЖИТНИЦАХ И В ЗАКРОМЕХ О БЕРЕЖЕНИИ

В житницах бы у ключника было всякое жито и всякои запас: солод и рожь, и овес, и пшеница, незгноено, и не накапалоб, и не навяло, и не проточено от мышей, не слеглося бы, и не затхлобы ся. А что в бочках[1], или в коробях[2], и всякой запас, и горох, и конопли, и греча, и толокно, и сухари, и ржаные, и пшеничные то б было все покрыто, и судно твердо, и не намокло б, и не гнило[3], и не затхлося. А всему бы тому была мера и счет: и сколко чего из села, и с торгу привезут, – записати; а что весовое, то взвесити; и колко и коли отдаст чего на расход, или взаимы, и на всякой обиход, или кому государь велит, что дати, то все записати же. И сколко чего сделают, то б было ведомо же: и хлебы, и колачи, и пиво, и вино, и брага, и квас, и кислые шти, и уксус, и высевки, и отруби, и гуща всякая, и дрожи, и хмелины; то б было у ключника все в мере и записано, а хмель, и мед, и масло, и соль вешено.

ГЛАВА 53 В СУШИЛЕ ТАКОЖ СМОТРИТИ

А в сушиле мясо полтево, и солонина ветрена, полотки, и языки, и прутовая рыба, и пласти, и всякая рыба, вялая, и ветреная, и в рогожах, и в коротнях, и вандыши, и хохолки: чтобы было все в счете и в письме: сколко чего куплено и вывешено, и провялено, и положено; и держено бы то бережно[1] и не изгноено, и не измочено, и не измято; убережено б от всакой пакости[2] и всегда замкнуто[3].

ГЛАВА 54 В ПОГРЕБЕ И НА ЛЕДНИКЕ ВСЕГО БЕРИЧИ

А в погребех, и на ледниках, и на погребицахе[1], хлебы, и калачи, сыры, и яйца, забела, и лук, чеснок, и мясо всякое свежее, и солонина, и рыба свежая, и просолная, и мед пресной, и ества вареная, и мясная, и рыбная, и всякой запас естомой[2], и огурцы, и капуста, соленая и свежая, и репа, а всякие овощи, и рыжики, и икра, росолы ставленые, и морсы[3], квасы яблочные; и воды брусничные, и вина фряские[4], и горючие[5], меды всякие, и пива, – сыченые, и простые, и брага, – и всякаго того запасу ключнику ведати; и сколко чего на погребе[6] поставлено, и на леднике, и на погребце, – всеб то сочтено было, и перемечено: что в полне и что не в полне; и перемечено[7], и записано: и сколко куды чего отдаст по приказу государеву, – и сколко чего разойдется; то б было все в счете, – было б что государю сказати, и отчет во всем дати; а всеб то было чисто, и в покрыте, и не затхлося, и не заплесневело[8], и не прокисло; а вина фряские, и сыченые, перевара, всякое лутчее питие, в оприченном[9] погребе, за замком держати; а сам бы тамо ходил.

ГЛАВА 55 А В КЛЕТЕХ, И В ПОДКЛЕТЕХ, И В АНБАРАХ УСТРОИТИ ВСЯКАЯ ПОРЯДНЯ КЛЮЧНИКУ ПО ГОСУДАРЕВУ НАКАЗУ

А в клетех, и в подклетех, и в анбарех, устроити по государеву наказу, ключнику, всякая порядня, платье ветчаное, и дорожное, и служне[1], и полсти, и епанчи, и кепеняки[2], и шляпы, и руковицы, и медведны, и ковры, и попоны, и войлоки, и седла, и сайдаки[3] и с пики[4], и стрелами, и сабли, и топорки, и рогатины, и пищали, и узды, и оброти, и морхи лысины; и похви, и остроги, и плети, и кнуты, и возжи: моржовые, ременные, и шлеи, и хомуты, и дуги, и оглобли, и миндеры[5], и мехи дымчаты, и сумы, и мехи холщевые, и припоны, и шатры, и пологи; и лен, и поскони, и веревки, и ужица; и мыло, и зола, и ветчаной[6] запас всякой; и обрезки, и остатки, и ветчаное, и новое, и платяные, и кожаные, и железныя обломки всякие, и гвоздье, и чепи, и замки, и топоры, и заступы, и всякой железной запас, и всякая рухлядь, и все то разобрати, что пригоже в коробях положити, или в бочках, иное по грядкам, иное по спицам, иное в коробех где что пригоже, туто и устроити в сусе[7], и в покрыте, от снега беречи, и от всякия пакости; и все б было в счете и в писме; – и сколко чего надо, и сколко ветчанаго; а что по портилося, то починивать; а всегда бы было готово, всякий запас как спросят[8]. А в иных подклетех, или в подсении, или в анбаре, устроити: сани, дровни, телеги, колеса, одры страдные, дуги, оглобли, хомуты, рогожи[9], лыка, мочала, веревки лычные, оброти, тяжи, шлеи, попоны и иной дворовой запас конской, – где что поставити, или положити, или повесити. А лутчие сани[10], коптана, калымага, укрыти на подкладках, – и все б было бережно и в суше, за замком. А в в ином анбаре: бочки, и мерники, и цепники, высытки[11], корыта, жолобы, и звары, корцы, фляги, сита, решота и всякая порядня поваренная и погребная. Которые бочки, и всякое судно попортилось; – или обручи огнили, или свались, и то велети окрепити, или уторы переделати, или дно покрывати[12], и обручи новые наколотити; все б то было готово, и выпарено, и вымыто, и высушено; – чтоб ни гнилью, ни плеснью и затхлою не пахнуло[13]: ни дрожжи б, ни хмелины, не засушены, не загнились. Как которое судно понадобится, ино б было готово. А дубник в запасе держати: что починити, или сделати. А ветчаная бочка и звара, и высыток, донце, дощечки бочечные, и всякое судно всеб было припрятано; а все то ся пригожает на худую потребу, и ты добраго не портиш.

ГЛАВА 57[1] В ПОВАРНЯХ И В ХЛЕБНЯХ И В ДЕЛОВЫХ ИЗБАХ УСТРОИТИ ДЕЛАНОЕ[2]

А в[3] поварнях и в хлебнях и в деловых избах и гуща, и дробина, и отроби всякие и капустное коренье, и хренье, и листье свекольное и репное и плюсное[4] и дражня гуща, и винная и из котлов и кисельные обжины[5] и в поварне, от мяса и от рыбы что очищают, и кислых штей опара, всего того не метати: все обрати[6] и в ветчаные суды класти, которые ни в поварне, ни в погребе не пригодятся; да ставити то в опричной хоромине, и тем страдные лошади кормити или чем подмешиваючи и невейницы, или овсяной муки, или сено резаное, или чего иного; а иное коровам давати, и свиньям, и гусям, и уткам, и курам и собакам; и что как пригоже и мукою посыпают. И помывки[7] судовые, и горшечные, и котельные и всякие ествы и пригарны, все животине копят: животина тем сыта бывает. А в деревне такой корм животине ссылают же.

ГЛАВА 58 НА ПОГРЕБЕХ И НА ЛЕДНИКЕХ, И В ЖИТНИЦАХ, И В СУШИЛЕХ, И В АНБАРЕХ И В КОНЮШНЯХ ЧАСТО ГОСУДАРЮ СМОТРИТИ

А на погребех, и на ледникех, и в житницах и в сушилех, и в клетех, и в анбарех, и в конюшнях по вся дни в вечере в кой любо день: пересмотрити самому государю всякого пития и ествы, и всякаго обиходу, и всякаго запасу, и всякой рухляди; и в конюшне, и в хлебне, и в поварне, и в чьем приказе или у ключника, или у повара, или у хлебника, или у конюха всего пересмотрити самому, по тому чину и стройно[1], как в сей памяти[2] писано; и перепытати колько чего есть; и всему ли есть счет и мера, и писмо; да все то сметити и сгадати самому: и сколько чего сделано и сколько чего разошлося, и кому что отдано[3], и все бы то умели сказати именно. Иного вечера повара и хлебника, иного вечера[4] пивовара и конюха смотрити и сметити во всем, а ключнику туто же быти. И, только везде стройно, по наказу и все соблюдено, и счет сойдется; и устроено хорошо и счет отдаст подлинно и памятной прямо, ино того, за его службу жаловати; а кто небережением или истерял, или испортил, или сломал, или покрал, ино посмотря по вине: наказывати и пеня чинити[5]. И в поварнях, а в хлебнях и во всяких хоромех, и в конюшне у всякой животины, и в сенниках; у мастеров, и у мастериц, и учеников[6], и у торговцев, и у всяких своих прикащиков, всегда всего пересматривати и пытати; только все по наказу, ино добро, а не потому наказание, по вине смотря, по прежеписанному. А за доброе устроение и брежение любити и жаловати всячески доброму была б честь, а худому гроза[7].

ГЛАВА 59 СЛУГАМИ ГОУДАРЮ СМЕТЯСЯ ВО ВСЕМ ПОТОМУ ИХ ЖАЛОВАТИ[1]

А которой служка в которой службе[2] бережен и по приказу[3] живет, в котором приказе и в службе чисто ходит безхитросно: за посмех не отдаст и сам не украдет, а везде ества и питие и всякая потреба покрыта, и не сгнило, и не поплесневело, и не прокисло, и везде подметено, и вытерто, и не намочено, и не налито, и не нагрязнено, и не насорено; и суды всякие чисты, и перемыты, и устроено хорошо; и ества остатки перебрано цело и в предь блюсти про государя и про гость, а початое в расход давати и в стол, кому что достойно и как ему велено от государя; и во всякой службе добро и бережно служит, и по приказу чинит и того пожаловати, и добрым словом привечать, и ести и пити подати и нужда его всякая исполнити; а чего безхитросно, или недогадкою, или неразумием не гораздо сделал, или попортил что, и в том словом наказати передо всеми, все б того береглись и вины отдати; а в другие и в третие проступить, или ленится ино, по вине и по делу смотря, по разсуждению наказати и побити доброму; была б честь, а худому и наказание, а всему тому наук. А государыня женок и девок в своем обиходе такожде сзирает, и смечает[4] и наказует такожде, как выше сего[5] писано.

ГЛАВА 60 О ТОРГОВЫХ И О ЛАВОЧНЫХ ЛЮДЕХ, ПОТОМУ ЖЕ СЧЕТ С НИМИ ЧАСТО ДЕРЖАТИ[1]

А которые в лавках торгуют, и на домовной обиход покупают всякую потребу и всякой запас, ино с теми в вечере и на упокое, на всякую неделю самому государю надобно смечати с ними и в приходе и в расходе, и в купле и в продаже: с тем вечер, а с иным иной вечер; и кто бережен и памятлив, радеет[2] о своем деле, и все в счете живет у него, и хитрости в нем нет никоторые и прибыточек от него есть, и того примолвити и пожаловати еством[3] и питием и нужда его пополнити во всем; а за доброй промысл на выймок своим платьем пожаловати; а кто безхитросно что учинит, или ленив, или позно в лавку ходит, или спит долго, или с товаром не ходит к гостем[4], или какое его ни буди небрежение и нерадение, ино его наказывати и бранити, и, по вине смотря, такова ему пеня учинити. А за добрую службу тех у себя за стол сажати, и от себя подавати, и жаловати и во всем их беречи. А во всякой службе, и в домашнем обиходе, и в торговле кто ленив, и сонлив, и крадлив, и упъянчив и наказание и побои неймут, и того от дел оставити и по нем работа дати[5]. А кто груб, и крадлив, и ленив, и ни во что не пригодится, и наказание, ни удар неймет: ино накормив, да с двора спустити[6]: и иные на такого дурака глядя, не испортятся.

ГЛАВА 61 КАК ДВОР СТРОИТИ, ИЛИ ЛАВКА, ИЛИ ДЕРЕВНЯ ИЛИ АНБАР

Всякому человеку домовитому[1], у кого Бог послал свое подворейцо, или деревенку, или лавочку[2] в торгу, или амбар, или домы каменные, или варницы, или мелницы, ино б было по прежеписанному, всякой запас куплен в пору, когда коли дешево[3]. Да везде на дворе всегда у себя смотрити, или ключник или кому приказано: или тын попортился, или горотба в поле, или в огороде, или ворота, или замки попортилися, или которой хоромины кровля погнила или обветщала[4], или желобы засорилися: все то смывати, и мести, и желобы вычищати, и перекрывати и перекрепливати; кое поветшало, или поломилось, или прокапало, или ветром подрало; или в избе или в которых хоромех стол, лавка, или скамья[5] попортилася; или на погребе, или на леднике, или в мылне, или мост и где что ни буди попортилося: или порядня домовитая, какая нибуди дворовая или повареная, или конюшенная, или погребная; или всякое платно и сапог: всеб было ветшаное поплачено, а порченое покреплено[6]; а всеб было твердо, и крепко, и неизгнило, и не нагрязнено, и в кровли и в суше.

ГЛАВА 64[1] ПОСЛАНИЕ И НАКАЗАНИЕ ОТТО ОТЦА К СЫНУ

Благословение от благовещенскаго попа Силиверста[2], возлюбленному и единородному моему сыну, Анфиму. Милое мое чадо, дорогое! послушай отца своего наказания, рождьшаго тя, и воспитавша в добре наказании и в заповедех Господних; и страху Божию, и божественному писанию изучену, и всякому закону християнскому; и промыслу доброму во всяких торговлях, и во всяких товарех наказану; и святительское благословение на себе имееш, и царьское Государево жалование, и Государыни царицы, и братии его, и всех боляр; и с добрыми людями водишся; и со многими иноземцы великая торговля и дружба есть; все еси доброе получил, умей сие[3] совершити о Бозе: яко же начато при нашем попечении, и по нас такожде бы Бог соблюл по тому жити. И законному браку сочтах тебе, и добру родителю благородную[4] дщерь; и благословил есми тебя всякою святынею, и честными кресты, и святыми образы, и благословенным стяжанием, яко же мню от праведных трудов; а в неведании Бог правитель. И ныне убо, сыну Анфим, предаю тебе и поручаю, и оставляю Создателю нашему, доброму блюстителю, Исусу Христу, и его матери причистыя Богородоцы заступницы нашея, помощницы и всем Святым: яко же рече писание: «потщися дети оставити наказаны заповедем Господним, лутче неправеднаго богатства; аще и в праведном убожестве нежели в неправеднем богатстве». И ты чадо блюдися неправеднаго имения, а твори добрая дела. Имей, чадо, великую веру к Богу; все упование возлагай на Господа; ни кто же надеяся на Христа не погибнет. И прибегай с верою к святым Божиим; заутрени не просыпай; обедни не прогуливай; вечерни не погреши и не пропивай; повечерница, и полунощница, и часы в дому своем всегда, по вся дни, пети: то всякому христианину Божий долг. Аще возможно по времени правила прибавить[5], – на твоем произволении; болшую милость от Бога приобрящеши. А в церкви Божии, и в дому, на правиле, и на всяком пении и молении сам, и жену, и детей учи и всех домочадцев со страхом стояти, Богови молитись и со вниманием слушати, отнюдь в те поры ни о чем не беседовати, ни обзиратись, разве великия[6] нужды. А говорити правило келейное и церковное единогласно, чисто, а не в двое. Священнический и иноческий чин почитай: те бо суть Божии слуги, теми очищаемся от грехов, те имеют дерзновение молитися Господу о гресех наших и Бога милостива сотворят. Повинуйся, чадо, отцу духовному, и всякому священническому чину во всяком духовном наказании; а жена такожде. В дом свой их призывай молитися о здравии, за Царя и Государя, и за Царицу, и чада их, и за братию его, и за вся хрестияне; и о своем согрешении, и о своих домочадцах молебная совершай; и воду бы святити с животворящаго креста и со святых мощей, и с чюдотворных образов; аще болезни ради, за здравие и масло свещают. И в церквах Божиих такожде твори; приходи с милостынею, и с приношением, и за здравие, и породителех преставльшихся, память твори, со всякою чистотою: и сам воспамяновен будеши от Бога. Церковников, и нищих, и маломожных, и бедных, и скорбных, и странных, и пришельцев призывай в дом свой, и по силе накорми, и напои, и согрей, и милостыню давай, от праведных своих трудов, и в дому, и в торгу, и на пути, – тою бо очищаются грехи, те убо ходатаи к Богу о гресех наших. Имей, чадо, истинную правду и любовь нелицемерную ко всем; не осуждай никого ни в чем: свои грехи разсуждай, како избыти их. Чего себе[7] не любиш, того и другу не твори, и храни чистоту телесную паче всего; да наступи на совесть свою, на лютаго врага; и возненавиди, якоже милаго душетленаго друга, хмельнаго пития; Господа ради, отверзи от себя пиянство, – в сем недуге и вся злая рождаются обычаи от него. Аще от сего сохранит тя Господь, вся благая и полезная от Бога получиш, и от человек честен будеши, и души своей просвет сотвориши на вси добрая дела. Воспомяни, чадо, апостольское слово: «не прельщайтеся ни пияницы, ни блудницы, ни прелюбодеи, ни содомлянине, ни тать, ни клеветник, ни хищник царствия Божия не наследяты». Аще которою страстию победился еси, чадо, или в которое грехопадение впал, о сем прибегни к Богу, с теплою верою, и ко отцу духовному, с горкими слезами; и плачися грехов своих[8], и кайся истинне, еже таковая не творити; и заповедь отца духовнаго храни, и епитимию держи: милостив Господь, праведных любит, грешных всех зовет ко спасению. И паки храни и блюди себе в христианском праведном законе жити; удержи язык свой от зла, и устне свои, еже не глаголати льсти; храни себя от лжи, и похвалы, и от клеветы; и сам ни в чем не величайся; уничижи себе всех паче[9], узриши славу Божию; всякаго, чадо, не презри во всякой нужди; помятуй, чадо како мы жихом век: ни кто же изыде от дому нашего тощ или скорбен; по силе, вся потребная, всякому человеку, Бога ради, давано и скорбнаго словом пользовано и аще кому, в чем возможно, и мы помогали, Бога ради, и ссужали всячески; а нам не видимо Христос изобильно посылал милость Свою всяких благих. А не помыслихом ни на кого да ни кому[10] на зло разве не доразумия, без лукавства. Чадо, люби монашеский чин, и странники, и пришельцы, всегда в дому твоем питались; и в монастыри с милостынею и с кормлею приходи; и в темницах и убогих и больных посещай, и милостыню по силе давай. А домочадцев своих одевай и корми довольно. А жену свою люби, и в законе живи и по заповеди Господни. В неделю и в среду, и в пяток, и в праздники Господни, и в великий пост в чистоте пребывати, в посте и в молитве и в покаянии, и во всяких добродетелех. Законно жительство в славу Богу и в живот вечный[11]; а любодеем и прелюбодеем судит Бог. Да сам, чадо, что твориши, того и жену учи: всякому страху Божию, и вежеству, и промыслу, и рукоделию, и всякому домашнему обиходу и всякой порядне; умела б[12] и печи, и варити, и всякую домашную порядню умела, и всякое б женское рукоделие знала; и коли сама все знает и умеет, ино умеет детей и слуг всему научити[13], и наказати во всем; а сама бы хмельнаго пития отнюдь не любила, и дети, и слуги у ней того не любили же. А всегда б жена без рукоделия сама, ни на час не была, кроме[14] немощи, а слуги у ней такожде. А в гостях будет, или у ней гости, отнюдь бы сама пьяна не была, а а с гостьями беседовала о рукоделии, и о домашней порядне, и о законном христианском житии; а не пересмеивала б[15] ни о ком ни чего. В гостях, и в дому песней бесовских, и всякаго срамословия, и блядливых речей, и блудных пословиц, сама, и слуги, не говорила, и не творила б того бы, и ни у кого не слушала. И волхвов, и кудесников и всякаго чарования не знала бы; и в домы не пущали ни мужиков ни жинок.

Аще не внимает сего, всячески наказуй[16] на едине, да наказав и примолви, и жалуй люби ея. Такожде и детей и домочадцев своих учи страху Божию и всяким добрым делом; понеже тебе ответ дати о них в день страшнаго суда. Аще по нашему наказанию и по сему писанию учнете жити, велию благодать от Бога обрящете, и жизнь вечную наследити и домочадцы своими: да держится, чадо, добрых людей во всяких чинех и ревнуй добрым делом; внимай словеса добрыя и твори я. Почитай часто божественное писание, и влагай в сердце себе на пользу. Видел еси, чадо, како в житии сем жихом во благословении и страсе Божии, и в простоте сердца и церковном прилежании со страхом божественным писанием ползуючися всегда; и како были Божиею милостию от всех почитаем, и всеми любим, и всякому и в потребных уноровил: и рукоделием и службою и покорением; а не гордынею, ни прикословием; не осуждах никого, не просмеивал, ни укаривал ни кого, ни бранивался ни с кем, а пришла от кого обида, и мы, Бога ради, терпели и на себя вину полагали; и тем и врази друзи[17] быша; и аще которою виною, душевною или телесною согреших пред Богом и пред всеми человеки, и вскоре о том плакахся к Богу греха своего; и у отца духовнаго каяся со слезами, и умилне прощение прося, и заповеди его духовныя с любовию хранях, якоже повелит ми; и аще кто мя в моем прегрешении, или в какове невежестве обличит, или кто духовне накажет, или кто в посмех поносит мя и укоряет, все сия с любовию приимах, и себе внимах; аще по делом, о сем каяхся и от таковых дел удаляхся, Богу поспешествующу ми; аще, что неповинио, и не по делу, молва или поношение, или посмех, или укоризна, или ударение, – во всем том винихся и не оправдахся пред человеки: Бог сие праведным своим милосердием исправит. Воспоминах Евангельское слово: «любите враги ваша, творите добро ненавидящим вас, благословите клянущая вас[18] молите за творящая вам пакости и изгоняющая вы; бьющему тя в ланиту обрати ему и другую, и от взимающаго ти ризу и срачицу не возбрани; всякому просящему у тебя дай; и от взимающаго твоя не истязай; и аще кто тя поимет по силе поприще едино, иди с ним или два. И паки еще воспоминая и причастную молитву:» Господи, даждь ми милость, ненавидящим мя, и враждующим ми[19] такожде и оклеветающим мя; да ни кто же ни какоже, от них меня ради нечистаго и грешнаго, зло некако постраждет, ни в нынешнем веце ни в будущем; но очисти их милостию своею и покры их благодатию своею благии. Тем же утешах себе. Непогреших никогда же церковнаго пения от юности своея и досего времени, кроме немощи; ни нища, ни странна, ни убога, ни скорбна, ни печальна никогда же не презрех, кроме неведения. И в темницы, и больна, и пленена, и из работы, и должна[20] и во всяких нуждах, по силе окупих, и гладных по силе накормих. Работных своих всех свободих и наделих; и иных окупих из работы на свободу попущах. И все те работные наши свободны, и добрыми домама живут, яко видиши, молят за ны Бога и доброхотают нам всегда, а кто забыл нас, – Бог его простит во всем. А ныне домочадцы наши все свободны, живут у нас по воли. Видел еси чадо[21]: многих пусточных сирот и работных и убогих, мужеска поду и женска, и в Нове граде и здеся[22] на Москве вскормих и вспоих до совершенна возраста; и изучих кто чего достоин; многих грамоте, и писати, и пети, и иных иконнаго писма, инех книжнаго рукоделия, овех серебрянаго мастерства, и иных всяких рукоделий, а иных всякими многими торговли изучих торговати. А мати твоя многия девицы и вдовы пустошныя и убогия воспитала в добре наказании, изучила рукоделию и всякому домашнему обиходу и, наделив, замуж повыдавала[23], а мужеский пол поженили у добрых людей. И всем тем, дал Бог, свободны: домами своими живут; много в священническом и в дьяконском чину, и в дьяцех, и в подячих, и во всяких чинех, кто чего дородился и в чем кому Бог благословит быти: ови рукоделничают всякими промыслы; а многие торгуют в лавках; мнози гостьбу деют в различных странах всякими торговлями. А Божиею милостию, во всех тех наших вскормленникех[24] и в послуживцах ни соромота, ни убыток, ни какая продажа от людей не бывала, ни людям от нас ни тяжба ни с кем не бывала, во всем Бог соблюдал по ся места; а от кого нам от своих скормленников досада и убытки многи и велики бывали, ино то все на себе понесено, ни кто того не слыхал, а нам Бог исполнил. И ты, чадо, тому же ревнуй и тако твори: на себе всякую обиду претерпи, – Бог сугубо исполнит. Не познах другии жены, разве матери твоея, а еже с нею и обещахове, то и сотворих о Бозе. Соверши[25], христиански скончати живот мой в заповедех твоих. Живи, чадо, по христианскому закону, во всяких обычаях без всякия хитрости ко всем. А не всякому слуху веруй: доброму ревнуй, лукавых и законопреступных во всяких обычаях, отнюд не люби; а законный брак со всяким опасением храни: до кончины живота своего; чистоту телесную храни; кроме жены своей незнай никого. И пьянственнаго недуга такожде берегись; в двух сих главизнах – вся злая свидятся, до ада преисподняго; и дом пуст, имению тщета и от Бога непомилован будет, и от людей безчестен и посмеян и укорен и от родителю проклят. Аще, чадо, тебя от сего злаго Господь сохранит закон сохраниши по заповеди Господни, от хмельнаго пития воздержися, и во всяких добродетелех поживеши, якоже есть богобоязливии людие, и ты от Бога помилован будеши, а от людей честен; и исполнит Господь дом твой всякою благодатию. И еще воспомяну ти: гостей приезжих у себя кормити; а на соседстве и знаемыми любовно жити[26] о хлебе и о соли, и о доброй сделке и о всякой ссуде. А поедеш куды в гости поминки недороги вози за любовь. А в пути от стола есть подавай домашним государем, и приходящим, и их с собою сажай за стол, а маломожным милостыню давай. Аще сия твориши, то везде тебя ждут и встречают[27], и от всякаго лиха берегут; не стану не подадут, и на дороге не разобьют; того ради кормят добраго за добро, и лихаго от лиха; тот ся на добро обратит, во всем в том убытка не будет[28]; в добрых людех хлеб соль заемное дело, а поминки такожде, а дружба в век, а слава добрая. А на дороге, и в пиру, и в торговле, отнюдь сам брани не зачни; а кто излает терпи, Бога ради, от брани уклонись; добродетель злобу преодолевает. Господь гордым противится смиренна Бог любит, а покорному Бог благодать даст. Аще людем твоим лучится брань с кем где ни буди и ты на свои[29] брани; а кручиновато дело и ты удари, хоти твои и правы тем брань утолиши, такожде убыток и вража не будет. Да еще недруга напоити и накормити хлебом и солью, ино вместо вражды дружба. Воспоминай сыну великое Божие милосердие к нам и заступление: от юности и до сего времени, на поруку не давывал ни кого, ни меня не давал ни кто, во всяких вещах, и на суде не бывал ни с кем, ни искивал, ни отвечивал.

А видел еси сам: в рукоделиях, и во многих во всяких вещех: мастеров всяких было много: иконники, книжные писцы, серебренные мастеры, кузнецы, и плотники, и каменщики, и всякие рукоделники; деньги им даваны на рукоделье наперед, по рублю, по два, и по три, и по пяти, и по десяти и болше; а многи были чмуты и бражники; и со всеми теми мастеры, в сорок лет, дал Бог, разлелнося без остуды, и без пристава, и без всякия кручины. Все то мирено хлебом да солью, да питьем, да подачею, и всякою добродетелью, да своим терпением. А сам у кого что купливал, ино ему от меня милая разласка: без волокиты платеж, да еще хлеб да соль, сверх. Ино дружба в век; ино всегда мимо меня не продаст, и у всего недоймет. А кому что продавывал, все в любовь, а не в оман, – не любит кто моего товару, и аз назад возму, а денги отдам; а о купли и о продаже, ни с кем брани ни тяжи не бывало; ино добрые люди во всем верили, и здешнии[30], и иноземцы. Никому ни в чем, ни слыгивано, ни манено, ни пересрачивано, ни в рукоделии, ни в торговле, ни кабалы, ни запись на себе, ни в чем не бывала; а видел еси сам, какии и великии сплетки со многимя людми были; да все, дал бы Бог, без вражды скончалось; а ведаеш сам, не богатством жити с добрыми людьми, правдою, да ласкою, да любовию, а не гордостию, и без всякия лжи. Чадо мое любимое, Анфим! Еже тя поучах, и всячески наказывах, о всяком добродетелном и богодохновенным житием[31], и грубое сие писание худаго моего учения предах[32], молю тя, чадо, Господа ради, и Пресвятыя Богородицы, и великих чюдотворцов, почитай себе, с любовию и со вниманием, и напиши на сердцы своем, и прося у Бога помощи, и разума, и крепости, и вся предиреченная сия с любовию и делом твори; такожде, посему писанию, жену поучай и наказуй; такожде и детей своих и домочадцев; всех учи страху Божию и добродетелному житию. И аще вся сия сам твориши, и жену, и дети, и раб, и рабынь, и всех ближних своих, и знаемых такожде научи, и дом свой добре устроиши, вся благая от Бога обрящеши, и жизнь вечную наследиши, со всеми одержимыми тобою. Аще, сыну, моего моления и поучения не внемлеши, и по сему писанию не учнеш жити, яко и прочие добрые люди, и богобоязнивии мужие, и отца духовнаго заповеди не учнеш хранити, и от богодухновенных мужей не пользуешися поучением, и почитанием святаго писания, и христианскаго праведнаго закона не храниши, и о домочадцех своих не радиши, и аз твоему греху не причастен: сам о себе, и жене, и о домочадцех своих, ответ даси в день страшнаго суда. Аще чадо мое возлюбленное, и малые сия заповеди, худаго моего учения сохраниши, и по нашему пути поидеши, и словес моих послушаеши, и делом творити начнеши[33], и наследник небесному царствию; и будет на тебе милость Божия, и Пречистые Богородицы заступницы нашея, и великих чюдотвордев: Николы, Петра, Алексия, и Сергия, и Никона, Кирилла, и Варлаама, и Александра, и всех Сватых, и родительская молитва, и мое вечное на тебе благословение, от ныне и до века. И благословляю тебя чада своего и прощаю в сем веце и в будущем; и буде на тебе Божия милость, и на жене твоей, и на чадех ваших[34], и на всех доброхотах ваших, от ныне и до века.

Чадо мое, единородное и любимое, Анфим! произволил Бог, и благочестивый, православный Царь Государь велел послужити тебе в своей царьской казне, да у таможних дел; и ныне молю тя, чадо, и со слезами глаголю: Господа ради, памятуй царьское наказание, прося у Бога помощи и разума, от всей души и от всего помышления; служи верою и правдою, без всякия хитрости, и без всякаго лукавства; во всем Государьском: другу не дружи, недругу не мсти, и волокита б людем ни в чем от тебя не была; всякаго отделай с любовию, без брани; а не поспеется и добрым словом отвещай, и присрочив не изволоча отпусти.

А в торговле прямую розласку чини: душевредная бо твоя служба государю не была ни в чем; а сам благословенным государьским уроком сыт буди; и все бы у тебя государьское было всегда в счете, и в смете, и в писме и приходе и расходе; к казначеем буди послушен, а с товарищами советен, а и подъячим, и к мастером и к сторожем, грозен и любовен и ко всяким людем приветен, а победных, и скорбных, и нужных, и полонеников отнюдь безволокитно управляй[35] и от себя по силе накорми, напой и милостыню дай, по человеку смотря; а и случится суд: всякому человеку богату и убогу, другу и недругу, и аще свое дело истинно и праведно, безволокитно, и без всякия хитрости соверши: по евангельскому словеси: «и не на лица судите, сынове человечестии, но праведен суд судите, им же бо судом судите, судится вам; в ню же меру мерите, возмерится».

III[1]

Глава 65 КНИГИ ВО ВЕСЬ ГОД КАК В СТОЛ ЕСТВЫ ПОДАВАТЬ[2]

С велика дни в мясоед в стол ествы подают: лебеди, потрох лебяжий, жаравли, чапли, утки, тетереви, рябки[3], почки заячьи верченые, куры росолные, пупки, шейки, печенцы куречьи, баранина росолная, баранина печеная, ухи курочьи, каши путные, солонина, полотки, языки, лососина, зайцы в сковородках, зайцы росолные с молоки, куры верченые, черевца[4], пупки, печенцы куречьи, жаворонки, потрошек бараней, сандрик, свинина, ветчина, караси, сморчки, кундумы, двои шти. А на ужине подают: студены[5], ряби, заецы печеные, утки, рябки верченые, тетеревы, баранина, полотки, заецы росолные, куры верченые, свинина, ветчина. В великоденской мясоед в стол еству подают, рыбную, по постным дням: селди паровыя, щуки паровые, лещи паровые, лососина сухая, белая рыбица сухая, осетрина сухая, спинки стерляжьи, белужина сухая, спинки белужьи, белая рыбица, спинки белыя рыбицы пареные, ухи шафранные, ухи окуневые, плотичьи, ухи лещевые, ухи карасевые; а расолнаго[6]подают: белая рыбица свежая, стерлядина свежая, осетрина свежая, стерляди живопросолные, головы щучьи с чесноком, голцы, осетрина шехонская, осетрина косячная. В петрово говение в стол еству подают: селди паровые, щуки паровые, лещи паровые. Сухие рыбы: лососина, белая рыбица, осетрина, спинки стерляжьи, прутовая белая рыбица, спинки белые рыбицы паровые, уха щучья с шафраном[7], уха плотичья, уха лещевая, уха карасевая, да варанчук[8] осетрей, да варанчук стерляжей; а расольнаго: белая рыбица свежая, стерляди свежия, стерлядина живопросольные, осетрина свежая, осетрина просольная, щука[9] живопросольная, головы щучьи с чесноком, гольцы, стерлядь провесная[10], осетрина шехонская, осетрина косячная, грибы вареные, грибы печеные и вешеные, шти, караси[11]. А с петрова дня в мясоед в стол еству подают: лебедь, потрох лебяжей, жаравли, чапли, утки, почки заечьи, части верченые, груди бараньи верченые, куры росольные, пупки, шейки куречьи, баранина печеная, ухи курячьи, говядина просольная, ярмы[12], солонина с чесноком[13], полотки гусиные, полотки утячьи сущие, солонина старая, языки говяжьи сухие, языки лосинные[14], лососина[15]; заецы ярые в сковородках, заецы в лапше, заецы в росоле, почьки заичьи с молоки[16], курники, пироги слоеватые, сальники[17], говядина шестная, молоки говяжьи, вепревина, ветчина с молоки свиные, рубцы, каша, двои[18] шти[19], лапша, караси, кундумы, шти кашные, блины сырные, пироги, блинные[20], кисель, каша, сливки, сыр[21] молока с хреном, короваи ставленые, короваи блинчатые, короваи стрядные[22].

В госпожино говенье в стол ествы подают: капуста кислая с селдми, икра всякая ставится рядом, белужьи, ветреные, лососина дается с чесноком, с зубцами; осетрина шехонская, белая рыбица, семга провесная, спинки осетрьи, спинки стерляжьи; селди паровые, щуки паровые, стерляди паровые, лещи паровые, спинка семожья, спинка рыбичья; и всяких рыб спины даются. А после пароваго: ухи назимые с шафраном; уха опекиваная, окуневая черная, застуди ея; ухи рядовые горячия; уха щушья, уха стерляжья, уха карасовая, уха окуневая, уха плотичья[23], тавранчук осетрей. А меж ухами дается: коровай телной, и стерляд, и кружек. Пироги: пирожки в масле ореховом, пряженые с горошком; оладейки в ореховом масле, кисленькие; пироги подовые, кислые, с горошком; пироги с маком, пряженые, большие, в конопляном масле; пироги болшие с маковым соком, с сошнями, пироги с вязигою болшие; пироги с сигами[24] пироги со линяма, пироги с сельдями, пироги с линями а меж пересыпать блинами. А из расольнаго, щука под чесноком, окунь в росоле, щука живопросолная, белужина ветряная в росоле[25]; под зваром: осетрина в росоле под зваром, сиги в расоле под зваром, рыба лодуга в росоле под взваром. В госпожин мясоед в стол ествы подают: лебеди, потрох лебяжий, жаравли, чапли, утки, грудь баранья верченая с шафраном, части говяжьи верченые, языки верченые, середки свиныя, куры росольные; уха курочья, говядина, свинина росольная, юрмы, лососина[26], с чесноком[27], заецы сковородные, заецы в репе, заецы росольныя, куры верченыя, печенки белые бараньи с перцом и шафраном; говядина шестная, колбасы, свинина шестная, клинцы хоробрые, почки свиные, желудки, ветчина, рубцы, кишки, куры шестные, караси, кундумы, шти. А на ужине[28]: зайцы печеные, буженина, квашена; головы и ноги свиные, полотки[29], свинина, ветчина. А после Семеня дни не подают юрем, ни печеный[30], ни грудей бараньих. А с Покрова даются[31]: гуси верченые, гуси шестные: а в госпожин мясоед в стол еству подают, рыбную: селди паровые, щуки паровые, лещи паровые, и сухие рыбы; лососина, белая рыбица, осетрина, спины осетрьи, спины стерляжьи; ухи шафранные, уха окуневая опеклая черная, уха плотичья, уха лещевая, уха карасовая, тавранчук стерляжей. Росолнаго[32], свежаго: белая рыбица, лососина, стерлядь свежая, стерлядь свежо-просольная, осетрина живо-просольная, головы щучьи с хреном да с чесноком, щука живопросольная, голцы в кислых штях; стерляди вислые, осетрина шехонская, осетрина косячная; грибы печеные, грибы вареные, шти, раки кашневые. А после Семеня дни не подают сухие рыбы, а прибудет с Семеня дни короваев, поросята телные, утки телные. А с Дмитриева дни прибудет ествы рыбные, ухи назимые, всякие. В Филипово говенье в стол еству подают: селди паровые, сиги паровые, селди свежие застуженые, лещи паровые, спины белыя рыбицы, спины лососьи, спины нельмежьи, спины семожьи, стерляди паровые, сиги паровые, лодуги паровые[33]; поросята телные, утята телные, уха шафранная, уха черная, уха линевая; печенки, молока[34]; уха окуневая, уха плотичья, уха лещевая, уха карасовая, тавранчюк белужей, тавранчюк осетрей, тавранчюк севрюжей, тавранчюк стерляжей, ухи смешаныя[35], ухи столчаные[36], ухи стерляжьи, ухи судачьи, ухи черевца стерляжьи. А просолнаго: белая рыбица, лососина, нелмина, стерлядь, осетрина, головы стерляжьи, головы щучьи с чесноком и с хреном, кружек телной, стерляди жареные, щуки отворочные[37], лени, окуни, плотицы[38], лещи росолные[39] щучина живопросолная, трубы схабы белужьи, селди жареные, осетрина[40] длинная, двои шти с ухою свежею, да с ухою осетрею. В великой мясоед, с Рожества Христова, в стол ествы подают: лебеди, потрох лебяжей, гуси верченые, тетеревы, куропаты, ряби, поросята верченые, баранина печеная, баранина расолная, поросята расолные, потрох поросячей, ухи курячьи, солонина с чесноком и с зелием, лососина[41], осердие лосие в росоле, осердие крошеное лосье, губа лосья, печены лосьи, мозг лосей, заецы сковородные, заецы росолное, куры верченые, потрох гусиной, говядина шестная, свинина шестная, ветчина[42], колбасы, желудки, гуси шестныя; минты кривые, тукмачи, лапши, караси, кундумы, шти. В великой мясоед по Рождестве Христове в стол еству подают, рыбную: селди паровые, селди свежие застуженные, лещи паровые, спины белые рыбицы, спины лососьи, спины нелмежьи, спины семожьи паровые, стерляди паровые, сиги паровые, ладуги паровые, ухи назимые; короваи, поросята, утки телные, ухи шафранные, ухи черные, ухи линевые[43], ухи щучьи, ухи с перцом, ухи окуневые, ухи плотичьи, ухи лещевые, ухи карасовые, тавранчук белужей, тавранчук стерляжей, ухи с мешечки, уха столчена[44], ухи стерляжьи, ухи судочьи, ухи черевца стерляжьи. Просолнаго подают: белая рыбица, лососина, нелмина, стерляди, осетрина, головы стерляжьи, головы щучьи с чесноком, кружек, стерляди, щуки отварачиванные, окуни, плотицы росолные, лещи, щучина живопросолная[45] схабы белужьи, селди жареные, осетрина шехонская, осетрина косячная, осетрина длинная, шти. А на[46] масленой недели в стол еству подают: хлебцы постные, икра паюсная, икра осетрья осенняя, икра осетрья свежая, икра стерляжья, ксени шучьи с шафраном, кашка белые рыбицы, ксени лососьи, ксени щучьи черные; кашка судочья, кашка стерляжья, кашка севрюжья свежая, ксени осетрей свежия, ксени белужьи просолные, ксени осетрьи сухие, ксени белужьи сухие, снетки сущи, пласти карасовые[47], язевые, икры вареные, икры пряженые; пупки сухие осетрьи, пупки росольные[48] вязига в уксусе, стерляди бочешные, языки мокрые, стерляди вислые, тегли осетрьи, тегли белужьи, языки белужьи, осетрина шехонская, гороховая лапша, яглы, смокви[49], горох тертой[50], горох битой, двои шти, блины, луковники, левашники, пироги подовые с маком, кисели сладкие, преснечики малые. – НАКАЗ О ВСЯКИХ МЕДАХ КИСЛЫХ, КАК МЕД СЫТИТИ, ВСЯКИЕ МОРСЫ ЯГОДНЫЕ ДЕЛАТИ, И КВАС МЕДВЯНОЙ И ПРОСТОЙ СТАВИТИ, И ПИВО ПРОСТОЕ ПОДКАРМЛИВАТИ МЕДОМ И ВАР ВАРИТИ, ОБАРНО (?) МЕД СЫТИТИ. Сицево обарно мед ставити: взяти все мерою сырцу с теплою водою, да россытя, мед процедити ситом на чисто без вощин, да положити в тот мед вару на всякой пуд по[51] мере хмелю[52], а варя тот мед, пена снимати ситом, чтоб было в котле чисто; да уваря того меду[53] половину, да из котла[54] процедити[55] лишь теплой[56], да сложити[57] мед в[58] мерник чисто без вощин, да украй хлеба натерти с дрожжями и с патокою, да припечи у печи, да положити в тот мед, и в мерник; да квасити; а как соймется мед киснути гораздо, ино его сливать тот час в бочки, чтоб не окисл. – НАКАЗ О БЕЛОМ МЕДУ. Белой мед сытити[59]: сицево выбирати патока белая чистая, да убити патока мутовкою гораздо, чтоб не было кусья медоваго[60]мелкаго; а взяти мед[61] в четверо разсытить водою[62] теплой, а вару положити на всякой пуд по мере[63] хмелю; да с дрожжами наквасити; а как мед киснет, ино дрожжи сымати с меду ситом до чиста, а как поспеет, так и сливати[64] в бочки: – О ПАТОЧНОМ МЕДУ. Паточный мед сытити[65]; взяти патоки в пятеро, да разсытити водою леть тепло, да процедити чисто, да сложити в мерник, а вару положити на два[66] пуда, мера хмелю да с дрожжами наквасити; и как мед киснет, ино дрожжи снимати с меду[67] до чиста; а как поспеет, так и сливати вскоре. – О ПРОСТОМ МЕДЕ. Простой мед сытить[68]: взяти сырцу в шестеро и разсытити водою чють[69]тепло, да процедити до чиста, да положити вару на всякой пуд по мере[70] хмелю, да с дрожжами наквасити; а как киснет мед, ино дрожжи снимати с меду ситом до чиста; а как поспеет, то и сливати[71] в бочки. – О БОЯРСКОМ МЕДУ. Боярский мед сытити[72]: сняти вощина, да патоки взяти в шестеро, да разсытити горячею водою, а вару положити на всякой пуд по четверику хмелю, да наквасити с дрожжами чисто без вощин, а киснути в мерниках неделя да сложити в бочки. Настояти же в бочках неделя, да тот мед сцедити с дрожжей, да положити во иную бочку без брожжей да покормити патокою. – О МЕДУ, КАК ЗЕЛИЕМ МЕД СТАВИТИ. Зелием мед ставити с мушкатом и гвоздикою, а отимати меду простаго в малые бочки, да того меду покормити патокою, да те зелия истерти мелко, класти в мешечки[73], положити те мешечки[74] малые в[75] мед[76], а воронки закрывати накрепко, чтоб из бочек дух не выходил. – УКАЗ КАК ЯГОДНЫЕ МЕДЫ СТАВИТИ. Ягодный мед ставити, сицево: какие ягоды ни будь[77], положити ягоды в котел, да с ягоды положити в котел кислой мед, простой[78], чтоб ягоды в котле[79] поняло, да чтоб ягоды в котле не пригорели, а варити ягоды в котле с медом гораздо, покаместь[80] раскипятся ягоды, а как ягоды раскипятся, ино[81] поставити[82], на ночь; и как[83] отстоит мед ягодной от гущи на чисто, ино сложити тот мед ягодной в бочки в какой мед произволит и сколь густо захочеш взять ягодной мед; а станеш[84] мед ягодный класти[85] в бочки в какие нибудь, иноб в тех бочках и в меду дрожжей не было[86]. – О МОРСУ ЯГОДНОМ: Ставити морс ягодной простой каких нибуди ягод, ино положити ягоды в котел с водою, чтоб ягоды поняло[87], и к котлу не пригорело; да варити ягоды в котле[88] гораздо, покаместь[89] ягоды раскипятся, ино поставити на ночь, и как ся отстоит морс ягодный от гущи на чисто, ино сложити тот морс ягодной в бочки, в которой бы бочке дрожжей не было. – О квасе, как простой квас медвяной сытити[90]. Квас медвяной сытити простой: взяти меду[91], в четверо[92]; да процедити ситом[93] чисто, да положити в мерник, а наквасить колачем простым мягким без дрожжей, а как укиснет, ино сливати в бочки. – О ПОДДЕЛНОМ ПИВЕ[94]. Пиво простое подкармливати, как сварят пиво и[95] устоится в бочке, да[96] с дрожжей сцедити то пиво, и в иную бочку положити без дрожжей[97], да положити пиво в котел, да меду положити в котел на всякое ведро, сколко в той бочке[98] по гривенке полшеи[99] (?) патоки; да варити патока с пивом в котле до кипятка, чтоб патока с пивом[100] смешалася, да и простудити холодно, да положити то[101] пиво с патокою в[102] бочку. – УКАЗ О ВСЯКИХ ОВОЩАХ О РАЗНЫХ, КАК ИХ СТРОИТИ И ДЕЛАТИ: Как ретке делати: ретка толчи или терти на железе, да обваляти, да мочити трижды[103] выжимая в трех водах, да в нее положити патоки с зелием. – О АРБУЗАХ: Арбузы пасти про себя[104], извести[105] в сито гривенное да доспети[106] щелок, а доспев, варити, чтобы очистился чисто; да взяти арбуз изрезати в слои, да сема и с телом вырезывати[107] оставить перста на два от кожи, да маленько зеленово, мало толще бумаги отлупити, да положити в щелок, да держати до тех мест[108]; да тот щелок переменяти, да положити в другой; и держати до тех же мест[109]; да взем патоки, и варити тихим варом, а пена на чисто ситом снимати; а как не будет пены, то патока поспела, да в горячею положити зелия перец, имбир, гвоздика, корица, цвет мушкатной или мушкат; и приварить да чисто бы патоки не пережеч, да класти в став, да положити арбузы в патоку. – О ДЫНЯХ: Дыни резати полосами, а лупити же тонко, а тело вырезывати вполы да подержати в щелоку день да нощь; да клади в патоку, в такую же с зелием, да в став, да оборачивай нутром вверх. – О ЯБЛОКАХ КУЗМИНСКИХ. Яблока кузминские целые не битые и без червяточины в бочки ставити по одному, сторожку вверх, а сторожки прирезывать, да в нее[110] лити сыта паточная, а взяти втрое. – О ЯБЛОКАХ НАЛИВНЫХ: Яблока наливные бы чисты были и не побиты да класти в бочки в не великие ведр по пяти по одному яблоку руками да налей паточною сытою, и взять в четверо; а у бочки воронку просто разняти, да закрывати[111] кислой бы дух выходил[112].

А иные сказывают арбузы варить в известном щелоку да выстудя класти в вареную патоку с зелием. А иные говорят, как патока в дынях ожизнеть, ино та выливати, да иная класти, чрез неделю; да как патока не станет жизнуть, и станет в своем подобии, тогда в патоку положити зелие перец, инбирь, гвоздика.

О вишневых ягодах: а сладки живут вишни в патоке перепущеной. – О БЕЛИ МОЖАЙСКОЙ: А бель можайская чистая, которые яблока не избилися, да груши и дули в патоке[113] в перепущеной без воды, да класти в корчаги[114] в[115]смоляные[116]. – О ЛЕВАШАХ ВСЯКИХ ЯГОД: Леваши ягодные черные[117] и малиновые и смородинные и земляничные и брусничные и всяких ягод делати: сице варити ягоды долго[118] и как разварятся[119] протерти[120] сквозе сито, да с патокою упарити[121] густо, паря[122] мешати, не переставая, чтоб не пригорело; и как будет добре густо, то лити на доски, а доска перво намазати патокою; да как сядет, ино в другие да и в третие налити; а не сядет от солнца, ино противу печи сушити, ино вертеть[123] в трубы. – О ЯБЛОЧНОЙ ПОСТИЛЕ. Яблочные постилы делаются: сице[124] яблока в четвертной сыте варити, чтоб их по выше сыта поняла, и парити долго, да протерти сквоз сито, да положить патоки доволно; а паря безпрестано, мешати и бити, и унимати[125] и как будет густо, – ино класти на доску, помазав[126]патокою, да чтоб[127] напаяти гораздо патокою[128], как вступит, класти на голо в кинодати медные, луженые, сиречь[129] творила, – обмазав патокою; а из творил опрометывати, что сыры, на блюда, и ставити на стол. – О УКСУСЕ[130]. Уксус взяти после сусла патоки, да из сусла взяти добраго, квасити четыре недели или болши, на печи, и класти в тот уксус меду, патоки, гривинка или болши, да гороху, да и пшеницы ковшик положити, да и клюкву кладут, и дуб и железо. – О ЗБИТНЕ. Збитен делати сицево: вина скляница, уксусу скляница, перцу четверть, фунт патоки, три гривенки, и заморскаго у ково лучится, столко же положити туто же и варити с медом, и чтобы не сплыло, а сваря устроится и тогда слити в судно. Книжица сия пишет в ней веселию потреба, коему человеку Бог в житии поправит тому потреба, в сию взирати за не же встосная(?) душа всяким похотем сплетна. – ЧИН КАКО ПИВО ВАРИТИ[131]. Взяти солоду ячнаго четверток, да ржанаго солоду полмеры, или овсяные муки полмеры, да затерти по обычаю, да гороховыя муки четверик туто же добро понеже чахоту от солоду отнимает, и мозгл отгоняет, а кому будет пивца… повеселие, ино как сусло слуется дают вина в сусло полведра, по числу смотря, и в то врямя в сусле вино прокиснет в пиве незнает будет, и кою пору укроика пиво варит, ино в ту пору и хмель бы был готов и хмель положити в катцу мокров (?) горячево кипятка, поливати на хмель ковша по два, и закутывать рогожкою на крепко, ино… хмель преет, а как пиво наж… укрои плотно, чтоб дух не выходил. А варити пиво, и мед сытити, и вино курити, в перекрой месяца молода, велми прибылно живет и родно и винож; а как поспеет пиво, ино сливати в бочки, а то пиво многим живет и укуснее которое не ходя (годя?) сливают, а дохаживает в бочках, а тако перецедит на мернике столь пьяно и не… датно испити, а которое пивцо в даль поблюсти ино в те…[132].

IV[1]

ИН ПЕРЕВОД

В Великий пост на Федорове недели в стол ествы подают: хрен, редку, гренки, капуста крошеная, рыжики студению, грузди студению, толокно мешаное, кинодат, левашники, дыни вареные в патоке, арбузы вареные в патоке, квас медвяной, квас житной, патока вареная с инбирем.

В Великий же пост, после Федоровы недели до страстные недели, в стол еству подают: хрен, редка, гренки, капуста студеная, рыжики студеные, грузди студеные, толокно мешаное, икра осетрья, икра севрюжья, икра стерляжья, капуста гретая с маслом, грибы горячие, лапша гороховая, лапша соковая, пироги соковые сладкие, пироги кислые с молоком подовые; коровай с грибами, пирожки с рыжики подовые, копытца с маковым творогом, коровай с снедки, коровай яблочный, коровай со пшеном, да с изюмом, коровай с винными ягоды сладкой, каша сладкая с брынцом да с винными ягоды, кисель сладкой красной, кисель сладкой белой, горох тертой, ксени осетри горячие сладкие, уха пласти лещевые, уха щучья, щипаная, пластевая, уха карасовая пластевая, уха язевая пластевая, осетрина вялая вареная под зваром; севрюжина вялая вареная под зваром, стерляди живопросольные под зваром, пупки осетрьи под зваром, щученина вялая под зваром, молоко маковое, каша грешневая тертая.

А свежие рыбы кроме Благовещеньова дни да Вербньго Воскресения не ядят, подвижные люди к Богу, в великой пост; ядят по неделям сущи да просольные рыбы. А на Страстной неделе тежь ествы в стол даются, которые на Федорове неделе даются; а прибыльная ества постная драчена в маковом молоке, блины икряные, а делают; бьют икру много, да процедят сквозе решето частое, да приложат мучки крупичатой и оне толсты стануть, что красные блины, и кладутся по три блина на блюдо, сыт гороховой с маслом, кашка судочья с жиром с судочьим, да со пшеном, салья снеточная. – В великой пост по суботам и по неделям подаются; икры: икра щучья, икра паюсная, икра осетрья свежая, икра севряжья; ксени щучьи черные, ксени щучьи белые, ксени осетрьи, ксени белужьи сухие и мокрые, каша лососья, судочья, стерляжья, белужья. Хлебенная: кбаники, рыжики в масле, пироги пряженые со пшеном с вязигою и с горшком, караси с рыбою и со пшеном и с вязигою, левашники, луковники, блины с маковым творогом и с маслом, корка с икрою с осетрью, икры вареные в уксусе и в маковом молоке, икряники.

УКАЗ КАК ДЕЛАТИ МУКА КРУПИЧАТАЯ

Десять четвертей возмут пшеницы, выделают из 10 четвертей муки крупичатой полтретьи четверти, да три четверти муки белыя, да полпяты четверти муки росхожия, да три четверти межситки; а из четверти двадцать колачей крупичатых, а из белой муки потому же, по двадцати колачей из четверти; а в росхожей муке по двадцати ж колачей из четверти; а на четверть мучную дают по две гривенки соли, а на росхожую муку дают на четверть по гривенки соли.

ИН ПЕРЕВОД С ВЕЛИКА ДНИ

В великоденской мясоед на стол еству подают.

Лебеди, потрох лебяжей, жаравли, чапли, утки, тетереви, ряби, почки, заецы верченые, куры росолныя, пупки, шейки, печеньцы курячьи, баранина расолная, пироги подовые с бараниною, ухи курячьи с шафраном, да белая, да черная; пирог подовой, оладьи, котломы, пироги пряженые кислые, солонина с чабаром, простая; полотки, языки, лосина, пироги пряженные с яйцы и с сыром, сырники с яйцы и с сыром, заецы в сковородах, заецы росолные, кости заечьи с молочи заечьи, куры верченыя, черевца, пупки, печенцы курячьи, жаворонки, потрошек бараней, сандрики, свинина, ветчина, карасы, сморчки, кундумы, двои шти.

А на ужине в стол еству подают: студень, ряби, заецы печеные, тетереви, баранина, полотки, заецы росольные, куры верченые, свинина, ветчина.

А в великоденский мясоед по постным дням в стол еству подают: рыбную: сельди паровыя, лососина сухая, белая рыбица сухая, осетрина сухая, спинки стерляжьи, белужина сухая, спинка осетрья, спинка белужья, спинка белыя рыбицы паровая, лещи паровые, ухи шафранныя, ухи черныя, ухи щучьи, ухи лещевыя, ухи карасовыя.

А росольнаго: белая рыбица свежая, стерляди свежия, пироги со пшеном, да с вязигою, да с горошком; караси со пшеном да с вязигою и с рыбою.

В Петрово говейно в столь еству подают: сельди паровыя; а сухия рыбы: лососина, белая рыбица, осетрина, спинки стерляжьи, пруты белужьи, спинки белыя рыбицы паровыя; ухи щучьи с шафраном, ухи щучьи черныя, векошники окуневые, окуни опеченые, векошники плотичьи, ухи карасовые, тавранчук осетрей, тавранчук стерляжей.

А росолнаго: белая рыбица свежая, стерляди свежия, пироги со пшеном, да с вязигою, да с горошком; караси со пшеном, да с вязигою, да с рыбою; стерляди живопросольныя, осетрина свежая, осетрина просолная, щучина живопросолная, головы щучьи под чесноком, голцы, стерляди вислыя, осетрина шехонская, осетрина косячная, грибы вареные, грибы печеные и вешеные, шти, раки.

В Петров мясоед в стол еству подают: лебеди, потрох лебяжей, жаравли, чапли, утки, полотки заечьи, части варченые, языки говяжьи верченые, груди бараньи верченые, куры росолные, пупки, шейки курячьи.

В госпожино говейно в стол еству подают: капуста кислая с сельдями, икра всякая, ставится рядом; спинка белужья ветреная, лососина дается с чесноком, с зубками; осетрина шехоньская, белая рыбица, семга провеслая, спинки осетрьи, спины стерляжьи, сельди паровыя, щуки паровыя, стерляди паровыя, лещи паровыя, спины семежьи, спины рыбичьи и всяких рыб спины даются.

После пароваго дается: ухи назимые с шафраном, опекиваная окуневая черная, затудити ея; ухи рядовыя горячия: уха щучья, уха стерляжья, уха карасовая, уха окуневая, уха плотичья, уха лещевая, тавранчук осетрей.

А меж ух дается: коровай телной, и стерляди, и кружек; пироги: пирожки в масле ореховом пряженые с горошком, оладейки в ореховом масле кисленкие; пироги подовые кисленкие с горошком; пироги с маком пряженые в конопляном масле болшие с горошком; пирог болшой с маковым соком да с сошнями; пирог с вязигою болшой, пирог с сигами; пирог со мни, пирог с сельдми, пирог с сошнми, а меж пересыпати блинки.

Росолнаго: щука под чесноком, окунь в росоле, щука живопросолная, белужина ветреная в росоле, белая рыбица в росоле под зваром; осетрина в росоле под зваром; лососина вросоле под зваром; сиговина в росоле под зваром; семга в росоле под зваром; лодога в росоле под зваром.

А после Семеня дни не подаются сухия рыбы, а прибудет с Семеня дни короваев, поросята, утки телные.

А с Дмитриева дни прибудут ухи назимыя.

В оспожин мясоед в стол еству подают: заец верченой, дается всегда, голова свиная под чесноком.

С Покрова буженина.

С самто с оспожина дни, промеж говейна, до Семеня дни: ноги говяжьи, тетерев под шафраном; лебедь медвенной, в зваре, под шафраном.

С Покрова: Потрох лебяжей с шафраном с тапешки, шейка лебяжья с шафраном, а кладутся по ней тапешки, а тапешки словут: колачь в масле пряженой, ломтями; гусь дикой так же дается что и лебедь, гусь кормленой дается.

С Покрова жаравли под зваром с шафраном даются. С Покрова чапли под зваром с шафраном даются. С Покрова утки верченые с простым зваром даются. Прибылная ества: блины красные по 5 на блюдо, блины тонкие, колбасы даются с клинцы, хоробрая дается с почками свиными, боров дается, голова под чесноком, середка наделываная жареная, бужанина, колбасы, хоробрая да почки, свинина росолная, желудок, квашенина, заец назимой, заец душевной.

С Покрова грудь баранья верченая дается.

До Семеня дни язык верченой под простым взваром; до Семеня дни середки свиныя верченыя под зваром простым; с Покрова почки заечьи с простым зваром даются всегда; ушное: заецы в росоле даются всегда; куря под брынцом с шафраном, заецы в лапше, заецы в репе, куря в лапше, осердье; уха в зверине, а дается в груде говяжьи и в лососине[1], потрох гусин, калья куречья, или тетеревина, или утечья; пироги сахарные даются[2] в брынце; пирог подовой масленой делается с блинцы; пирог кислой болшой пряжат вмасле с сыром, оладьи[3] большие, даются с медом; коровай блинчатой болшой, пироги пресные пряженые с сыром. А пироги и короваи даются меж ух; шестное: говядина с чесноком, куры шестные, свинина.

Всего опосле ества оладьи сахарные.

А в Великий пост в хлебне ествы: блины, луковники, левашники, пироги подовые с маком, кисели сладкие; преснечики.

А сластей в которые дни доведется: полосы арбузныя в патоке, полосы дынныя в патоке, яблока в патоке, вишни, мазюни с инбирем и с шафраном и с перцом; взвары медвеные и квасные простые с изюмом да со пшеном; шишки, пастилы всяких ягод, редка в патоке.

В Великий пост по суботам и по неделям подаются: икры: икра щучья, икра паюсная, икра осетрья свежая, икра осенняя, ксени щучьи черные, ксени щучьи белыя, ксени осетрьи, ксени белужьи сухие и мокрые. Кашки: лососья, судочья, стерляжья, осетрья, белужья. Хлебенная; кбаники, рыжики сухие, рыжики в масле, пироги пряженые со пшеном, и с горошком и с вязигою; левашники, луковники, блины с маковым творогом и с маслом, корка с икрою с осетрею, икры вареныя в уксусе и в маковом молоке, икряники.

ИНОЙ ПЕРЕВОД С ВЕЛИКА ДНИ[1]

В великоденской мясоед в стол еству подают: окорок ветчинной с студенью, тетерев с студенью под шафраном, тетерев горячей, верченой, а дается на четыре блюда: два ходила 1-е блюдо, два схаба блюдо 2-е, хлуп блюдо 3-е, крыле блюдо 4-е; ряби верченые, плечо баранье, печень с яйцы, ножка баранья печеная с яйцы, печень баранья с сычугом, сандрики печеные, курник круглой с сошнями и с пирожки, пирог подовой мясной, пирог подовой сырной; пирог подовой ячной, коровай ставленной с блинами; коровай битой кислой; котломы с патокою, пироги долгие пресные, пряженые с сыром, пироги караси с мясом[2], сырники, пироги караси с яйцы, пироги сахарные пряженые, пироги долгие кислые пряженые; почки заечьи, верченыя под зваром; лопатка ветчинная[3] во штях; каша куречья с ветчиною; уха куречья со пшеном шафранная; шти богатые, уха куречья голая; калья куречья с лимоны; калья утечья с сливы[4], калья тетеревина с огурцы, заец черной горячей; заец в лапше с пирожки, заец росольной; губа лосина в ухе, уши лосины в ухе, куры молодые в росоле, баранина росолная с горчицею, лосина, гусин полоток, полоток, солонина мокрая, солонина ветреная, язык ветряной, оладьи болшие одноблюдные с сахаром, осыпают с патокою; оладьи середние по пяти на блюдо, с сахаром, оладьи меньшие с сахаром же.

В великоденьской мясоед в стол еству подают, рыбную: капуста солея, селди паровыя, икра осетрья, икра щучьи, икра мневая, икра севрюжья, икра стерляжья, икра паюсная, полоток лососей, полоток белыя рыбицы, теша семежья ветреная, спина осетрья, спина белужья, спина севрюжья, спина стерляжья с вялою рыбою даетца; ботвинье борщевое, щуки паровыя, лещи паровые, спинки лососьи жареныя, пироги долгие пряженые, с маком, спинка белыя рыбицы жареная, пироги, караси со пшеном, да с вязигою, пряженые; спинка семежья; пироги долгие с горохом, пряженые; стерлядь свежая верченая; пироги-караси с телом, пряженые, щука отворачиваная с рострубом, пироги пряженые; спинки семежья просолныя, схабы белужьи свежие, жареные под зваром; звено осетрины свежия, жареное под зваром; оберетки белыя рыбицы или семежьи под зваром; коровай ссыпной с хворосты да с телом белужьим; пироги подовые с вязигою да с брынцом да с хворосты; коровай с телом с осетрьим, пирог долгой с телом да со пшеном, пирог подовой с маковым творогом да с сошнями; пирог с сигом да с брынцом; пирог соковой подовой с хворосты, коровай мневой со ксенем, пирог долгой подовой с лодогою, а подсыпают грешневою крупою; коровай яблочной, коровай с молоки, луковник кислой, луковник пресной с хворосты; коровай с осетрьи пупки, коровай с осетрьи молоки, уха щипаная щучья вялая, уха лещевая пластевая, уха язевая пластевая, уха судочья, уха карасовая пластевая, сущь муромской, пласти глубоцкие, пласти тверские, сущь суздалской. (А коли рыбы свежие доволно в ухе, ино тогда сущи не даютца). Стерлядь телной, уха щучья шафранная, коровай телной с пирожки, уха толчаниковая щучья, гусь телной, уха окуневая, утя телное, уха мневая, осос телной, уха каросовая, черная сладкая, судок телной, уха лещевая, сиг телной, уха плотичья, карась телной, уха стерляжья, шука телная, уха судочья, плотицы телныя, окуни телные, ерши телные, потрох щучей, потрох тавранчук белужей, потрох семежей, тавранчук осетрей, ксени осетрьи, тавранчук севрюжей, потрох севрюжей, тавранчук стерляжей; каша с молоки стерляжьими да со пшеном, калья лососья с лимоны, калья белыя рыбицы с сливами, калья стерляжья с огурцы, голова щучья под хреном, щуки колодками под чесноком, окуни росолные, караси росолные, теша белужья, осетрина свежая с горчицею под зваром, севрюжина свежая с горчицею под зваром, севрюжина свежая под звором стерлядь свежая под зваром, белая рыбица свежая под зваром; семга свежая под зваром, лосось свежая с лимоны, белужина бочечная росолная, щука живопросольная под звором, осетрина бочечная ступичная, севрюжина бочечная, стерляди бочечныя, семга терская, семга двинская, семга печерская, омули бочечные, лодужина свежопросолная, сиги свежопросолные, чировина, дается после ух всякая рыба под зваром; теша осетрья под зваром со штями, а шти даются в ставчике.

В Петрово гвеейно в стол еству подают; капуста соленая, грузди с маслом с ореховым, рыжики с маслом с ореховым или с конопляным с студенью, икры всякие те же даются, кои в великоденской мясоед даются по постным дням; а вялая рыба всякая тож дается, что и в великоденской мясоед по постным дням; капуста гретая, рыбы всякие паровые и пироги всякие и ухи, и рыбы просольные, и пироги всякие, и короваи те же даются, что в великоденской мясоед по постным дням.

В Петров мясоед в стол еству подают; окорок ветчинной[5] с студенью, заец верченой[6] назимой, лебедь под зваром с шафраном; а дается лебедь на шесть блюд; а потрох лебяжей: голова дается на два блюда, папоротки на два блюда, ножки на два блюда, и всего потрох лебяжей дается на шесть блюд; и обоего лебедь и с потрохом дается на двенадцать блюд; журавли под зваром под белым под медвяным, дается на шесть блюд: два папоротка на два блюда, два ходила на два блюда, схабы да душка-блюдо, памяти-блюдо чапля под зваром водяным, дается на пять блюд: крыле на два блюда, ходила на два блюда, хлуп на блюдо; гусь верченый дается с уксусе на три блюда: два папоротка на два блюда, два ходила на блюдо; тушка блюдо; утки верченые, тетереви полевые горячие, части верченые под зваром; языки верченые под зваром, баранина крючки под зваром, плечо баренье жареное с подбелом; печень баранья с сычугом; курник; пирог подовой с мясом да с сошнями; пирог подовой с сыром, пирог сахарной, каша путная с витчиною; шти богатые с курятем; уха куречья шафранная, уха куречья голая, калья утячья с лимоны, калья тетеревиная с огурцы, заец черной горячей; заяц в лапше с пирожки, почки верченые под зваром, пироги пряженые с сыром, караси пряженые с сыром, пироги кислые долгие пряженые, заец росольный, лососина под зваром, говядина шестная, баранина шестная, лопатка свиная, ветчина подо штями; рубцы под зваром, курья с лимоном, кисель с сливами, оладьи большие одноблюдные под сахаром с медом; оладьи средние под сахаром с медом; оладьи меньшие под сахаром с медом.

В оспожино говейно в стол еству подают: капуста соленая, сельди, икра всякая, ставится рядом, коя лучится, рыба всякая, вялая, коя лучится, ставити с ботвиньем; рыбы всякия свежия, паровыя, те же даются, кои в великоденьской мясоед даются, по постным дням. А кои люди подвижные к Богу, ино те люди не едят рыбы свежие, кроме Преображеньева дни, а едят суши всякие. Пироги всякие пряженые и подовые с рыбным телом и с рыбою, теже даются, кои и великоденский мясоед, по постным дням. А кои люди подвижные к Богу, ино те люди пирогов и рыб свежих и простых и ух всяких не едят, кроме Преображениева дни; а ухи всякие рыбные, свежие, те же даются, кои в великоденьской мясоед, по постным дням даются. А кои люди подвижные к Богу, ино те люди свежих ух не ядят кроме Преображениева дни, а ядят сущевые ухи, а рыбы всякие свежие и просольные, теж даются, кои в великоденьской мясоед, по постным дням, после ух.

А кои люди подвижные к Богу, те люди не ядят рыбы, кроме Приображениева дни.

А в госпожин мясоед в стол еству подают: куря с лимоном окрашиванное, тетерев окрашиваной с сливами, утя окрашиваное с огурцы, голова свиная свежая.

А дается с Никитина дни под хреном студень ножная говяжья.

А дается к завтрики да к ужину: заец черной сладкой, буженина в чесноке.

А дается с Никитина дни: окорок подо штями, грудь баранья верченая под шафраном; лебяди и потрох имянно написан и на сколько блюд в Петрове мясоеде; дается журавль, в том же Петрове мясоеде писан и на сколко блюд дается; чапля в Петрове же мясоеде писана, и на сколко блюд дается; тетерев под шафраном; гусь, с Никитина дня дается, в Петрове же мясоеде писан и на колко блюд дается; утки верченыя, тетереви верченые, части говяжьи под зваром, языки верченые под зваром, плеча бараньи под забелой с чесноком, середка свиная жареная, а наделывают брынцом; а иногда мясом с салом. А дается с Никитина дни, курник под зваром: пирог с мясом большой подовой, пирог с сыром подовой, пирог с сахаром подовой, гуси и утята даются во штях. После Никитина дни до Филипова загоенья: каша курячья с ветчиною, каша простая с ветчиною, уха курячья со пшеном шафранная; шти богатые с курятем, уха курячья голая, калья курячья с лимоны, калья утечья с сливы, калья тетеревина с огурцы, заец черной горячей, заец в лапше с пирожки, заец репной, заец росольной, губа лосиная в ухе, уши лосиные в ухе, пироги караси с масом, пироги кислые, пряженые с сыром, пироги пресные пряженые с сыром, сырники, говядина шестная, баранина шестная, куры верченые, сычуги, желудки, рубцы горячие под зваром; оладьи большие под сахарам и с патокою, оладьи меньшие под сахором с патокою.

В Филипово говейно, по Рождество Христово в стол еству подают: капуста соленая, икрые всякие, теже даются, кои и в великоденьской мясоед по посным дням; рыбы всякие ведряные, кои лучатся, те же даются, кои в великоденьской мясоед по посным дням: ухи назимые красные и черные, те же даются, кои в великоденьской мясоед по посным дням; рыбы паровые свежие всякие, теже даются, кои в великоденской мясоед по постным дням; пироги пряженые всякие и подовые всякие, те же даются, кои в великоденьской мясоед по постным дням; ухи всякие свежие, те же даются, кои в великоденьской мясоед по постным дням; тельные всякие теж даются, кои в великоденьской мясоед по постным дням; рыбы всякие свежие и просольные после ух теж даются, кои в великоденьской мясоед по постным дням; потрохи всякие и тавранчуки и ксени всяких рыб теж даются, кои в великоденьской мясоед по постным дням.

В великий мясоед с Рождества Христова по маслиницу в стол еству подают: голова свиная свежая под чесноком, окорок свежий студеной, квашенина говяжья, осос росольной под чесноком; лебедь и потрох лебяжей, имянно написан в Петрове мясоеде, как дается и на сколько блюд; жаравль и чапля имяннож написано в Петрове мясоеде, как дается и на сколько блюд; тетерев глухой под зваром и под шафраном, имянно ж написан в Петрове мясоеде на сколько блюд дается; гусь дворовой, именно жь написан в Петрове мясоеде на сколко блюд дается; утки верченые дворовые, ососы верченые, тетереви полевые верченые, части говяжьи верченые под зваром; языки верченые под зваром; клюки бараньи под зваром, плеча бараньи жареные с подбелом; курник, пирог с мясом большой подовой, пирог с сыром большой подовой, каша курячья с ветчиною, каша курячья с пшеном шафранная, шти богатые с курятем, уха курячья голая, калья курячья с лимоном, потрох гусин, калья тетеревина с огурцы, заец верченый горячей, заец в лапше, с пирожки, заяц репной, заец росольной, губа лосиная в ухе, уши лосиные в ухе. А после ух: пироги кислые пряженые с сыром, пироги пресные пряженые с сыром, сырники, говядина шестная, свинина шестная, баранина шестная, сычуг, желудок, рубцы горячие под зваром; куры верченые, оладьи большие с сахаром и с патокою; оладьи средние, оладьи меншие, кисель белый с сливками, кисель овсяной, сыр губчатой, молоко тверское, варенцы.

На сырной недели в стол еству подают: капуста соленая, рыжики солены с студению, грузди соленые, икра паюсная, икра осетрья, икра севрюжья, икра стерляжья, икра сиговая, щука паровая, лещь паровой, стерлядь паровая, язык жареной, спинка лососья, спинка семежья, стерлядь черная под зваром; пирог подовой, нелма паровая, сиги паровые с вязигою да со пшеном; пирог подовой долгой с телом рыбьим; пирогь долгой Ворсунофьевской подовой: коровай мневой, пирог подовой со пшеном, пирог с лодогою да с гречихою, коровай с моло́ки, уха щучья шафранная, уха окуневая опекиваная, уха мневая, уха лещевая со пшеном сорочинским, уха язевая, уха карасевая, уха плотичья, потрох щучей, потрох лососей, коровай телной, стерлядь телная, судак телной, карась телной, плотицы телныя, окуни телные, кружек телной, голова щучья под хреном; колоколки щучьи под чесноком, окуни росолные, лосос росолной с лимоном, белая рыбица, голова осетрья с горчицею свежая; осетрина бочечная под зваром, стерляди живопросолные, севрюжина живопросолная под зваром, теша осетрья мокрая, щученина живопросолная под зваром; теша севрюжья под зваром, осетрина шехонская. Изо штей: шти белыя с сметаною, пироги долгие кислые пряженые с горошком; караси пряженые с вязигою, караси пряженые с яйцы, пироги долгие пряженые с сыром, оладьи большие одноблюдные, оладьи середние по-пяти на блюдо, оладьи малые, хворосты пряженые, орешки пряженые, елки, шишки ореховыя, шишки тестяныя, шишки миндалныя, мисенное, рыжики, грузди, сыр губчатой, кисель белой с сливками, кисель овсяной, молоко тверское, варенцы.

По цареградски редка делати: розтри сквозе решотку редку сырую, да в воде помочи не много, да выжми, да вари в воде, выкинь на сито, чтоб вода высохла: а будет горяче, ино водою студеною полити, да выжати над ситом до суха, да опять варити в воде, да выжати пото[му]ж; а будет сушеная редка толчена, и в трех водах [ва]рити; а будет коя в катышках делати, таб была по[?]лче протерта сквозе частую решетку, и выжити до чис[то,] чтоб воды небыло, да патоки положити и перцу в ме[?] что б было не горько, а слышати б было и иных зе[?]; и положити, да ожарити, а коя делати житкая, та протерти сквозе редкую решетку, и варити, и выжати вода потомуж, и мед развести водою положити в треть и перцу класти менши, как в катышки.

О редке ж. Делати редка толкши или терти на железе, да обваляти, да мочити три дни, выжати в трех водах, да положити в нее натоки с зелии.

УКАЗ СВАДЕБНОМУ ЧИНУ[1]

Поставити место да обити ковром, а на месте положити подушка отласная или бархат золотной; да у места держать двум человеком по 40 соболей; да у места ж поставити стол, а на стол наслати; да поставити на стол судки столовые и перепечи, калачи положити на блюде, да поставити сыр, да перепеча положити, которая резати; да на другом блюде поставити осыпало, хмель да деньги золотые и новгородки золоченые, да положити 9 соболей да камок и тафт всяких; да на 3-м блюде положити ширинки, да на четвертом блюде положити кика, да под кикою положити подзатыльник, да подубрусник, да волосник, да покрывало; да поставити чарка золотая или серебряная, а в чарке поставити медку не множко, да хмельку, да 2 маковицы; да гребешок положити у кики на блюде; да посторонь у места поставити две скамейки маленькие – на одной скамейке сидети тысяцкому, а на другой свахе; да у места стояти двум человекам, держати носилы с короваем да с сыром, покрывши отласом или бархатом золотым; а руковяди у носил опушити у шлейки камкою или отлясом золотным; да третьему человеку держати свечу в кошельке, а кошелек отласной или бархат золотной; да двум человеком держати фонарь; а те все люди в кафтанех и в терликах бархатных и в камчатных и в отласных золотных, да в шапках лисьих и черных. И как новобрачный князь приедет с поездом и коровайники и свешники с фонарем придут, потому ж; и как даст Бог новобрачный князь сядет на место, сваха встанет, да благословляетца у отца и у матери новобрачному князю и княгине головы чесать. И возмет соболи, которые держат, и обносят теми соболями около голов новобрачнаго князя и княгини по 3-жды, а дружка в те поры благословляется перепечи и сыр резати и подносити сыр и перепечи ко всем, к отцу и матери, и к новобрачному князю и княгине, и ко всему поезду, и к сидячим, и ко всем, кто будет в избе; да послати с перепечью и с сыром к отцу и к матери и кто будет сидячих у новобрачнаго князя и к тем потому ж посылати в сыром и с перепечью. И как Бог даст на новобрашнюю княгиню положат кику и покроют покрывалом, и встав сваха, благословляется у отца и у матери осыпати новобрашнаго князя и княгини; а дружка в те поры понесет к новобрашному Князю и ко всему поезду ширинки на блюде; ко отцу и к матери его от нояобрачные княгини послать с ширинками ж; и как даст Бог новобрачный князь и княгиня всанут с места и выступят в сени, и в те поры стелют камки и тафты, почему итти новобрашному князю до аргамака, а новобрачной княгине до саней, – ехати к венчанию в санях; а сани поволочи отласом или тафтою, а в сани положить подушка бархатная или отлас золотной, на миндер, а в сани послати ковер, а миндер обшить сукном черватым; да у саней держати сорок соболей, как новобрачная княгиня поедет к венчанию, и те соболи держати на месты в санех. И как новобрачный князь у церкви сойдет со аргамака, а новобрачная княгиня выдет из саней, и стелют им под ноги камки и тафты до церковных дверей потому ж; а у венчания подложити под ноги новобрачному князю и княгине камки или отлас золотной, да по соболю. Как поедет новобрачный князь от венчания до аргамака, а новобрачная княгиня до саней, ино под ноги слать потому ж; а поидет новобрачный князь с аргамака, а новобрачная княгиня выдят из саней, и пойдут на место за стол, и под новобрачново князя и под княгиню постилати потому ж; а как станут из за стола и выступят из горницы, ино постилати под ноги потому ж до сенника.

(КОНЕЦ ТЕМ ГЛАВАМ И ДОМОСТРОЙЦУ)

Оглавление